الأحد، أكتوبر 08، 2006

يا شهر طول شوية..


نظرا لإني بقيت بمارس حياتي كلها بالليل بعد الفطار وأروح البيت مع خيوط الصباح التانية (مش الاولى للأسف)..

ونظر لإني عرفت أخيرا إن فيلم العيد على روتانا سينما هيكون الرائعة السينيمائية "بحبك وأنا كمان"..

ونظرا لإني بطلت أجوع أو أعطش في النهار.. ومستمتع مووت بمنظر الراجل اللي اضرب النهاردة في الميكروباص لمجرد إنه "سب الدين" بالنهار... مع إن آخرون غيره يسبون الدين وأشياء أخرى في أوقات مختلفة من العام دون أن يكونوا مضروبين (غالبا بيكونوا هما اللي ضاربين)..

نظرا للأشياء السابقة.. أضف لها أن نتائج عداد أليكسا تفيد أن ترتيب المواقع الإسلامية ارتفع جدا خلال الأسابيع الماضية مقارنة مع ترتيب المواقع الإباحية.. في إشارة لأن المستخدمين بدأوا يحرصون على إيمانيتهم وإسلامهم.. وفي تأكيد أيضا على أن زوار المواقع الإباحية كانوا من المسلمين.. وعدم زيارتهم لتلك المواقع تسبب في تراجعها في الترتيب (يا حرام)..

كل هذه الأشياء تجعلني حريص على أن يبقى رمضان عندنا شوية.. نهاره وليله.. وأقول له بمنتهى الصدق.. والنبي يا شهر.. طول شوية!

* الصورة لعمرو عبد الله

هناك 8 تعليقات:

غير معرف يقول...

آه يا شهر .. بالله عليك اطول شوية..

الشهر ده باحمد ربنا إن معظم المشاكل الكبيرة في حياتي حصلت قريبة منه، يا إما قبله على طول .. يا بعده على طول.. يا إما في أوله..

و كل مرة بيخفف عني بشكل غير طبيعي، و بأعيش فيه سكينة عمري ما بألاقيها في أي وقت تاني...

abderrahman يقول...

الصراحة فيه حاجات كمان وقت رمضان محتاجة تتغير
فيه حاجات كتير شكلية
ربنا يهدينا جميعا
تحياتي لك

Dananeer يقول...

مفيش زى سكينه رمضان و ليل رمضان و وقت تداوى فيه كل حاجه

أُكتب بالرصاص يقول...

بوست هادئ وحلو
اهنيك ،
واقول لك
ان فعلا في حاجات كتير بتتغير في رمضان


بس انت جبت معلومة
"بحبك وانا كمان دي منين "
اللي اعرفه ان الفيلم هيكون

بحبك وبموت فيك

!!!

أحمد يقول...

نتمنى فعلا ان يطول شهر رمضان بعض الشيء
حتى تكون المرة القادمة حينما ينفعل مواطن علي سواق ميكروباص لأنه يريد رفع الاجرة و يسب له الدين
لا يكتفي السائق و لا الركاب بضربة

بل بتطبيق حد الردة عليه ورجمه في الشارع وقتلة و قطع عضوة التناسلي

و ان تأتى انت لتعبر هنا عن فرحتك بهذا المشهد و تنشر صورة لعضو الراجل الكافر الذي سب الدين في نهار رمضان

-----------
وعلي رأي الفنانة الشابة الجزائرية سعاد ماسي في ألبومها الاخير .. مسكل الليل

يلعن القلب اللى يحبك

Mokaky يقول...

رسالة الي جميع المدونين المصريين
اصدقائي و زملائي المدونون المصريون اعتقد ان مرحلة التدوين الانفرادي قد مرت و انا ادعي انها مرت بنجاح و ان
كان نجاح منقوص لوجود بعض العيوب في المدونات الانفرادي منها علي سبيل المثال لا الحصر
يقوم متصفح المدونات بفتح الكثير من المدونات مما يستلزم حفظه لجميع روابط المدونات المصرية
لا يوجد مدون يستطيع التدوين بصفة يومية
لا يكتب المدون الواحد في جميع فروع الحياة من سياسة و رياضة و موسيقي و شعر
لا يوجد تجمع واحد للمدونات المصرية
لا توجد بالمدونات اخبار محدثة علي مدار الساعة
تقسيم عدد المتصفحين علي المدونات المختلفة
تركز المدون في محافظة واحدة من المحافضات المصرية

وبما ان الاتحاد قوة و الفرق ضعف ادعو جميع المدونون المصريين الي الاتحاد و اقامة موقع للمدونين المصريين يصدر علي شكل صحيفة يومية تشمل ابواب مختلفة يحررها جميع المدونين المصريين و نشارك جميعا في تمويلها و نتقاسم عوائدها و يكون بها محررين و مراسلين و مصورين في حالة النجاح ان شاء الله يمكن ان نوسع نشاطنا فنضيف اذاعة او حتي تيليفزيون للمدونين المصريين
ارجو سماع آرائكم و تعليقاتكم علي الفكرة

اخوكم المدون: موكاكاي
بريد اللكتروني
mokaky2006@hotmail.com
مدونة
http://egybeats.blogspot.com

قلم جاف يقول...

فيه حاجات كتير بتتغير في رمضان .. لكن برضه الواحد محتار : بتتغير لأنهي اتجاه؟

BackBone يقول...

رمضان ايه بس انا مش حاسيس برمضان السنة دي ايداًو اتحدي اذا كان فيه حد حاسيس برمضان

الظاهر ان رمضان السنة ديه من الجمعية و الحكومه غشاه


و والله لسه بدري بديري يا شهر الصياااااااااااام