الأحد، نوفمبر 12، 2006

كاميرا تتحدى النظام (فكرة)


سيسقط هذا النظام بالتأكيد.. وستكون الكاميرا هي الوسيلة

صور انتهاكات 25 مايو 2005
صور ضرب المتظاهرين
صور تعذيب المواطنين داخل أقسام الشرطة
صور منع المواطنين من الانتخاب
صور التحرش الجنسي ببنات وسط البلد

عدسة الكاميرا هي السلاح الحقيقي لكل ما يحدث..

عدسة الكاميرا هي الأسلوب الجديد لسقوط الأنظمة

يا شباب.. فكرة جديدة حاولوا تنفذوها..

مظاهرة صامتة بالكاميرات.. وخصوصا كاميرا الموبايل

حركة جديدة موجودة في إيد كل مواطن في مصر اسمها كاميرات من أجل التغيير..

معارض صور في نقابة الصحفيين تضم كل الصور التي تم إلتقاطها ضد النظام

افضحوا هذا النظام فورا .. في يدنا الدليل..

بسرعة محتاجين نرفع قضايا ونقدم شكاوي لجل جهات حقوق الإنسان.. فرصة صعب جدا نفوتها.. نظام يسقط بالصوت والصورة..

خلينا نقول للنظام إنك "مش هتقدر تغمض عنيك" عن اللي بيحصل.. ونفهم الناس كلها إن في كاميرا جديدة "تتحدى الملل".. وقادرة تقدم مواد جديدة تودي النظام في داهية..

في انتظار أي استجابة.. وعن نفسي سأحاول أن أقنع كل من حولي بالفكرة.. حتى نحدد لها آليات للتنفيذ..

جهزوا كاميراتكم..

هناك 12 تعليقًا:

أحمد فؤاد الدين يقول...

و إحنا معاك

Amira Hassan يقول...

fekra 2abkrya bgd ya bara2,shof ht3ml eah w ana m3ak

بنت امي الغالية يقول...

فكرة جامدة قوي يا بيرو خصوصا ان الايام الجاية اكيد هتبقى اصعب كثير يلا شد حيلك واحنا معاك برضه
بس اللي معندوش موبايل يعمل ايه؟

البراء أشرف يقول...

ياخد كاميرامعاه حتى لو كانت لعبة

او يكتب على ورقة كبيرة "مش هتقدر تغمض عنيك" ..

يعمل اي حاجة

يشوف المظاهرة هتبقى امتى ويروح يقف مع الناس

مش عارف.. يعمل اي حاجة والسلام.. يتفرج على الفيديوهات ويلعن أبو النظام

بنت امي الغالية يقول...

سوري قصدي اللي معندوش كاميرا سواء في موبايل او في

غير معرف يقول...

في حل تاني.. نطبع الصور على ورق ونرفعها في المظاهرة

غير معرف يقول...

كويسة جدا الفكرة دي .. أنا بدعمها بقوة وهبعتها لكل اللي اعرفهم

شكرا براء

احلام مصرى فى الغربه يقول...

فكره رائعه السؤال المهم هتبعتوا الصور لمين ؟؟؟؟؟؟؟؟؟؟
لحاكم عارف كويس هو بيعمل ايه فى شعبه ومبسوط من العذاب اللى شعبه بيحس بيه ؟؟
ولا لشعب ماتت روحه من سنين طويله اتعلم الصمت او الخرس الارادى
؟؟؟؟؟
فى ثلاث انواع من البشر بشر بتعيش ذكراها بعد مابتموت بسنين وبشر بتموت لما بينتهى اجلها ولايكون لها اى ذكرى بعد ذلك وبشر بتموت وهى مازالت بها الروح
الشعب المصرى الان من النوع الثالث
اتمنى لكم التوفيق فى رغبتى الاجباريه

منبري يقول...

اهنئك على هذه الفكرة, وكلنا معاك والفكرة دي لازم تكون مش بس في مصر وانما في كل بقعة من بقاع الارض نرى بها خللا ما او دكتاتورا ما
ربنا معاك

ياء يقول...

فكره جميله
عشان يوم منحاكم النظام الفاشل ده يبقا كله متسجل صوت وصوره
ونبقا مسكين عليهم صور وكمان فديو

ممكن نسمى المشروع

اعرف مخبرك وصوره

غير معرف يقول...

براء نظام ايه وكاميرا ايه ومصر ايه يا براء انسى مصر انتهت وخلصنا وما فيهاش امل ولا عمر حتى عمر افندى اتباع وامل اتجوزت انسى يا حاج براء مصر ماتت فعلا ماتت وانتهت احنا فى اى حته تانيه غير الحته اللى اسمها مصر
وتحيا مصر ارض الكنافه يا براء
ايوه مصر ارض الكنافه

Purple Rose of Cairo يقول...

فكرة عظيمة يا براء خصوصا انه فى مواقع كثير ممكن تتعاون معاك زى حركة مصرية و وائل عباس و شايفينكم