الاثنين، مايو 29، 2006

عن "بشر" الصعيد.. أحكي لكم!



تريد أن تعرف المزيد عن "بشر" الصعيد؟.. أنا أحكي لك!

قلت لك أنهم ينتمون إلى زمن الدهشة.. لكن قبلها، دعني أفهمك عن أي بشر أتحدث..

هؤلاء الذين أقصدهم، هم رجال وكهول الصعيد.. لا شبابه وفتياته!

شباب هذا البلد، يدخل على النت، ويعاكس البنات، ويرتدي الجينز، لكنه مازال يتعامل مع كل هذه الأشياء بمنطق الدهشة..

لا هو مقتنع بأن الجينز يلائمه، بل أنه يفعل ذلك تقليدا للغرباء الذين يأتون للدراسة في جامعات بلاده، والذين قادهم حظهم العاثر ونتيجتهم الضعيفة في الثانوية إلى كلية حقيرة في هذه الجامعات..

ولا هو يعاكس أي فتاة، فالمعاكسة من نصيب البنت الغريبة فقط، لا مجال لمعاكسة واحدة من بنات البلد، لأنهن بنات عمومته وخالاته.. وهن صنعن للزواج فقط، وعيب جدا إن الراجل يعاكس مراته قبل الجواز.. ميجيبش منها عيال!

الغريب في موضوع المعاكسة، أن الغرباء الدارسين في هذا البلد، يستغلون فرصة انصراف شباب البلد عنهن، وحاجتهن لمن يشبع غرورهن الفطري، وحاجتهن الأنثوية لشاب يتأمل جمال كل واحدة منهن..، ستجد معاكسة بنات البلد عادة يومية لكل شاب مغترب، والأغرب أن الأمر يتطور أحيانا لتصبح لدينا علاقات غير شرعية وحمل وولادة وهند وأحمد ولينا..

السؤال الطبيعي.. طيب ما شباب البلد يعاكسوا بنات البلد، ويتجوزوا ويخلصوا.. إنه زمن الدهشة.. ورفض كل ما هو طبيعي والإصرار على هدم رؤية أشياء بعينها رغم أنها.. واضحة زي "السمس".. هكذا ينطقونها!

أما النت كافيه، المزار الطبيعي لكل شاب قناوي صعيد جدع أو مش جدع.. فستجده يدخل يوميا ساعات طويلة يقضيها كلها بتركيز واهتمام بالغين.. في لعب الفيفا.. أو الشات مع بنات خليجية، أو البحث عن أحدث صور لنانسي عجرم و.. جورج وسوف!

في النت، ستجد تناقضية غريبة، بين ملابس بعض الجالسين، والجهاز الذي يجلسون أمامه، قمة البدائية، وقمة التكنولوجيا.. بجلباب وشبشب بصباع، أمام الويندوز إكس بي.. أو إخص بي كما نطقها أحدهم أمامي بالأمس!

في النت يدهشك الحوار الذي يدور بين الجالسين.. لكنه يعمق الصورة الأولى التي أخذتها عنهم.. هؤلاء البشر، يعرفون جيدا أن الدنيا تطورت، وأن الوضع تغير، لكن داخلهم رغبة غريبة، وحب مرعب، لأن يظلوا ينظرون لكل شيء من الخارج، دون الدخول إليه والاشتباك معه..

هنا ستجد كل الأجهزة عليها النسخة العربية من الويندوز، وبدون أي برامج يحتاجها أي مبتدئ لكتابة ورقة أو رسم صورة.. وعلى "الهارد"، تمتع بمشاهدة أروع وأسخن أفلام البورنو، ولا مانع من وجود بعض أفلام الأكشن.. وفي فولدر منزوي ستجد أفلام أجنبية مترجمة.. للشباب المثقف!

هل وقعت في خطيئة التعميم أثناء حكاياتي لك.. ربما.. إذن سأحاول تصحيح الأوضاع..

ليسوا كلهم بالصورة التي نقلتها لك.. ستجد منهم التاجر الشطار الذي يسافر كل أسبوع للأقصر وأسوان والغردقة التي لا تبتعد كثيرا عن قنا..

هذه النوعية – وإن كانت قليلة – أدركت أن الدنيا تطورت فعلا، وأنه من الواجب ألا نجعلها تتطور وحدها...

يسافرون إلى هناك، يتاجرون، ويتعلمون جملتين من كل لغة، ويصبح كل واحد منهم قادر على الحديث مع أي سائح مهما كانت جنسيته، وحتى ولو كان قادما حالا من المريخ.. سيحدثه بالمريخي..!

الغريب أن صديق لي منهم.. يرسب كل عام في المادة ذاتها.. الإنجليزي.. ورغم أن يتحدث بها بطلاقة.. لكنه لا يعرف شيء عن كتاباتها!

وحكايات هؤلاء لا تنتهي.. تزوجها رغم أنها أكبر منه بـ50 عام، نظير شراكتها له في البازار الصغير الذي ينوي شراءه، وهو لن يخسر كثيرا، ستأتي مرة كل عام، وربما ترسل له بعد شهور ليقضي معها أجازة الكريسماس في بيتها المتواضع.. بالباهاما!

هو الآخر سيستغل المبلغ الذي أخذه للزواج، سيتزوج بنت عمه التي أحبها رغما عنه، كم تمنى أن يحب فتاة أخرى غيرها ليبدو مختلفا، لكن القلب وما يريد، لقد انتظر طويلا حتى يدق قلبه، وحين دق.. دق لبنت عمومته.. رب صدفة غير من ألف جواز!

هذا نموذج من الخارجين طازة من زمن الدهشة، والنماذج كثيرة، واحد آخر منها ينطبق على الراحل من قنا منذ سنوات طويلة، أخذ شهادته الثانوية، ومعها حقيبته المليئة بالملابس التي لن يستخدمها أبدا لأنها لا تناسب أي بلد آخر إلى قنا.. ومعها طعام أمه الثمين، وخطابات أبوه وأصدقاءه لأصحابهم في القاهرة.. ورحل!

التحق بالدارسة في أي كلية محترمة، لأن مجموعه في الثانوية أكبر بكثير من مجموع نظرائه من أبناء القاهرة ووجه بحري، أولئك مشغولون بأشياء كثيرة، أما هو فلم يشغله شيء عن المذاكرة.. إلا المذاكرة!

يعمل بجانب الدارسة، يتغير سريعا، المدينة تفعل أكثر من ذلك.. ينسى كل ما له علاقة ببلدته الصغيرة المجاورة لقنا.. ويتوه (رغم أنه ليس تائه) في دوامة المدينة!

من هؤلاء مصطفى بكري وأخوه.. وأسماء كثيرة أخرى.. تعيش بيننا تاركة جذورها الأولى في الصعيد..

هؤلاء ينجحون جدا، لأنهم لم ولن يستطيعوا أن ينسوا أنهم غرباء عن هذا البلد، وأنهم أتوا في مهمة ما.. ربما لن تنتهي.. لكنها في النهاية مهمة.. ويجب تنفيذها على الوجه الأمثل!

ونوع ثالث منهم، واحد من الخوارج عن الزمن ذاته الذي ابتلع الصعيدي في ظروف مجهولة.. المهاجر، هو ينتظر أن يحصل على شهادته، وتنفعه كورسات اللغة التي يأخذها منذ شهور، واستيفاءه لكل شروط الهجرة إلى كندا.. وتحويشه لثمن التذكرة من عمله كبائع في محل ملابس شبابية.. ينتظر كل هذه الأشياء ليهاجر ويترك ورائه مصر كلها تشبع بما فيها.. فقد سأم..وقرر التمرد!

أنت طبعا تعرف عن الهجرة أكثر مني.. كل ما سأخبرك به أن شريف قد قابلني بنفس الوضع في عامي الأول في هذه المدينة منذ أكثر من أربعة أعوام.. وهو مازال منتظرا حتى الآن.. ينتظر الشهادة والتحويشة واستيفاء الشروط.. وأشياء أخرى ينتظرها لم تكن في حسبانه.. هو يقول.. أنه أصبح يشبه خاصية الانتظار التي ركبها السيد والده في البيت، رغم أن التليفون لا يرن أصلا إلا مرة واحدة كل ليلة حين تكلمهم أخته الوحيدة لتثرثر قليلا مع أمها.. لكنها نصيحة أحد أصدقاء والده بأن يركب الانتظار لأنها مفيدة وجديدة.. فركبها أبوه.. وشريف لا يرى فيها فائدة سوى أنها تشبهه!

هناك 26 تعليقًا:

أحمد يقول...

انت شخص عنصري
!!!!!!!!!!!!!!!!!!!!!

عامل بالضبط زى واحد اهبل جاى من فرنسا، و نزل القاهرة،طبيعى لو شاف واحد زيك هيقول عليك اهبل و متخلف و بتاع دهشة

قال دهشة قال

البراء أشرف يقول...

إيه يا عم..لا عنصري ولا حاجة.. أنا بحب الناس دي.. لكن أنا بحاول بس أعمل تعريف بيهم للي ميعرفهومش..

دول السكان الأصليين الحقيقين لمصر، ولاد البلد بجد.. لكن لا أنا ولا أنت ولا أي قاهري يعرف عنهم أي حاجة غير انهم صعايدة..

زمن الدهشة لفظ من اختراعي.. لكنه من توصيف الروائي يوسف القعيد.. في كتابه قطار الصعيد.. وأنا اقتبست منه الجملة اللي هو قايلها.. انهم ناس بيندهشوا من كل طبيعي عندنا.. وعندهم لا مبالاة غريبة تجاه كل الاشياء غير الطبيبعة.. هو ده معنى زمن الدهشة.. وعلى العموم.. تعالى واتفرج بنفسك.. ومتزعلش مني.. لاني مقصدش ازعل أي حد هنا
براء
birooo_18@hotmail.com

أحمد يقول...

ايوه هنبدأ بقي في الكلام بتاع موضوعات التعبير.. سكان البلد الاصليين و اجدع ناس و الاسطوانات المشروخة
-اولا انا مش قاهري.. كس ام القاهرة، دا شعار مهم جدا بالنسبة لى في الحياة

-ثانياً القعيد يقول اللى هو عايزه و هو حر، و انا مش عارف ازاى بجد واحد يقرأ رواية كاملة ليوسف القعيد..... يعععععع

-انا مش بحب السواح و لا كتيبات الدليل السيحى، و لا الشورت و الشنطة بتاعت السايح، انا بالضبط عملت زى السواح رايح تتفرج من فوق و ترصد حالات بمزيج من السطحية و التفاهة..دا حقك طبعا
و كل انسان حر في وجهة نظرة حتى لو كانت وجهة نظر سائح

و انا من حقي اقول دا خرا
شكرا
و السلام عليكم و رحمته و بركاته

أحمد يقول...

هذا أيضاً و بالله التوفيق، و اقول قولى هذا و استغفر الله لي و لكم
طرطر الولعة يا مرسي و قوم روح

Gid-Do - جدو يقول...

عزيزى البراء
اولا احيك على صراحتك وتهنئتى لطواعية قلمك لك ـ وثانيا انا لى تجربتى مع الصعيد مابين اعوام 1963 حتى 1966 ثم فى 1970 وما بعدها وانتهت فى 1974 وكانت مدينة اسيوط وبعض مراكزها فى التجربة الاولى ومدينة اسوان وبعض مراكزها فى التجربة الثانية بعد اكثر من 40 سنة اجدك تكتب عن الصعيد اللى انا عيشتة وكان الزمن لم يتحرك على هؤلاء المصريين اصحاب الذكاء الفطرى النحاتين فى الصخر الاحباء جدا الى قلبى ـ ساستمر فى متابعتك لانى متاكد انك بتنقل صورة صادقة لما يدور هناك وواضح انهم بقى عندهم ثقة فيك ودة شئ مش سهل الحصول عليه لواحد مصراوى زيك ـ ايام ماكنت هناك كانوا بيقولوا على القاهريين مصروية ـ وربنا معاك

radwa osama يقول...

بالعكس انا شايفاك راسم صورة انسانية ودافيه ليهم قوي ومش نظرة سايح ولا حاجة ..دوما كعادتك كتابتك مختلفه

غير معرف يقول...

كالعادة ...نظرة سطحية و إستعلاء على أهل الصعيد
مقالة تافة من واحد فاكر نفسة عميق النظرة و الفهم
أنت لسة ما وصلتش لمرحلة إنك تفهم الشخصية و البيئة الصعيدية
و طول ما انت سطحى ...عمرك ما هتكتب حاجة ليها قيمة

غير معرف يقول...

أكتب ياض يا براء ولا يهمك من أم اى حد...
بس فى مشكلة ...ان المشاكل الى معكوك فيها الصعايدة مش هما بس الى فيها...المصريين كلهم شايليين الطين يا ابنى ....
والمصرى هيفضل طول عمره مصرى

النيل رواه ...وامن الدولة بيجرى وراه !!!

محمد السيد..مش حاسكت يقول...

إيه يا سيدي .؟؟؟ في إيه يا بيرووووووو

طيب ما حتلافيهم هم كمان بيقولوا عليك كده
" إيه اللي شايف نفسه ده ؟وبيعمل كده وكده؟؟ " ويضحكوا عليك وعلي طريقتك في العيشة؟؟
كل مجتمع وله عاداته وطريقته وأسلوبه في الحياة
ومش عيب إنهم يكونوا مختلفين أو غيرنا في حاجات كتير
وبعدين بدل ما تكلم اللي كان السبب في تخلفهم ده واهماله للصعيد سنيييييين كتير رايح تتكلم عليهم هم
ده حتي حرام
وبعدين أنا ساعات بأقول نفس الكلام علي ناس عندي في الكلية لكن...برضه بأكون عارف إن نظرتي دي غلط وإن مش ذنبهم إنهم من الأرياف أو حتي ملفوش وداروا كتير
وبعدين هي هي نفسها ... للعيال اللي شايفين نفسهم وعمالين يقلدوا الأجانب ويلبس إيه ويسمع إيه؟؟ ويعوج لسانه وحاجات من دي .... هي هي ... الفرق إن التاني من الصعيد ... أما ده فهو قاهري والمفروض إن بيفهم لكن برضه مقضيها تقليد أعمي لكل حاجة جايه لنا من بره

عموما ..ربنا يهون عليك غربتك ... انا باكون عامل زيك ..وغربتي في القاهرة مش قنا ....
يالا ترجع لنا بالسلامة يا ريس
سلام

غير معرف يقول...

ممكن تقول شى عن الحكم و نظامالحكم

قلم جاف يقول...

مقال جامد..

غير معرف يقول...

اتقى الله الصعيدى طلعت علماء يا احه انت اكيد عنصرة مال الصعايده مش ام مصر كلها من الصعيد مش الاذاعه والتلفزيون نصها صعيدى يا عنصرى الصعيد ده كان زمان وما زال منبع الحضاره والثقافه واقرا كويس وانت تعرف انك غلطان قوى
الصعايده مين كديهم حب العلم فى دمهم

غير معرف يقول...

لعنة الله عليك
لأنك فى النهاية سوف تكون من المتفرجين على الصعيد وهو يطلب الإستقلال مثل الأكراد بسبب أمثالك
يكفى الصعيى شرفا
أنا رغم تجويعه لا يبيع شرفه لكى يأكل
ولا يبيع ابنته لعجوز خليجى يجامعها من دبرها ويعزم أصحابه عليها
يكفيك ذلك أيه الجاهل

asmaa يقول...

أنت اصلا شخصية باين عليها مش مثقفة وشخصية غبية وباين على شكلك انك كده ؟؟
قال بشر الصعيد انت متجيش بضفر واحد منهم احنا الاصل احنا اللى لسه فينا صفات المصريين مش انتم وامثالكم اللى بتقليدوا الغرب من غير ما تفكروا وتقوله تحضر وموضه
انت اصلا مش محصل تبقى من الصعيد ولا القاهرة وفى الاخر طظ فيك ..........

غير معرف يقول...

You are racist... all of you -Cairians, sons of the arab and Turkish invators- think that you are better than us. Egypt is the only country that the national TV allows movies that make jokes about certain people of the nation... Anyway we will take over the rule again and f**k you all....

...Allah keep Kemet safe...

غير معرف يقول...

انت انسان عقلك تخين زى جسمك ، انا بانزل قنا كتير مش باشوف النماذج اللى انت بتقولها دى ، وكل اصحابى صعايدة مثقفين اوى ، يمكن انت عشان فاشل مش بتشوف هناك غير النماذج الفاشلة اللى زيك ، وبعدين انت نازل الصعيد غصب عنك وكارهه من قبل ما تروحه

ياسر النابى يقول...

ايه يابربور مش كده ياعم انا مش عارف انتليه واخد الفكرة دى عن الصعايده مع انك عشت معاهم وعاشرتهم 6 سنين وماشفتش منهم حاجه وحشه وحتى لو شفت دى تعتبر قله بالنسبه لحجم المجتمع اللى بتتعامل معاه
بس عادات الناس دى تفرق عن اى حد وده طبيعى جدا
وبعدين انت مش عارف ان
الاصل+المرجله+الجدعنه+حاجااااااااااات كتييير+مفيش حد زيه=الرجل الصعيدى
نصيحه من اخوك وزميلك (ياريت توسع نظرتك (للحاجات )الكبيرة اللى فيها اكبر من وجهه نظر
وابقى بوسلى مليكه

غير معرف يقول...

فى الحقيقة يا استاذ براء ..فعلا وصلتنى نظرة متحاملة منك على اهل الصعيد انا مزورتش الصعيد ابدا و عمرى ما حبيت النكت اللى بتتقال عن اهله بالعكس دايما بشوف الصعيد قيمة و هيبة و اصول حتى لو سيطرت عليه بعض الوقت طقوس غريبة او لا نستوعبها نحن ابناء القاهرة لكنى دائما ما اعتبرت اهل الصعيد هم نسل قائم بذاته يستحق الاحترام على الاقل لا ينسلخ من جلده 100 مرة كل يوم حتى يواكب التطور الذى يلائمه و الاكثر الذى لا يلائمه
على كل حال
هى وجهة نظرك و كنت اتمنى ان ترتقى لغة الحوار بالاخوة الذين شاركوا هنا فيقولوا وجهة بوجهة لا سبا بوجهة نظر

تحيتى

غير معرف يقول...

حضرتك ازاى شفت كل البلاوى دى فى الصعيد ومشوفتش حاجة حلوة ؟ اولا اخلع النضارة السودا عشان تشوف الراجل الصعيدى الشهم الراجل بجد اللى عمره ما يشوف حد مزنوق ويسيبه وافتح عينك على البنت الصعيدية اللى بتعتبر ان مجرد كلامها مع شاب عيب وحرام وياريت قبل ما تنتقد بجهل وبدون وعى كنت تتكلم عن عشوائيات القاهرة والبلاوى فيها من زنا علنى ولواط وسرقة وفهلوة والذى منه وعشوائيات ليه طب نتكلم عن قاهرة الاغنياء ونشوف بنات على حل شعرهم وشباب ملهاش مبدا ولا دين ولا هدف فى الحياة عيب اوى انك تقول انك عرفت الصعايدة كويس لان انا نفسى صعيدى ومازلت استكشف الشخصية الصعيدية لانها اعمق واكبر مما تتخيل نظرتك الجاهلة الضيقة اللى مشافتش من الحياة غير شوية شباب غلابة تفكيرهم على قدهم افتكروا الكمبيوتر هدفه الوحيد هو افلام البورنو وبعدين اتحداك لو انتا نفسك مش بتشوف افلام بورنو ولو قلت لا اعرف كويس اوى انك كداب ومنافق

مدونة الشاعر محمد الصاوى يقول...

تحياتى البيضاء
كم هو سخيف ومقزز كلامك عن الصعيد كلامك تافه وسطحى الصعيد يا أستا يا محترم هو نبع الرجولة هو المصرى الذى بنى وأبدع الصعيد هو طيبة وهذه غير طيبة السينما عشان بس لا تختلط عليك الأمور

غير معرف يقول...

الأخ البراء رغم أن موضوعك قيم إلا أننى رغبت فى التعليق عليه لأنه مازال مفتوحا للمشاركة واتلعليق فأرد علي موضوعك وأقول أنك لو كنت مطلع وقارىء لعرفت من هو الصعيدى ولو رجعت إلى جزورك القديمة لوجدت أن أصلك صعيدى وإلا فأنت غير مصرى ولا تنتمى لمصر من قريب أو بعيد لأنك لو عدت للوراء سنين ستجد أن القاهرة كانت عاداتها وتقاليدها بل وزي رجالها ونسائها هو ذات الزى الذى عليه أهل الصعيد الآن وإن كنت لا تصدق ذلك أدخل على النت وحاول البحث عن تاريخ مصر منذ مائة عام فقط وليس أكثر وأطلب صور عن هذه الفترة ستعلم صدق كلامى
وأيضا ما لا تعلمه عن الصعيد أنه أنجب خير رجال هذه الأمة فى جميع المجالات والعلوم سواء الدينية أو الدنيوية
ولكون أننى أشتم من عباراتك قلة ثقافتك أقول لك إن لم تستطع الحصول على هذه المعلومات فأدخل على أى كراك بحث على النت وأكتب نجباء الصعيد أو علماء الصعيد أو شخصيات من الصعيد حتى تعرف وتستزيد معرفة عن الصعيد .
أما ماذكرته بمقالتك فذلك إن دل فإنما يدل على تمسك أهل الصعيد بقيمه وعاداته وتقاليده وليس ذلك تخلف كما ذكرت لأن للتخلف أكثر من معنى ومدلول وهذه معلومه جديده يجب أن تضيفهالمعلوماتك فهناك التخلف الثقافى والتخلف العلمى والتخلف الحضارى والتخلف الدينى والتخلف الفكرى والعقلى ولكل منها معنى يختلف عن غيرها وأظن انك لا تعرف منهم سوى الأخيرة فقط وهى المتوافرة لديك
معذرة إن قسوت عليك فى الرد ولكن ردى هذا لتعرف مدى الفرق الحقيقى بين الصعيدى وغيره فالصعيدى لديه ثقافة الحوار ومبادرة الرد بإسلوب أظن يصعب عليك إدراكه .
وفى النهاية تحية شكر وإجلال وتقدير لأخوتنا فى جميع بلاد مصر سواء القاهرة أو غيرها من الوجه البحرى فهم أهلنا وأخوتنا وأنت ليس منهم أكيد ونحن لا نتنصل من أهلنا ولا نتخلى عن أخوتنا مهما حدث فهم نصفنا ولا يمكن لجسد أن يعيش إذا شق نصفين وأظن من أخوتنا من رد منهم عليك ولهم منا الشكر
وفى النهاية أرجو أن تعيد حساباتك عن الصعيد وأهله وتعود لحظيرة المجتمع المصرى وتبطل فرنجة

محمود الإسناوى . إسنا - قنا

الحامولى يقول...

بصراحة اسلوب الكتابة لذيذ و بسيط " السهل الممتنع " .... اما عن ما تحملة كلماتك فأنا شايف ان الصعيد الآن أصبح في مراحلة الانتقالية الاولى للدخول في موجة العولمة ..... ما اقصدة ان الصعيد الآن يعيش في مرحلة انسلخ فيها الكثير من سكان هذه المنطقة من مصر عن جلدهم الطبيعي و الموروث من قدم السنين .... انا الآن أرى صعيد بلا صعايدة الا من رحم ربي .... انعدام في الاخلاق .... انعدام فالهوية .... ولكن السؤال هنا هل الصعيدي يجب ان يكون من سكان الصعيد ؟! وهل كل ساكن للصعيد هو صعيدي ؟! ,,,,,, الاجابة و ببساطة " لأ " أتمنى ان ارى مصر كلها صعايــــدة ..... أتمنى ان يظل ما تبقى من الصعايدة ثابتاً على ما هو عليه و اتمنى ايضا ان يخرج جيلا جديدا من الصعايدة المحترمين .....
على فكرة انا صعيدي و من اسيوط

سكيتر يقول...

الاسلوب جميل جدا وجذاب ولكن ،،وبما انك صنفت الصعيد بين شباب وفتيان وقلت انك هتتكلم عن االرجال والكهول ولكن فى الموضوع كله انتا اتكلمت عن الشباب ..!! من اين لك كل هذا الحكم على الصعيد .. مجرد مكوثك فى السعيد ايام او سنين لا يكفى للحكم عليه واعتقد ان النظرة دى فى تعميم وجور على الصعيد بما فيه .. ويكفى الصعيد ان مفهوش نسب التحرش اللى موجودة فى القاهرة وغيرها .. اعتقد العادات اللى حضرتك معرتض عليها دى .. هيه اللى محافظة ع الصعيد ومخلياه بالنقاء ده رغم كل المحاولات العجيبة لتغييره .. كمان انتا حصرت شباب الصعيد فى النت ع افلام البورنو اعتقد كمية الردود فى توبيكك ده معظمها صعايدة تدل ع ان الصعايدة مش مجرد افلام وصور .. هاطلب منك انك تحاول توسع دائرة معارفك وتفكر جيدا .. واعلم غاليا ان التعميم لا يفيد واشكرك

ابو شهاب يقول...

بص يا سيد براء
انا كنت بعد ما قريت البوست ده ناوي اكتب شوية كلام ناشف بس الاخوة سبقوني وقالو كلام ينفع في مسابقة الرمايه في اجدع اوليمبياد
انا مش هكرر
ومش هتكلم عن قنا اللي هي احلى واحسن من سوهاج
هتكلم عن ساعه في سوهاج
بعد زياره الاهل واللف على الاصدقاء
نزلنا شارع 15 اللي هو المنافس بجد لشارع عبد العزيز بعد كده قعدنا في فندق الصفا على النيل واستخدمنا الوايرليس اللي مغرق سوهاج كلها ,
انا من سوهاج وعايش فيها بس مش منعزل عن الحياه ولا "مندهش " .
انا لسه معيد على ابراهيم الجارحي واحمد الدريني , انا اعرفهم وعلى اتصال بيهم بس لسه ما اتقابلناش
اصحاب كتير ليا بيحبوهم او بمعنى ادق بيحبو دماغهم.
غفر الله لنا ولكم وبطل تتعامل معانا وتتناولنا يا سيد براء بمنطق الدهشة

bent za7mma يقول...

قد يكون بعض ما ذكرته صحيح لكني اتفق مع الجميع ان التعميم سيء..مع ذلك اني على استعداد ان اتجاوز عن ذلك لاني استشعر من كلامك حسن النية

لكن الذي لم ولن اتجاوز عنه هو سماحك بكل هذا الكم الشنيع من البذاءات في التعليقات السابقة

لماذا لم تحافظ على نظافة المدونة وتتخلص من هذا التدني المرعب في لغة الحوار؟

غير معرف يقول...

هههههههههههههه بس برافوا عليك اية دى يبنى انا عايشة فى الصعيد مشفتش اى حاجة من الى انتى بتقلها اصلا بس برافوا بجد انت شكلك بتسمع الدراما التلفزيونية كتير عن الصعيد ارجو منك ان تزور الصعيد وبخاصة الاقصر وتتعرف عليهم ليس مجرد تعرف سطحى والحكم عليهم بسرعة دون معرفتهم جيدا الصعيد مش هيعرف قيمتها الا الناس الى بتعيش فيها وبتحبها بجد بتحب اهلها بتحب طبتهم ووقفهم بجانب بعض بتحب ابتسامتهم بتحب كل شى فى الناس دى الصعيد مش متخلف ولا جاهل كما يوضح كلامك بالعكس انا بنت بس مش حاسة بفرق ومش حاتسة بقيود ومش حاسة بتخلف ولا جهل ولاتقليد اعمى زى ما انت بتقول بالعكس حاسة بهتمام لتعلم وابتكار اشياء جديدة وعلى فكرة انا بقول كدة ليس مجرد احساس فقط بل اراة على ارض الواقع واشارك فية بجد ناس لديهم افكار مدهشة ممكن تبنى اشياء اجمل لديهم تصميم على فعل اى شى يفيدهم ولديهم ارادة كل دة فى الصعيد وبالفعل لستوا وحدى من اقول بذالك بل هناك اشخاص جاءو الى الصعيد وتعاملوا معهم وكانوا مندهشين عن الذى يسمعونة عنهم وعن ما يرونة على ارض الواقع ارجو منكم ان تتركو الدراما التى تشوة معنى الصعيد واهلة وان ترونة بنظرة غير هذة النظرة انتم ترسمون لصعيد مصر رسم فى خيالكم من الذى تسمعونة من نكت ودراما وهذا لاسف ليس الواقع بل خيالكم الذى رسمتموة وعلى فكرة انا مش من الصعيد بس انا نصى صعيدية ونص التانى مصرية يعنى اعرف الفرق جيد مع انى لا ارى فرق بين الصعيد ومصر لانهم واحد كلهم يطلق عليهم مصريين مصريين وليس هناك فرق بينهم لاننا واحد وننتمى لارض واحدة وانا احب الصعيد وبخاصة الاقصر واعشقها واب كل شى فيها ارجو منك التكلم بطريقة ليس بها استخفاف بصورة الصعيد واهلة نعم انا احترم رايك لكن الراى يكون ايضا محترم ولا يجرح احدا ونحن جميعا مصريين ولا احد يقول غير هذا