وأنا مالي: مصر

الأربعاء، فبراير 28، 2007

مصر

طلبت من دعاء كلمة واحدة فقط، تكون لبوست عن صورة للـ"جاسوس" الإسرائيلي العطار.. ومتكونش قبيحة..

دعاء فكرت شوية.. وقالتلي..

مصر..

عندك حق والله.. هي ..

مصر

هناك 14 تعليقًا:

غير معرف يقول...: ومين قال إن دي كلمة مش قبيحة ؟; 10:58 م
غير معرف يقول...: أنا كنت فاكر قصدك إن الصورة هي إللي مش قبيحة... لأنها فعلا مش قبيحة... أو مش هي الحاجة القبيحة اللي في الموضوع

أما بالنسبة للي انت اطلقت عليه صفة الجاسوس الاسرائيلي، فلم يصدر عليه حكم يدينه بالتجسس عشان تقول عليه جاسوس، وعلى حد علمي المتهم بريء حتى تثبت ادانته، ولا يعني لازم نكون في دولة متحضرة عشان المواطن يكون له حقوق وقيمة؟

وحتى اذا تم ادانته مش هيبقى جاسوس اسرائيلي، لانه مش اسرائيلي، انما هتبقى صفته مواطن مصري مدان بالتجسس لصالح اسرائيل.; 12:44 ص
علي الالفي يقول...: اسجل مروري
بس حسيت انك طلبت طلب صعب قوي
انت حاطط صورة مخلياني افكر في كل الكلام القبيح اللي مش ممكن يتقال
تحياتي; 2:31 ص
Dananeer يقول...: البنى ادم ده مستفذ

و طريقه كلامه فى المحاكمه بتقول اننا قدام واحد عارف كويس هو بيقول ايه; 3:44 ص
دعاء عادل يقول...: مصر; 5:18 ص
غير معرف يقول...: المتهم بريء حتى تثبت ادانته; 3:10 ص
BackBone يقول...: لأ, دا مش مصر; 11:07 ص
قلم جاف يقول...: تعليق مستفز :

ما هي الفائدة التي ستعود علينا عندما تنتصب كاميرات القنوات الفضائية في محاكمة ، أي محاكمة ، حتى في قضية هي قضية "أمن دولة" كما يمكن الاستنتاج بسهولة من اسمها القانوني؟

لا تعليق لدي على الحكم الذي سيصدر في تلك القضية ، بتبرئته أو بإدانته ، لكن القاضي والمحكمة وقعاً في خطأ مريع بل قاتل عندما سمحوا للكاميرات والميكروفونات بدخول قاعة المحكمة ، وسيعرفون حجم هذا الخطأ القاتل وخطورته عندما تخرج أصوات ساخرة ، في بلد كبلدنا يعشق السخرية ويدمنها من كل وأي شيء ، تطالب بأن تكون الجلسات على غرار برنامج سوبر ستار ، وأن يتم تطبيق نظام المحلفين على الطريقة السوبر ستارية بترك نسبة من الحكم للجمهور عن طريق الاس ام اس!

كيف يطالب القضاء بالإشراف الانتخابي وباحترام أحكامه إذا كانت بهذا الشكل؟ وكيف نطالب نحن باحترام أحكام القضاء ونحن نترك القضاء يهين القضاء بهذا الشكل؟; 3:18 م
غير معرف يقول...: مش عارف البلد دي رايحة على فين

البلد مفهاش حاجة عدلة

الامور كلها احباط واستفزاز; 5:45 م
واحـــد مـــــن الـنـــاس يقول...: المتهم برئ حتى تثبت ادانته ..; 5:52 م
moodysalihamidzic يقول...: انا معنديش موبايل
وكنت عاوز انزل اتصل بيك من تحت
عشان اقولك على ندوة المدونون يوم التلات الجاى
ادخل مدونتى واعرف التفاصيل
واتمنى انك تيجى يا جميل
ادعيلى بقى عشان انا عيان وعندى برد ومش قادر انزل
:(; 8:53 م
اروي الطويل يقول...: عيب كده يادعاء مفروض الكلام الوحش ده ما يطلعش من بنوته رقيقه زيك
هههههههه; 5:40 م
AbdElRaHmaN Ayyash يقول...: بالعكس
مصر مين بس
مصر كلمة مش معبره ابدا هنا
ده زي الدكتور نبيل فاروق وهو بيكتب
مصر يا نور
مصر يا أكرم
لا طبعا
مصر كلمة مينفعش تتقال هنا
مصر تتقال عند معتقلي الاخوان اه
مصر تتقال عند أيمن نور ممكن
مصر تتقال في محاكمات كفاية فاهمها
اما عند العطار ... متنفعش خالص
ومعنديش اقتراحات لكلمة تانية
لكن مصر .. هنا لا
سلام
-----
عجبني تعليق life; 11:43 م
غير معرف يقول...: بالراحة وبالعقل كده اليهود محتاجين واحد يتجسس على العرب اللى فى كندا ولا فى أى حتة برة حتى طيب ولو افترضنا جدلا الكلام ده حد يفهمنى ازاى يعنى هما هياخدوا منهم إيه ده فى حاجة غلط حد فاهمنى الموضوع ده حاسس انه متلفق مش عارف ليه; 4:32 ص