الثلاثاء، نوفمبر 21، 2006

إلقالك حد..


عذرا للذين كانوا يتوقعون مني فرحة في هذه اللحظة.. رغم أن أسباب الفرحة موجودة.. وبكثرة أيضا في سابقة ربما تكون الأولى.. إلا أنك تعودت أن تواجه أحزانك معهم.. وأن يكونوا هم أول ما تستند له قبل السقوط..

الآن أنت تفرح.. لكنهم قرروا أن يبقوا بعيدا هذه المرة.. أغني لهم..
إلقالك حد..

لو ضاقت بيك يفتح لك قلب

يبقالك صحبة وأهل وبيت

يناديك لو إنت في يوم ضلّيت

ويشوفك لو ع الخلق داريت

ويحسّك رغم البين والبعد

إلقالك حد..

إلقالك حلم من الأحلام

ماتسيبش سنينك للأوهام

دي الدنيا ما بين أفراح وآلام

الشوك تسقيه يطرح لك ورد

إلقالك حد..

إلقالك قلب يحن إليك

وحبيب يشتاق ويروح يرضيك

لو طالت في الأيام لياليك

يبقالك فجر وشمس وغد

إلقالك حد..
* الصورة من عند حاتم والأغنية هنا

هناك 5 تعليقات:

غير معرف يقول...

مساء الخير يا براء

اولا الف مبروك على الجواز من الجميلة دعاء ... ثانيا احب احييك على كل اللي بتكتبه ، و بالنسبة لاخر بوست فبقولك يا رب ما تمر عليك اي حاجة وحشة ... و يا رب كل الناس تلاقي حد فعلا زي اللي تقصده الاغنية .. قد ايه فعلا الواحد لما بيمر بظروف مش لطيفة بيكون فعلا محتاج حد يسمع و يفهم و يحس بيه .
اتمنالك ايام سعيدة دايما . سلام

واحد من الناس يقول...

تعرف يا براء... انا مستحمل وحدنى الفظيعة الشنيعة لكن مبقدرش استحمل الاغنية دى... فعلا بهرب منها ..يعنى لو صوتها جاى من الشرع وانا ماشى اجرى اهرب .
على فكرة انا مستمتع جدا بيك انت دعاء.. وربنا يخليكو لبعض ..
ويلا سلام عشان المدير طالع وانا فى مكتبه ...

بنت امي الغالية يقول...

بعد الشر عليم من الزعل يابيرو وربنا يبعد عنك كل الهموم والزعل والتكدير وبعدين كده يابيرو برضه ينفع يعني تقول للناس القالك حد يفهموا ايه دلوقتي؟؟

واحنا لسه ماقلناش اسبوعين؟

غير معرف يقول...

ربنا يحميك يا ابني من السقوووط

شكرا يا براء...
ونكمل كلامنا لما نتقابل مش هنا
وعاوز أشوفك أوي

غير معرف يقول...

اولا احب اهنيك يابراء انت ودعاء
وربنا يبارك ليكم ويوفقكم
واسفه ان تهنئتى جت متاخر

كلمات الاغنيه مؤثره جدآ
تحياتى