السبت، ديسمبر 22، 2007

أواخر الشتا.. وأوائل إليسا..



يقول مصعب، أنها "تدوينة صوتية"، وأنا أوافقه الرأي تماماً، فليس هناك وصف أفضل لما فعلته إليسا.

عن نفسي، كنت أعرف أنني "واخد على خاطري" منها، فلم أسمع صوتها منذ المرة الأخيرة في 2005.

لذلك، فمن الأفضل اعتبار جديدها، محاولة للمصالحة، وقد نجحت في ذلك بالتأكيد.

بـ"أواخر الشتا" تعود إليسا، كلمات عبقرية، ولحن متناسب تماماً، وأداء يعيد إلى الذاكرة "عايدة الأيوبي" بكل ما لها من إرث جميل في قلوب وآذان "السميعة".

تفعل إليسا في "أواخر الشتا" ما اعتادت على فعله من قبل في أغانيها السابقة، وبالتحديد في "أحلى دنيا".. تصدم المستمع بتذللها الواضح إلى حبيبها، تجعله أسير حيرته، من يا ترى هذا الرجل، الذي يجبر فتاة مثل إليسا، بكل ما بها وما فيها، على قول مثل هذه الكلمات؟.

كلمات مثل "لو تعرفوه، عطرك دفاني، لو بصيت قدامك، وأحلى دنيا"..

فيما يبقى الفخر والتحدي والخصام والتدلل، من نصيب فتاة أخرى، هي شيرين مثلاً، وهي التي لا تملك مؤهلات لذلك.

سؤال آخر على هامش "شتا" إليسا، وسأطرحه بالعامية لما فيها من مساحات أوسع للتعبير عن المعنى "إلا هي الست إليسا يا رجالة، مش هي نفسها مطربة العري والكليبات البورنو؟؟، واللي أكيد اسمها في قائمة العري والإباحية، ومعاها الأخت نانسي عجرم اللي تحولت فجأة إلى مطربة ذات شأن.. أنا طبعاً لا أخفي إعجابي بنانسي أو إليسا، بل أجهر به، لكن فقط يبقى السؤال، كيف تحولت كل واحدة منهن بين يوم وليلة من مجرد جسد عاري، إلى صوت – حلو – مسموع وقادر على البقاء في الذاكرة.. كيف أصبح الفن الجميل في نظري هو فن يتسع ليشمل فرقة الورشة وسامي يوسف ووجيه عزيز وسعاد ماسي والشيخ زين وإسكندريلا وإليسا ونانسي وبعضاً مما تغنت به سيدة الكليب العربي هيفاء؟؟".. لا أبحث عن إجابة حقيقة للسؤال السابق، لكني فقط رأيت أنه من الواجب تسجيله هنا.

بدون فلسفة، أترككم مع كلمات الأغنية، ونفتح صفحة للكلام (والكلام فقط) عن إليسا وما فعلته منذ أيام بألبومها الجديد "أيامي بيك"..

...........

"أواخر الشتا"..

كنا ف أواخر الشتا قبل اللي فات..

زي اليومين دول عشنا مع بعض حكايات..

أنا كنت لما أحب أتونس معاه..

أنا كنت باخد بعضي وأروحله من سكات..

والناس في عز البرد يجروا يستخبوا

وانا كنت بجري وأخبي نفسي قوام في قلبه..

ولحد لما الليل يليل ببقى جنبه..

وأفضل في عز البرد وياه بالساعات..

على سهوة ليه الدنيا بعد ما عشمتنا..

وعيشتنا شوية رجعت موتتنا..

والدنيا من يوميها ياقلبي عودتنا..

لما بتدي حاجات قوام تاخد حاجات..

***

وسط الشوارع ناس كتيرة مروحين..

والناس ياقلبي هما هما وهو فين؟..

وانا ماشية بتلفت وبسأل كل يوم..

بيعمل ايه دلوقتي وبيحلم بمين؟..

***

والناس في عز البرد يجروا يستخبوا

وانا كنت بجري وأخبي نفسي قوام في قلبه..

ولحد لما الليل يليل ببقى جنبه..

وأفضل في عز البرد وياه بالساعات..

على سهوة ليه الدنيا بعد ما عشمتنا..

وعيشتنا شوية رجعت موتتنا..

والدنيا من يوميها ياقلبي عودتنا..

لما بتدي حاجات قوام تاخد حاجات..

هناك 21 تعليقًا:

غير معرف يقول...

يا أبو الغائب ...

المشكلة مش في الكلمات ولا حلاوة الصوت وعذوبيته...

المشكلة فيما يتم عرضه خلال الكليبات...

عايز تتفرج ...براحتك إنما لا تعتب على إلى مش هيتفرج !!!

إنما إنك تحط البضاعة كلها في ميزان واحد...ده خلل...في حاجة بخمسة وحاجة بعشرة..ولا هي هيصه !!

وأعتقد إن في أشياء واضحه ...ومش محتاجة حد ينبه إن في حدود للأمور...

خلود صلاح يقول...

على سهوة ليه الدنيا بعد ما عشمتنا..

وعيشتنا شوية رجعت موتتنا..

والدنيا من يوميها ياقلبي عودتنا..

لما بتدي حاجات قوام تاخد حاجات..

الشريط كله حلو جدا يا براء
واهنيك على ذوقك واختيارك
بس فعلا المشكلة زى ما الاخ الى قبلى قال
ان بيكون فى كلام حلو اوى والحان هايلة وبتنهار معانيها من خلال عرضها بشكل مبتذل جدا
ربنا يهدى

m5m يقول...

بص يابراء:-
انت لمست نقطة مهمة جدا وهى فى رأيى سر نجاح اليسا..النقطة دى انها تجيد عرض ماتملك...ماحدش يختلف ان اليسا نموذج للمرأة المثيرة..المرأة الأنثى..تتفوق فى ذلك على هيفاء ونانسى...بصرف النظر عن كون هذا الجمال فطريا أو سليكونيا
ولذلك عندما تتدلل تلك المرأة النموذج الى رجل فهى تشد أعناق الرجال جميعا و تداعب خيالهم يدعمها فى ذلك دفء صوتها و عذوبته...لذلك تجد أغلب جمهور السا من الرجال

عكس شيرين أه ياليل كما ذكرت فهى تثير كوامن التحدى فى نفس البنت المصرية و تجذبها فتشعر وهى تسمعها أنها مرغوبة ولكن متمنعة - مهما كانت درجة قبحها...لذلك معظم جمهورها من النساء والمصريات تحديدا

هذا والله أعلم

أبوشنب يقول...

هي دي

مدونة غنائية

تعرف انها اكتر اغنية حتى الان يتم الكتابة عنها في المدونات

ده تقريبا خامس بوست لغاية دلوقتي اقراه عن الاغنية

كان اولهم عند جيرينيمو من اسبوعين كدة

ومش اخرهم عندك هنا

وحلوة ابو الغايب دي بصراحة

كل سنة وانت طيب يا ابو الغايب

أحمد رفعت يقول...

واضخ انا الشتا قبل اللى فات ليه ذكريات عند كل الناس

هههههههههههههههههههه

e7na يقول...

اجمل ما فى الاغنيه كمان انها مش شكل حاجه قديمه

مش زى خد بالك عليا

وفيه كلمات تانيه جميله
خاصة ياعالم


حلو البوست جدا يا استاذ
خاصة حته ان اليسا متعذبه وشيرين لا تملك مؤهلات

عاشق الصدر يقول...

ومن أكبر وأكمل الحاجات اللي بتعجبني في إليسا إنها بتغني بصدر رحب في غالبية الأغاني، ولو أن ده ميمنعش إني باردو واخد بالي إن نوع السوتيان هو اللي بيسمحلها بكده. بيبقي رافعهم زيادة شوية ولعل ده يكون السبب ورا حبي لها.

Carnation يقول...

أنا برضه أكتر أغنية عجبتنى .. أواخر الشتا .. حلوة أوى .. خلاااص يا اليسا .. سماح !! .. على فكرة أنا برضه استغربت التغيير ده .. يمكن موضوع العرى ده كان حاجة كدهفى الأول بس للفت النظر ..

مصـ( الخير )ـعب يقول...

يا مظبطني يا بيرو يا حبيبي

بس الأغنية مجرمة بجد..

بدراوى يقول...

الأغنية هايلة اوى يا براء انا سمعتها إمبارح بس حوالى 20 مرة

لكن لى إعتراض على كلامك اللى قلته

كيف أصبح الفن الجميل في نظري هو فن يتسع ليشمل فرقة الورشة وسامي يوسف ووجيه عزيز وسعاد ماسي والشيخ زين وإسكندريلا وإليسا ونانسي وبعضاً مما تغنت به سيدة الكليب العربي هيفاء؟؟"..

هل هيفاء تخش فى فئة الفن الجميل أعتقد لا بعض ما غنت و لا كل ما غنت
هيفاء ليس لديها أى مؤهلات صوتية
عكس إليسا أو نانسى اللتان تملكان مؤهلات صوتية تستطيع أن تسمعهم لا أن تشاهدهم و يستطيعان أن يقدما كليبات محترمة طالما صوتهما جميل

انما هيفاء لا خالص يا أبو ننوشة !!

البراء أشرف يقول...

يا حاج بدراوي ما إحنا الاول كنا بنقول نفس الكلام على نانسي وإليسا وروبي..

سمعت شريط روبي الأخير.. يا عم ده جامد قوي وفن بجد على فكرة.. عرب ووخامة صوت كويسة..

بكرة هيفاء تغني أواخر الربي أو أوائل الخريف، وتلاقينا بنقول نفس الكلام..

بالمناسبة أنا ش بروج للكلام ده. .أنا مجرد طرح سؤال حقيقي.. وبدور على إجابة مقنعة..

براء

غير معرف يقول...

تحليل نقدي رائع لاغنية اواخر الشتا لاليسا
احسنت استاذ براء
وهى فعلا اغنية جميلة بكل معانى كلمة ( جميلة ) انا عن نفسي عشقتها من اول مرة اسمها
وخاصة انها جاية فى وقتها فى اواخر شهر ديسمبببببببببببببببر

غير معرف يقول...

forget mention to my name .... aya sadik

بدراوى يقول...

يا أبو ننوشة
هيفاء من يوم ما طلعت و احنا عارفين سكتها.

على العموم بكرة الأيام تبين و نشوف كليب اليسا و نعرف !!

لكن الأصل أنها تنفع مطربة حاجة كده
زى كارول سماحة مطربة المؤهلات الصوتية القوية التى أبتذلت !!

و انا عارف يا أبو ننوشة أنك مش بتروح للكلام ده
هو الخلقة السمحة ديه معقولة تروح للكلام ده !!

هناء يقول...

شكرا لانك شديت انتباهنا لاغنية جميلة

Haisam(jarelkamar) يقول...

انا فعلا اول ماسمعت الغنوه دي افتكرتها اغنيه قديمه لعايده الايوبي او داليدا
..
اللحن و التوزيع افتكر مقصودين في الاتجاه ده .. في كل الاحوال انا باحب اغاني اليسا

الحلم العربي يقول...

تساؤلك في محله جدا
ليه مفيش حاجة في زمننا واضحة؟؟
لا الصح صح أوي ...و لا الغلط غلط أوي
متقدرش تحكم على حاجة أو على حد حكم واضح و صريح
دايما الصورة مشوشة و اللى بيحاول يفهم بجد هو اللى تعبان فيها
ساعات بيتهيألى ان اللى مرتاح واحدمن اتنين : إما المتشدد أوي اللى مريح دماغه و فاكر ان كل حاجة في الدنيا حرام
أو اللى مريح دماغه وواخد التفاهة منهج و مابيفكرش في حاجة اصلا

و لا انت ايه رأيك؟؟؟

وائل عباس يقول...

يا براء حرام عليك
الألبوم كله محاولة لإغتيال اللهجة العامية المصرية
إيه ركاكة الكلمات والتأليف دي
ايه الكلمات المستوحاة من الأفلام العربي القديمة الابيض واسود دي
وكاتب الكلمات للأغاني المغناة باللهجة المصرية مستحيل يكون مصري !!!
انا حاسس اني باسمع خواجاية بتغني عربي مكسر !!!
وتركيب اللحن على الأغاني يخليك عاوز تهرش
البوم معوق بجد
لكن أذواق بقى ولازم نحترم أذواق بعض

قلم جاف يقول...

إليسا تتلعثم كثيراً في محاولتها للتعبير عن الحب ، وعبارة "أواخر" في الأغنية المذكورة بتفكرني ببعض اللي كان بيعمله كتاب الدراما لما بيحشروا في حوار واحد حرفي عبارات بالعربية الفصحى بما لا يتناسب مع الشخصية ولا مع السياق ولا مع أي حاجة..

وعلى ذكر كلام وائل .. تذكروا عبارة غنتها قبل كدة "فيك باحس إني بيزيد إحساس جوايا"!

إليسا مجرد صوت .. والأصوات وحدها لا تكفي ما لم يطعم الصوت بإحساس وبذكاء في اختيار الكلمة واللحن.. وإلا حد لسة فاكر "أصالة"؟

ما بتفهموش ما تتفلسفوش يقول...

وائـل عباس وقلـم جاف

عايزين تقعنوا القارئ بكلمات قوية
لكن في الأصل كلامكم تافه وينم عن انعدام الذوق !!

قلم جاف .. توضيح لو سمحت
فين الركاكة في الأسلوب ؟
فين الركاكة في كنا في أواخر الشتا زي اللي فات .. زي اليومين دول عشنا مع بعض حكايات ؟

فين والابتذاال الللي بتتكلموا عنه

هي عشان لبست فستان عريان حبتين تتساوي مع الساقطة هيفاء اللي لو اتكرمت وسترت نفسها تلات ارباع جسمها يبان ؟
بتعمل ايحاءات وحركات سافلة زي هيفا وكارول وروبي والباقي ؟

إليسا من أروع الأصوات في الساحة الفنية .. وبجدارة .. ومتهيأ لي حتى لو إليسا مش حلوة زي ما هي كانت ها تبقى التوب بردو

لأن صوتها حساس ودافـي .. وذوقها رائع في اختيار الألحان والأغاني
اللي لا هو كلام افلام ابيض واسود بتاع زمان
ولا الكلام التافه بتاع دلوقت !!

واللي قال اللحن في ناحية والكلام في ناحية

هي لازم " الطبلة " - اللي شكلها لازم تتواجد في اللحن عشان تعجب سيادتك ويبقى ذوق واغنية تمام التمام - تمشي تكة تكة مع الكلام ؟

راجعوا نفسكو كويس قبل الفلسفة و " الهبل " اللي عمالين تقولوه ده

وكون إنها تغني باللهجة المصرية .. وهي برعت في كده فعلا ..
من صفات المطرب الناجح اللي بيرضي جميع الأذواق .. اللي شكلها انعدمت عندكم

شكلكم بتسمعوا بودانكم بس .. مش بتتعمقوا في الكلام وبتفهموه

باختصار يعني عشان تعبت وانا بكتب
بعيد إليسا من أروع الأصوات وتقريبا هي متربعة على العرش دلوقت
وغلبت اصالة وانغام والناس دول

تصبحوا على خير

قلم جاف يقول...

مش ح أرد على الشتايم اللي قلتها .. ما زلت أصر على إن كلام إليسا ضعيف للغاية مقارنة بأضعف مطربات جيلها (إذا استثنينا أغاني مي كساب اللي هي أهبط مما تتخيلوا) .. كما إن صوتها في اللايف ضعيييييييف ومكسر .. ويتشابه مع بدرجة أقل سوءاً نانسي عجرم!

أغاني إليسا مثل الفارم فريتس .. تقرقش من برة وتبوش من جوة.. ويسهل نسيانه جداً ، ووضعها في مرتبة واحدة مع صوت متمرس وأكثر جرأة في اختيار كلماته وألحانه مثل أنغام أو حتى صوت قادر على الزعيق فقط مثل أصالة هو ظلم واستبداد وقهر!

هذا رأيي وأنا حر فيه ، مثلما هذا رأيك وأنت حر فيه .. وصل الكلام؟