الأربعاء، مارس 07، 2007

صاحبتي..


زمان.. ربما ليس في الزمان البعيد.. عامين أو ثلاثة.. ربما أربعة.. لا أذكر..

المهم.. حدث هذا لي في يوم ما منذ زمن.. وتذكرته بالأمس.. فجعلني ممتلئ بالنشوة والفرح.. وإن كانت دعاء قد منحتني الوصف الذي أستحقه حين قالت "إنت النهاردة مهيبر"..

.........................

السؤال الذي يعرفه كل مستخدمي الماسينجر في مصر.. "أنت جبت ماسينجري منين، وهو أنا اللي أضفتك ولا أنت"..

سألتها ذلك السؤال، وسألته هي الأخرى لي، ولما فشلنا – هي وأنا – في الوصول إلى إجابة صادقة، تجاهلنا الأسئلة، وسافرنا سويا في رحلة "شات" طويلة، تمتد يوميا من الثامنة صباحا – لحظة دخولي مكتبي في مدينة نصر حيث كنت أعمل وقتها – وحتى الحادية عشر – لحظة خروجي من الإنترنت كافيه الملاصق لبيتي في فيصل – ساعات طويلة من الكلام.. والمفاجآت..

كانت تحب الإستيقاظ مبكرا، هي أخبرتني بذلك، وعودتني أن الآخر على العادة ذاتها، قبل أن تفيق من نومها تفتح جهازها ومنه إلى الماسينجر ثم إلى اسمي في قائمتها.. ونبدأ الحديث!

لم أكن أعرف عنها سوى اسمها، وأخبرتني بعدها أن لي معها صديقة مشتركة، كانت تعمل في "عشرينات"، وهي مراسلة للموقع في دولة خليجية، ورغم علاقتي المتوترة – وقتها – بصديقتي المراسلة، إلا أنني فتحت نافذة على الماسينجر باسمها.. وأخبرتها بمنتهى الصراحة أنني أرغب في أن تتطور علاقتي بها من مجرد كونها صديقة مشتركة لي ولصديقتي التي تستيقظ مبكرا.. إلى صديقة حبيبتي القادمة.. والأخيرة! (هكذا كنت أظن)..

إلا أنها أخبرتني أن ثمة أشياء ينبغي أن أعلمها أولا.. ثم انقطع الخط ليومين، كنت أنا قد علمت عن الحب أشياء لم أكن أعلمها من قبل إلا من خلال نافذة الماسينجر الصغيرة والاستيقاظ مبكرا.. وكانت صديقتي قد تحولت لحبيبه تقبل أن تبادلني كلمات الحب والغرام على الماسيجر دون حرج أو خوف، وكانت الجملة السحرية التي تبادلنها رغم أن عاشقي مصر كلهم ينطقونها يوميا دون معنى "حاسس إني أعرفك من زمان"..

ودخلت صديقتي مراسلة عشرينات فجأة على الخط بعد اختفاءها، وأخبرتني أن صديقتنا المشتركة – التي هي حبيبتي – مدمنة، وأنها بدات تعرف الطريق إلى الله منذ أسابيع، وأن علي أن أقرر ما إن كنت سأبقى أم سأرحل.. كل هذا وأنا لا أعرف عن حبيبتي .. إلا اسمها!

بدأت أجازة العيد قبل ذلك بأيام، كنت أستيقظ كل يوم وأنزل أبحث في الشوارع القريبة من البيت عن انترنت كافيه مفتوح في الساعة الثامنة صباحا، كان الكافيه المجاور لبيتي قد أعلنها أجازة مباركة.. وكنت مع كل صباح أدرك أنها أصبحت مهمة لي.. وأنني في انتظار سماع صوتها الذي أحببته قبل أن أعرفه!

ثم اختفت..

لم تعد قادرة على الدخول أون لاين (لأسباب تعرفها هي وحدها)، وأصبح اسمها على الماسينجر يأتي في آخر الأسماء.. وأصبحت أدخل كل صباح فور أن أفتح الماسينجر اقرأ اسمها وأتأكد أنه لم يتغير.. كان اسمها "يا شمس يا منوره غيبي..وكفايه ضيك يا حبيبي.."..

أرسلت لها على بريدها كمية رسائل كافية لإسقاط نظام مبارك في مصر والقذافي في ليبيا وأميل لحود في لبنان..

وكانت المرة الأخيرة التي دخلت فيها، منذ عام، بعد أسبوع من كتب كتابي، دخلت لدقيقة واحدة وقالت.. "سامحني".. وقد فعلت!



الآن.. أبحث عنها ربما أجدها، انطفأت شمعة الحب بعد أن عرفت دعاء، لولا أنها كانت صديقة لي.. الوحيدة التي اسميها "صاحبتي"..

...........

- أخبرت مصعب بالأمس أني سأكتب عن أشياء ينبغي أن أعلن عنها قبل زواجي من باب التطهر..

- لا توجد فرصة بالمرة، لأن تستغل دعاء الكلام المكتوب ضدي.. اتفقنا يا دودو؟!
- الصورة ابداع "محمد محسن"

هناك 26 تعليقًا:

البراء أشرف يقول...

هذه المرة الأولى التي أعلق فيها على نفسي..

قرأت التدوينة بعناية.. مرة واثنين وثلاثة..

واكتشفت في النهاية..

اني

كنت عبيط قوي

Dr. Tantawy يقول...

التعليق جاب من الآخر ههههه

ده خراب بيوت مستعجل يا عم

ام مليكة يقول...

ياعيني يابيرو يا حبيبي كل ده حصل لك ياحرام صعب قوي احساس ان حبيبك يسيبك فجاة يلا احن برضه

NeRmeeN يقول...

مفيش حاجة اصلا اسمها حب نت..معظمه بيكون كمذب ونصب

Unknown يقول...

لازم تتكلم..كان موضوع وانتهي...شوف اللي هيجرالك...
Just Kidding....we all have first time...may be love or anything else....but it was a good experiance...

الحلم العربي يقول...

عملت خير انك علقت على نفسك بالتعليق ده علشان تغطى على اللى ممكن يجرالك النهاردة . حد يعمل في نفسه كده ، يشرد لنفسه على النت ؟؟
على العموم ربنا ستار رحيم
أنا متاكده ان دعاء أعقل من كده بكتير.
احمد ربنا انه رزقك بالحب اللى يعلى البنى آدم مش اللى يتوهه و ربنا يوفقكوا يا رب.

غير معرف يقول...

متعتني جدا ياولد
انت قصاص هايل
مليش دعوة بنوعية القصص
ده ابراء ذمة قبل ما دعاء تسحلني يعني
بخلاف كده انت ممتع وشاااااااااااااااااائق...
الحمد لله انك لاقيت دودو
وان الشمس المنورة غابت..
كفاية ضيك يابيرو

فرصة سعيدة يقول...

بقولك يا بيرو
لو رغبة في التطهر ليه احترت القصة دي بالذات ومش القصص الأخرى، لأن أكيد كل واحد فينا مش عنده قصة واحدة
انا محتار مش عارف ايه الأفضل نحكي ونتطهر ولا ده بياخد من رصيدنا عند حبايبنا
بجد مش عارف

غير معرف يقول...

تعالالي بقى يا براء

بص انا ها خللي الكلام يطلع بدون مقص رقيب و لا سكينته و لا سطوره اللي انصحك انك تلغي وجوده من الشقة (لا انا بجد مش عايزة اهزر معاك يا براء لانك وجعتني) بكل انانية الذكور و غباءهم و تخلفهم و جعتني

الالم من سخرية القدر اللي تخللي الشاب يحكي علشان يتطهر ممن ذنوبه( ايه يا اخي الحرفنة دي في الكلام !!!!!!) و يبقى اسمه بعد كده "اها برضه راجل و حاجة زي كده ما تعيبهوش)يعني بص هو بص يعني انا من كتر الكلام اللي عايزة اقوله

محتاجة اشرب مية و ارجع علشان بس اشرح لك مدى الغباء يا براء بس مجرد مدى الغباء و انا لما بقول غباء مش بيبقى قصدي شتيمة ابدا حاشاك و الله لكن بيبقى قصدي الغمامة اللي بنحطها على عقولنا و ما نستخدمهوش فعل تعمية العقل و نحطه كده على الرف بدون استخدام

ها قوم اجيب مية و ارجع
المدونة بتاعتك عملتلي لود عصبي فظيع عارف ليه؟

مارست للاسف حاجة دايمل بمارسها و هي اني احط نفسي في مكان الاخر قبل ما اعمل الحاجة و اشوف يا ترى نتيجتها ممكن تكون ايه؟

تألمت اوي ........... ياه يا براء يا ترى البنات ممكن تكون كده مشاعرها و تألمها سهل كده عادي

يا ترى ايه احساس اي واحده و هيه بتقرا الكلام دا من خطيبها و كمان مش بتقراه هيه و بس انما بتقراه امة لا اله الا الله يا براء امة لا اله الا الله

خصوصياتكوا هيه خصوصياتكو لكن انا ها خدك تشوف الانثى بيبقى جواها ايه بغض النظر عن وضع دعاء معاك

انا كل دا ما قلتش اللي عايزه اقوله........

بلاش

انت عارف البنت ممكن تعاني قد ايه لانها ما تقدرش تقول لخطيبها انها حبت قبل كده و في غيره لمس قلبها

( مش عارفة اوصلك الفكرة لكن انا اتوجعت...... اتوجعت على البنات مش على دعاء و بس)

البنات في مجتمع تافه بيسمح للراجل انه يحكي و يقول (و ما بقولش انك بتتباهى) لكن في حالات اخرى كمان يتباهى و في حالتك يلاقي اللي يقولك الله برافو قصة حلوة و اللي يقولك كده بهزار يللا يا عم شوف ها يجرالك ايه و يطبع لك وينك في السريع ;)و و و ...........

انا مش ها قولك انا دعاء و لا شخصيتها

لكن حطيت نفسي مكانها لقيت دموعي بتنزل و لقيت نفسي بقول الله يسامحك يا براء

بجد الله يسامحك

عارف ابسط حاجة......... البنت اللي كتبت عنها دي

لو جه عليها الوقت و ارتبطت ممكن اوي تنكرك لانها قي مجتمع مزدوج خلاها ما تقدرش تعترف (شوف حتى انا بستخدم الكلمة المتخلفة دي بشكل لا ارادي) انها ادمنت لانها خطيئة لازم تيجي تعترف بيها..... و تخبيها و تختفي و ترجع تعتذر و.........

مش عارفة برضة اوصللك وجعي يا براء

لكن البنات مخلوقات رقيقة مش جبلات

moodysalihamidzic يقول...

انا عارف الاحساس ده
احساسك لما اختفت
:(
احساس مميت
ربنا يسعدك انت ودعاء
:)

Abd El Rahman Magdy يقول...

الحقيقة مش عارف أقولك إيه
ساعات تحس إنك بتحب شخص وما تقدرش تستغنى عنه ولو غاب عنك ثواني بتتدمر لكن بعد كده بتكتشف إنك ما حبيتوش
أنا مش عارف انت قصدك إيه بإنك لما قريت التدوينة اكتشفت إنك عبيط
هل لأنك حكيت القصة؟
طبعا أنا القصص اللي زي دي ما بافضلش إننا أحكيها لكن ساعات بنحتاج إن حد يسمعها لأن ده بيدينا إحساس بالراحة
أو زي ما انت قولت بنتطهر
على العموم ربنا يوفقك مع دعاء ويخليكوا لبعض
.....................
mesharef.blogspot.com

hrksh يقول...

ana bassam eli m3ak fi el kolia enta ng7t, ana 7awlt atsl bik we enta marditsh. mabrooooooooooooooooooooooook

غير معرف يقول...

بعد السلام
دى اول مره ازورك بس دى من القليل من قصص الحب التى رايتها وسمعتها هى حقا قصه حب حقيقيه ما يواكدها الاحسان الموجود داخلها ولكن ما مصير الحب الضياع روميو وجوليت - احمد ومنى والكثير الكثير
وفى النهايه اقولك بوست حساس بيمس حاجات كتير بس وانا مالى

غير معرف يقول...

وخلى بالك انت حبيت على النت علشان الوقت ده انت كنت بدور على حب مش علشان هى فارست احلامك حب النت حب اونطى

walaaz يقول...

تبحث عن ايه بس؟
هى النظرة اللى قلتها فى التعليق دى كويسة وصحية جدا

ثق فى النسيان وساعده

بس كدا

bagabigo يقول...

اسلوبك حلو اوى بجد

واحد يقول...

!!!!!!!!!!!!!!!!

islam yusuf يقول...

لا ماكنتش عبيط و تلا كنت مسحت ت البوست خالص
انت اعترفت و كشفت نفسك قدام نفسك
انت بتحاول تقول ان ده كان ماضى و انتهى و ان من الغلط صعب التفكير فيه
بعد ما قلبك اترتبط
و الا يعتبر خيانه
ربنا يوفقك انت و دعاء
و و عرفت مالهاش حق تزعل
لأن انت كنت صريح معاها و مع نفسك

البراء أشرف يقول...

أنا رأي يا عم احمد (فرصة سعيدة) اننا نحكي ونتطهر..

أنا عن نفسي بحكي القصة دي بالذات لسبب مهم. .وهي أنها الوحيدة التي لم أخبر بها دعاء من قبل..

أما باقي القصص فدعاء تعرفها.. وبالتالي لا أهمية لها ربما..

قصة واحدة أخيرة سأكتب لكم ولي ولها عنها بعد زواجي إن شاء الله.. وهي قصة عجيبة فعلا.. تعرفونها في حينها..

المهم..

أهي قصة وعدت.. ودعاء مزعلتش الحمد لله.. وكان عقلها كبير (بشكل مريب)..

عموما.. انا اسف لو كنت جرحت أي بنت على سطح كوكب الأرض باعتبار البنات البنات أجمل الكائنات.. وباعتباري كائن يحب الكائنات.. الجميلات..

يلا..

فرصة سعيدة

Haitham Abu Akrab يقول...

بجد انا حاسس من زمان انك بني ادم نضيف منجوه
وده فعلا اللي اتاكدلي بالبوست ده
بيرو
جو اون

ام مليكة يقول...

شكرا يا نونا يا جميلة على تعليقك الجميل ده وشعورك الرائع عشاني بس انا زي ما قلت لك دي قصصه هو حر في نسيانها او تذكرها وكمان ميصحش نحاسب الرج على ايام شبابه ده كان شاب زي الورد والعي عليه برضه متنسيش

يلا اهو كده احنا يا بنات طيبيبين مووووووووووووت

wael elgazawey يقول...

ربــــــــــــــــــنـــــــــــا يـــــــــــــســــــتــــــــر

عبده البرماوي يقول...

طب صاحبة الصور الحلوة دى انت عارفها أصل انا عارفها

eZz يقول...

دماغ !!
ياما شردت لنفسي .. أنا معاك ان الواحد بيستريج لما بيشرد لنفسه.. احسن من ما حد يجي يشردله ويبقي في موقف دفاعي

أنا اعترفت وتطهرت لخطيبتنا المصونة بس للأسف مش تدوينة .... لايف !! مباشر يعني ... وشاً لوجه زي ما بيقولوا

يلا مبروك يا عم وهابعتلك دلوقتي إيميل عشان انا عايز استضيفك في برنامج أنا باعمله علي راديو "حريتنا" اسمه مدونة علي الهوا

هاشرحلك كل حاجة والف مبروك مقدماً

غير معرف يقول...

الف خسارة
ترا لم لم اة يا الف خسارة.......تأثيره لا بانجو ولا سيجارة........وعاملنا فيها شيخ حارة.......
ترا لم لم اة يا الف خسارة.......كل يوم استفتاءات ......يوم بالجبنة ويوم بالمكسرات........ويوم بيوصل للطلبات.......لاتقولى صاروخ ولا طيارة........ ترا لم لم اة يا الف خسارة.......ترالم لم على الشعب الطيب......لو وافق على تعديل مش طيب.........من خوفه حيلبس زعبوط........
ويغير جذمته بالبوط.........وحيمشى زى المعبوط........وحيركب بالمقلوب حمارة........
ترا لم لم اة يا الف خسارة.......طب نفهم دة اية تعديلنا ........دة قانون أرهاب بيدنا.......دة لا يرضى ربنا ولا دينا......من حق الظابط يعتقلك .........من حقه يبهدل فى كرامتك........انشا الله حتى يغتصبك.......من غير ولا كلمة ولا شرارة........ ترا لم لم اة يا الف خسارة........
تمن الحرية لنا غالى......وطول عمر الغالى للغاللى.......ولازم نقف وقفة رجالى ......قبل ما نلبس طرحة سمارة........ ترا لم لم اة يا الف خسارة........... ترا لم لم اة يا الف خسارة.......

غير معرف يقول...

دة انا اللى كتبه انا احمد
therock_therock656@yahoo.com