الأربعاء، سبتمبر 10، 2008

وكأني تامر حسني.


أفشل كل صباح في الإنسحاب من فراشي دون ازعاج مليكة، فوراً تكتشف أنني أخطط للخروج من المنزل، تفتح عيونها الصغيرة، وتكشف عن "لثة" دون أسنان، وتنطلق في الضحك مرسلة إشارات غير مفهومة بكفيها، وأصوات طفولية لذيذة.

تتباعني عيون مليكة، من السرير إلى خارج الغرفة، ومن باب الحمام إلى ضلفة الدولاب، تراقبني عارياً تماماً بالفوطة، وتدقق النظر حين أبدأ بفرك الجيل في شعري، أو ارتداء الشراب الأبيض الذي أحبه.

مليكة، حين تصحو وتنظر إلي، تشعرني وكأني تامر حسني، وكأنها معجبة مهووسة على استعداد لفعل أي شيء للمس نجمها وتقبيله واحتضانه.

ما يخيفني حقاً، أنه بمرور الوقت، فإن قواي كلها ستخور فجأة، وسأمتنع عن مفارقة الفراش، أو النزول من البيت أصلاً، فالبقاء مع هذه الأميرة الصغيرة، أمر يستحق.

هناك 11 تعليقًا:

ام مليكة يقول...

ههههههههههه
على فكرة يا جماعة دي حقيقة عارية زي براء وهو خارج من الحمام تماما فعلا البنت دي بتعبر لباباها عن حبها بشكل جميل قوي وكانها مش صغيرة وكانها بتقول له انا مستنياك وبعد كم شهر هانزل معاك وشكلها كمان بدات تحبه...ياخوفي يا كيكي تبيعيني عشان ابوكي يلا بقى سنة الحياة الام تسهر وتتعب والاب ياخد الدلع ع الجاهز

kota يقول...
أزال المؤلف هذا التعليق.
Che Ahmad يقول...

يا رب يخليهالك ويخليك ليها
بجد والله كنت مضايق واتبسط لما قريت البوست

ايه رأيك تجوزهاني :)

انفع والله
شغال يعني

ربنا يخليكوا لبعض ويخليكوا لأم مليكة ياااااااا رب

hana zain يقول...

فاكرة يا دودو لما كنا بنفطر مع بعض و سهينا عنها و لقينها بعد مده واخدة طبق الجبنة في حضنها و انا و بيرو نضحك و انتي تقوليلنا طبعا لازم تضحكوا علشان انا اللي ها حمي و اغير دلوقتي

ربنا يحفظها ليكوا و ليا يا رب

و بعدين يا دودو لما تجيبي الولد ان شاء الله ها يكون منبهر بيكي انتي

حواء يقول...

هي تستحق .. و أنت تستحق ..
و دعاء أعانها الله :)

ربنا يحفظهالكوا و يبارك فيها يارب

ام مليكة يقول...

يا خراييشي يا ننوشة فاكرة انت كان يوم البنت اصبحت عبارة عن قالب جبنة بالخيار والملاية والسرير كان يوم ..

طيب فاركة انت لما كانت شاغلة كل فريق العمل في الفندف وكنا ناخد اجمد خدمة في الفطار عشان الست مليكة والناس تسال عنها وفاكرين بقى اننا ولاد ناس ونازلين في فندق وحركات..

وحشتيني قوي يا ننوشة حياتي

غير معرف يقول...

tamer hosny dah ana kont ba7ebak 7ta wallahy sebt amameer masr kolohom w shabht nafsak b tamer hosny ro7 ya shee5 rabena yehdeek

مُزمُز يقول...

الله

الله تاني

قد ايه رقيق البوست ده

انا حبيته اوي اوي

Man in Love يقول...

حتة كريم كراميل باسم الله ما شاء الله عليها ربنا يحرسها و يبارك فيها!!

ضحكتها تجننننننننننننننننننننننننننننننننننننننننننننننننن ما شاء الله!


بجد برافو عليك براء انك تفكر في بوست زي دة و تخيل أد ايه هتكون مبسوطة لما تكبر ان شاء الله و تتفرج على نفسها و هي كدة!! دي بتبقى ثواني على الموبايل بس تأثيرها عليهم هما كبار بيستمر سنين

ربنا يبارك فيها

Mony The Angel يقول...

rabbena y5alehalkom ya rab w ye7meeha :D
msA 3aleeha 3asool awe :D

ساسو يقول...

ما شاء الله ربنا يبارك فيها ويخليكو ليها

عسل ياولاد ...كفايه بقه عشان انا ممكن ادخل من الشاشه واكلها اكل
ربنا يحفظها