الجمعة، يوليو 07، 2006

اسمه.. خالد صالح


هو عارف.. وأنا عارف، وكلنا عارفين.. إن هو.. يبقى هو"..

بعيدا عن التكوين الغبي للجملة السابقة.. دقق في الصورة.. وحاول تخمن الشخصية..

أكيد أنت شفت الفيلم، ولو لم تكن شفته.. فأنت أكيد بتفكر تشوفه.. أو حاولت تشوفه وملقتش مكان في السينما..

أنا بتكلم عن عمارة يعقوبيان.. الفيلم الذي تحول فجأة إلى حالة، والذي تحولت الدعاية الضخمة له من مجرد دعاية إلى "حشد" شعب بالكامل لمشاهدة فيلم..

أنا مش عايز أقيم الفيلم، لإني محتاج أشوفه تاني عشان أعرف أقيمه.. ولإني بصراحة مبقيتش مهتم بالتقييم بقدر ما أصبحت مهووس بالاستمتاع بالفيلم..

يعني بقيت بحب أشوف الأفلام من غير ما أقعد أركز في الكلوز والميديام والكادر والراكور والهارد كات والحاجات دي اللي قعدت أقرأ عنها شوية.. واللي أفقدتني كتير من متعتي في الفرجة على الأفلام!

نرجع لمرجوعنا..

الصورة اللي فوق.. خالد صالح.. اللي عمل دور لوزير فاسد معروف.. لكن هو بيقول إنه ميعرفوش.. لكن أخويا الصغير قالي الجملة دي بعد ما شاف الفيلم..

اسمه خالد صالح..

أول مرة شوفته كانت في فيلم محامي خلع، كان طالع بدور قاضي، ومن ساعتها وأنا مش عارف أنساه..

خالد عمل دور عمره بعد كدة في تيتو، ومن بعدها في حرب أطاليا، وبعدها في مسلسل مع يسرا مش فاكر اسمه..

ومع كل دور بيعمله، بقعد أحلف لأصحابي إن الراجل ده لازم يعمل دور بطولة..

أحمد زين هو كمان مقتنع بالفكرة دي، وهو أول واحد قالها، لإنه شاف تيتو قبلي..

ورغم إن أول بطولة هيعملها خالد هتكون من نصيب يوسف شاهين.. إلا إن عندي حلم إنه يعمل فيلم من تأليفي.. لإني أصلا من ساعة ما شوفته وأنا بحاول أكتبله فيلم يكون هو بطله.. ويكون تجربتي الأولى في الكتابة للسينما..

ابن اللذينا.. مقنع في كل ادواره... خير شر رومانسي.. أي حاجة هيعملها هتبقى جبارة.. دوره في أحلى الأوقات.. ولا دوره في المسلسل العبقري الدم والنار.. كلها أدوار هو اللي صنعها وخلى ليها لازمة.. قبل ما هي اللي تصنعه..

خايف على خالد صالح إنه يتحول من كتر الاستخدام لـ"حسن حسني".. لإن الإيمان بموهبته أصبح حالة عامة..

بصوا يا رجالة.. أنا بصراحة معنديش كلام كتير أقوله عن خالد صالح.. أنا كنت بدور ع النت.. ولقيت صورته.. وقلت لازم أنزلها ع البلوج عشان أنا بحبه.. وبس خلاص على رأي شعبان عبد الرحيم.. اللي برشح خالد الصاوي لاداء دوره في أحد أفلامه.. لإنه أكيد هيكون الممثل الوحيد في مصر اللي يعرف يعمل دوره..

يووووه.. أنا رغاي موووت

هناك 17 تعليقًا:

مصـ( الخير )ـعب يقول...

طبعا يا ابني .. "ده هو بابا يلا"

خللي بالك بس من الخرارة!

Sarwa يقول...

:)))
كنت داخله اعلق,قعدت اضحك ونسيت م النعليق بتاع مصعب

واحد من الناس يقول...

أجدع حاجة فيك ياد يا براء انك بتحاول وتجتهد في الترويج لنفسك ... ولاونها في بعض احيان بتفلت منك الامور وبتتحول عملية الترويج لأسلوب فج وسخيف من الدعاية الشخصية سواء كان من خلال المقالات او التعامل الشخصي مع بقية البشر إلا انها مقبولة ومن حق الكبير يدلع !... وعلى فكرة الموضوع ده لاحظته على الشباب إلي اشتغلوا في موقع "اسلام اونلاين" بداية من هشام جعفر وأحمد عبدالله والشله اياها ...نهاية للبراء اشرف ...مروراً بأفضل من روج ولمع نفسه "أحمد زين"

على فكرة انا شخصياً مقتنع جداً بعملية التلميع دي وشايف انها لا عيب ولا حرام ...بس الله يعلي مراكبكو كمان وكمان ... متزودهاش اصلها لما بتزيد عن حدها بيبقى الواحد منكو عامل زي الصعيدي الي عزم خطبته على عصير في كازينو على النيل ..فلما الجرسون جاب العصير ...ببصت خطبتو ليه وقالتلو ...مافيش شاليموه ؟! راح منادي على الجرسون وقالو ...جرسون شيل العصير ده وهات اتنين شاليموه !!!

واستمر وبالتوفيق ...ومعلش تقلت عليك مع اني حاسس انك والله اعلم في حالة مزاجية مش تمام لتقبل غلاسة واحد من الناس ..
بس اعمل ايه ...انا غلس

حالياً انا بره مصر

بنت امي الغالية يقول...

انا للاسف ماشفتش الفيلم لكن كان نفسي اشوفه بس بعد كل الكلام اللي اتقال عليه مش عارفه ليه مبقتش حابه اشوفه حاسه ان الموضوع كبر وبهوق من جود نيوز ومن الناس ومن النقاد ومن مصر كلها
ويمكن لان براء حببني في الفيلم قوي ده السب الوحيد اني عايزة اشوفه لاني واثقة في رايه جدا وعارفه انه في موضوع بيفهم فيه كويس\

اما كلام الاخ اللي فوقي هو غريب شوية ومش راكب على بعضه بس يحمل حقد واضح وغيرة ( من حقه يغير براء يخلي اي حد يغي خصوصا لو كان بره مصر حبيبة براء) لكن الغريب انه كمان واضح انه داخل في نسيج المؤسسة وعارفه كل اللي فيها وتاريخهم يعني ليه مش كاتب اسمه الا لو كان من الاخوة اياهم اللي في الوش مراية وفي القفا سلاية على راي جدتي الله يرحمها
عموما امض في طريقك الى الامام ولا تلتفت الى النقد الهدام ومش مهم اوق مين الل يقال الكلام ده

صبارة يقول...

اولا اسمها ياض اعلموها بقي
شوف ياخفه الجدع للي اسمه خالد صالح جامد جدا وان
اتشهر اوهو كبير حبيتين ...
وادواره جامده بس ارخم دور بتاع يسرا في مسلسل يووووه

اما تفتكر ابقي قولي

غير معرف يقول...

بصراحه خالد صالح انا من رأيى انه كان نجم رمضان السنه دى بمسلسل سلطان الغرام المسلسل كان تحفه حكايه لكن للاسف اتظلم اوى ومخدش حقه فى التقييم

غير معرف يقول...

that's strang, cause me i really find this acctor so special, so wise , even in a simple movies, In Sultan el gharam, he was a real Sultan..i don't know what can i add to explain how do i love all what he does.
c'est vraiment de la classe, et je tire chapeau a Khaled Youcef

allah yossstor alih
nassima from Algeria
nassiclinton@hotmail.com

غير معرف يقول...

انا بحب كثير الممثل العزيز على قلبي خالد صالح او كمان بحب جميع ادوارو او كمان بدي اقول خالد صالح هو نجمي المفضل

atika يقول...

انا بموت على الممثل العزيز خالد صالح

Movie Lover يقول...

خالد صالح ممثل ممتاز وانا بحبه جدا وباعتبره الممثل الاول فى مصر

Hanan يقول...

خالد صالح
ليس فقط ممثل! لكنه أيضا نجح أن يحول كلام السيناريو الى روح و جسد معا ... انسان عبقري و يمثل بعبقرية و تلقائية شديدة. حتى انه مها كان دوره يكاد يسمّرك على الكرسي حتى لا تفقد متعة أي نبرة أو حركة أو التفاته في المشهد. يقنعك تماما ان ما تشاهده على الشاشة انسان (بشر) و حقيقي جدا ... الكلام كثير، لكن أرجو أن تكون الفكرة وصلت.
بعد مسلسل (بعد الفراق) أراهن على نجاحاته مهما كان الدور.
برافو خالد صالح ... عدت بنا الى زمن الفنان الإنسان، الذي لا ينسى حتى امام الكاميرات أنه بشر، و أن ما يخرج من القلب، بالتأكيد سيصل الى القلوب.آخر دقيقتين في المسلسل كانت قاتلة بشكل ايجابي، قاتلة جدا.

حنان

غير معرف يقول...

خالد انت بالنسبه لكل الناس ممثل متمكن جدا وبيحب فنه لكن بالنسبه لي حلم بتمني يتحقق لكني حاسه انه بعيد اوي مع انك معايا في بلد واحد مش اقدره اوصفلك الي حساه لكني شايفه فيك الرحوله بمعني الكلمه وكل ما تتحمله الكلمه من معاني شايفه انك حنين قوي عايزه اقول حاجه انا حساك من كل قلبي يارب تقراء رسلتي وتوصل كلماتي لقلبك نفسي اقابلك نفسي ابص في عيونك حقيقي

غير معرف يقول...

خالد صالح ان اول مره شفته في عماره يعقوبيان ومره ثانيه شفته في ثمن دسته اشرار صراحه رهييييييييب والفيلم اللي عشقت فيه خالد هي فوضى ولو ان دوره شرير بس انا تعاطفت معاه طيب هو بيحبها

صراحه انسان وانت تتابعه مش حتقدر تغمض عينيك ماشاء الله لانه يعتمد في تمثيله على لغه الجسد

بعشقه

salwa يقول...

خالد صالح الاسم خالد وحتفضل ديما خالد في قلوب كل اللي بيحبوك وانا بموت فيك في بعد الفراق ويابخت هند صبري وقفت ادامك وكلمتك نفسي اكلمك ارجوكم غايزه رقم تلفون خالد صالح رجاء للااهني علي بعد الفراق

غير معرف يقول...

|نا بعشق خالد صالح بحسد اي حد كلمه او سلم عليه واحب اقوله نفسي اشوفك

غير معرف يقول...

ازيك ياابراء اولا اسمك غريب شويه بس المهم ربنا يوفقك و لو فعلا انت عاوز تكتب فيلم للفنان خالد صالح انا ممكن اقدر اساعدك في انك توصل السيناريو للفنان خالد صالح وربنا يوفقك


اما بقي لو هتكلم عن استاذي فان الكلام لا يمكن ان ينتهي الي حد فهوه حنيين مليى بالاحساس راجل يعتمد عليه ممثل تتشوق للتفرج عليه احساس تتمني الوصول اليه و طفل تحب ان تلعب معه ربنا يحفظه لمراته ولاحمد و عليا ويبعده عن كل شى وحش و يحفظله صحته!!!

bent za7mma يقول...

he was wonderful in tager el sa3ada..i love all his work