الأحد، أكتوبر 15، 2006

توتة وشوشو..



باختصار.. بنقلكم صورة أجمل بنتين شفتهم في حياتي.. إخواتي الصغيرين..

اللي على اليمين اسمها شوشو.. طبعا ده اسم الدلع..

أيوة فعلا زي ما أنت توقعت بالتأكيد.. اسمها الحقيقي شهد.. لكن المفاجأة إن شهد كمان اسم دلع للإسم الحقيقي واللي بحق وحقيق.. اسمها استشهاد.. مش عايز أي تعقيب..

بالنسبة للبنوتة اللي على الشمال.. فدي توتة.. وده برده اسم دلع.. واسمها الحقيقي رجاء.. لكن إيه علاقة رجاء بتوتة.. وإيه علاقة استشهاد برجاء.. وإزاي الاتنين أخوهم الكبير يبقى اسمه براء.. وأبوهم كلهم يبقى اسمه أشرف.. و....

كل الأسئلة السابقة ملهاش إجابة.. ومحرم تمام التحريم.. إن حد يفتكر نفسه خفيف.. ويسأل نفس الأسئلة في التعليقات..

ملحوظة: بالنسبة للعرسان.. مش عايزين النهاردة..

هناك 18 تعليقًا:

غير معرف يقول...

"حلاث يا بلاء يا أحويا"

زي ما شوشو بتقولهالك :)
مش هنسأل الأسئلة العجيبة دي

كل الحروف عندها ضاربة بسم الله ما شاء الله.. بس بتطلع تحفة :)

و الاتنين مع بعض عاملين دويتو لا يعلى عليه..

دول عبارة عن تنظيم سري جو العيلة

ربنا يحميهم يا رب.. على قد ما هم عاملين دوشة في البيت.. على قد ما هم عاملين حس للبيت

Essameldin يقول...

BismeAllah MashaAllah fa Allah kher hafezen wa hwa arhm alrahmen

بنت امي الغالية يقول...

واو توتة وشوشو
براء عنده حق هم الطف واجمل واحن بنتين شفتهم في حياتي والصفة الاخيرة دي اهم من كل الصفات اللي ممكن تميز توته وشوشو بس الله ما شاء الله بنات بيحبوا بعض جدا وكل واحدة فيهم قمؤ

للعبم توته دي حماتي بحق وحقيقي بتمسك لي ع الواحدة

ياء يقول...

ربنا يخلهملك ويخليك ليهم

غير معرف يقول...

باين عليها حقا عائلة محترمة
ربنا يخليكو لبعض و رمضان كريم

مُزمُز يقول...

واضح كده يا سيد براء ان السيد الواد كان رجل ذو توجه اسلامي ممكن يكون اخوان
أصل استشهاد وبراء دول ميطلعوش غير من رجل اسلامي صرف

عموما ربنا يخلي وعقبال منشوف ولادك يا عم وتتحفنا بصورهم كده

غير معرف يقول...

ههههههههههه
طب ممكن سؤال انت الفرق بينك وبين توته وشوشو كام سنه احسن انت اكبر من انك تكون اخوهم
رمضان كريم

عمرو عزت يقول...

استشهاد
؟؟
أنا هابلغ عن أبوك يا براء

اوعي بقي تخلف بنت تسميها انتحار

كراكيب نـهـى مـحمود يقول...

اخيرا - براء- شوف بقى دعاء كانت واجعه قلبي عليك وانت مسافر ايام حرب لبنان
كانت كاتبه على الماسنجر - فارق بعدك اوي - هوه كان فارق معانا كلنا - وفي يوم وانت مسافر شفت برنامج اخباري في الجزيرة وكنت فيه بتوزع ورق في الشوارع انت شبه اخويا جداااااا
نسخة منه سبحان الله
حمد لله على السلامه يا بطل
انا عارفه اني خرجت عن موضوع التدوينة بس قلت اسلم عليك الاول اما بالنسبة للمودمزيل توته والانسة شوشو ربنا يخلي وعقبال اولادك كفاية و انتصار

هبه يقول...

ما شاء الله يا براء بعد السلام طبعا

ويحرسها احسن حاجه يابني خلفت البنات وبكره تعرف كدا , يكونو عمات حاجه فظيعه ان شاء الله والسلام للجكيع
والحاجهه دودو مخصوص وربنا يخلهالك

غير معرف يقول...

طب يا أخي خللي عندك دم ورد على الخولات اللي باعتينلك تعليقات متستاهلهاش

غير معرف يقول...

عليا الحرنكش بالتلاته والدك اخوان
اسم اول مره اسمعه استشهاد جميل اوى لو انا اتجوزت وخلفت بنت هسميها استشهاد

Amazonien يقول...

كده يا براء يعنى الواحد كان عايز يعلق على كلامك دا كله، تقوم تحطلنا صورة البنوتين الحلويين دول وتنسين التعليق
ربنا يخليهملك

منبري يقول...

ربنا يخليهملك يا براء
وانشاء الله نشوفك متجوز وعندك دزينة بنات وولاد

Simsima يقول...

البنتوين زي القمر يا براء ، عجبوني خالص لما شفتهم في الدستور، وفرحت جدا اني عترت في مدونتك. . .
ابقي زورنا يا جميل

Pleasant يقول...

ما شاء الله ... يجننوا يا البراء .. و مش هاسألك اي أسئلة DDDDD: ... انت تقول لوحدك من غير اي ضغط P:

غير معرف يقول...

ممكن صورة لااسم هبة

غير معرف يقول...

طيب كيف انا بدي صورة لااسمي ههههههه