يا بلد مفيهاش بطيخة.. (خمسة تنظير)
طيب يا رجالة.. خلونا نبعد عن هيفاء وهبي، وإن كنت عايز ع السريع أقولكم إن شريط إليسا الأخير طلع جامد جدا أكثر مما أتصور.. لإنه فن وغناء بجد وبحق وحقيق.. حاجة كدة تفكرنا بالست أم كلثوم وعبده الحليم حافظ.. وزكي جمعة!
طيب طيب.. نرجع لمرجوعنا..
الحاج مايكل.. ولمن لا يعرفه فهو المدرب بتاعي حاليا في مركز الجزيرة للتدريب في دورة إخراج الأفلام الوثائقية..
الحاج مايكل رغم إنه بريطاني وعنده 60 سنة بس تشوفه تقول إنه أصغر من نانسي عجرم.. الراجل ده فاجئ كل الحضور امبارح ولقيناه قال مثل إنجليزي طلع هو نفسه نسخة من مثل مصري معروف.
قال : النساء مثل البطيخة.. يا تطلع قرعة يا تطلع حمرة.. والزواج أيضا!!
طبعا إحنا فرحنا قوي إننا اكتشفنا إن المثل المصري أصبح عالمي.. لكن بالليل.. وبعد ما روحت البيت.. ولإني كنت بعاني من أرق غريب لم تفلح أي قناة فضائية (ولا حتى ميلودي أو مزيكا زووم ع المكشوف) في أن تجلب النوم لعيني.. بل كانت تبعده أكثر وأكثر..
قعدت أفكر في المثل ده.. الراجل بيقول إن الجواز زي البطيخة لإنه قايم على الرهان، ولإن المستقبل فقط هو اللي بيحدد يا ترى هتطلع حلوة وحمار وحلاوة.. ولا قرعة وماسخة وهترجعها للراجل.. أو هترجع في وشه!
بالتالي لو بعدنا عن الجواز شوية لأسباب تتعلق بإن دعاء خطيبتي بتعرف تدخل على الإنترنت ومن ثم بتدخل على مدونتي ومش هيعجبها إني أتكلم عن الجواز فيها.. لو بعدنا عن الجواز وركزنا مع البطيخة هنلاقي إن في حاجات كتير في حياتنا عاملة زي البطيخة!
مستقبل مصر بالكامل عامل زي البطيخة.. متعرفش البلد رايحة على فين.. عندك شوية اختيارات وكلها متراهن عليها..
السطر اللي فات ده كان ممكن يكون مناسب قوي من سنتين تلاتة.. لكن اللي هيركز في أحوال مصر شوية هيلاقي إنها اتغيرت كتير.. وإن نظرية البطيخة مش هي المناسبة للتفكير في مستقبل مصر..
الإخوان صعدوا برلمانيا.. واليسار صعد في الشارع.. والأسعار هي كمان بتصعد.. وحسني مبارك بيصعد لإنه مش هيسقط أبدا..
البطيخة بتفضل لغز ومجهولة طول ما هي متشقتش.. طول ما البياع ممسكهاش وخبط عليها وقال "بسم الله توكلت على الله".. (تمام زي البطوطي اللي قالوا انه انتحر) وشق البطيخة وضغط على جنابها ووراك إنها حمرة والحمد لله!
في اللحظة دي لغز البطيخة بيفقد أهميته.. وبتعرف خلاص نتيجة التحليل.. وبتروح البيت تحطها في التلاجة شوية عشان تغتصبها (تاكلها يعني) إنت والأولاد بعد الغدا وتنام بعدها لحد ميعاد المسلسل!
التيارات السياسية في مصر (كانت) عاملة زي البطيخة..
لكنها اتشقت والحمد لله وبانت على أصلها.. وطلعت أحزاب فيها قرعة.. وأحزاب تانية.. حمرة لا مؤاخذة!
طيب يا رجالة..
يبقى إحنا بنراهن على إيه..؟؟
إحنا ببساطة مش بنراهن على حاجة.. إحنا عارفين مصيرنا والحمد لله.. يا تن تن.. يا تن تن..
يعني الخيارات في مصر محسومة.. مفيش خيال علمي سياسي اجتماعي يقدر يتخيل إيه اللي ممكن يحصل ويكون مختلف.. الفيلم بقى محروق لإن الممثلين مش بيعرفوا يمثلوا أدوار تانية.. وحتى لو مثلوها.. هيبقوا شبه طارق لطفي في فيلم العشق والهوى.. ممثل محدش طايقه قاعد يعيط وعايش في دور الرومانسي..
بالمناسبة النظرية دي برضه تقدر تستوحيها وتقرأها جيدا في إعلان فودافون الجديد.. الراجل اللي طول عمره عايش في اختيارات.. الشخليلة واليويو.. لو شفت الإعلان هتفهم كويس أنا اقصد ايه..
بلدنا والحمد لله.. شخليلة ويويو في نفس الوقت.. وقرعة.. ولا مؤاخذة.. حمرة برضه..!
* من وحي أكلة بطيخة!
طيب طيب.. نرجع لمرجوعنا..
الحاج مايكل.. ولمن لا يعرفه فهو المدرب بتاعي حاليا في مركز الجزيرة للتدريب في دورة إخراج الأفلام الوثائقية..
الحاج مايكل رغم إنه بريطاني وعنده 60 سنة بس تشوفه تقول إنه أصغر من نانسي عجرم.. الراجل ده فاجئ كل الحضور امبارح ولقيناه قال مثل إنجليزي طلع هو نفسه نسخة من مثل مصري معروف.
قال : النساء مثل البطيخة.. يا تطلع قرعة يا تطلع حمرة.. والزواج أيضا!!
طبعا إحنا فرحنا قوي إننا اكتشفنا إن المثل المصري أصبح عالمي.. لكن بالليل.. وبعد ما روحت البيت.. ولإني كنت بعاني من أرق غريب لم تفلح أي قناة فضائية (ولا حتى ميلودي أو مزيكا زووم ع المكشوف) في أن تجلب النوم لعيني.. بل كانت تبعده أكثر وأكثر..
قعدت أفكر في المثل ده.. الراجل بيقول إن الجواز زي البطيخة لإنه قايم على الرهان، ولإن المستقبل فقط هو اللي بيحدد يا ترى هتطلع حلوة وحمار وحلاوة.. ولا قرعة وماسخة وهترجعها للراجل.. أو هترجع في وشه!
بالتالي لو بعدنا عن الجواز شوية لأسباب تتعلق بإن دعاء خطيبتي بتعرف تدخل على الإنترنت ومن ثم بتدخل على مدونتي ومش هيعجبها إني أتكلم عن الجواز فيها.. لو بعدنا عن الجواز وركزنا مع البطيخة هنلاقي إن في حاجات كتير في حياتنا عاملة زي البطيخة!
مستقبل مصر بالكامل عامل زي البطيخة.. متعرفش البلد رايحة على فين.. عندك شوية اختيارات وكلها متراهن عليها..
السطر اللي فات ده كان ممكن يكون مناسب قوي من سنتين تلاتة.. لكن اللي هيركز في أحوال مصر شوية هيلاقي إنها اتغيرت كتير.. وإن نظرية البطيخة مش هي المناسبة للتفكير في مستقبل مصر..
الإخوان صعدوا برلمانيا.. واليسار صعد في الشارع.. والأسعار هي كمان بتصعد.. وحسني مبارك بيصعد لإنه مش هيسقط أبدا..
البطيخة بتفضل لغز ومجهولة طول ما هي متشقتش.. طول ما البياع ممسكهاش وخبط عليها وقال "بسم الله توكلت على الله".. (تمام زي البطوطي اللي قالوا انه انتحر) وشق البطيخة وضغط على جنابها ووراك إنها حمرة والحمد لله!
في اللحظة دي لغز البطيخة بيفقد أهميته.. وبتعرف خلاص نتيجة التحليل.. وبتروح البيت تحطها في التلاجة شوية عشان تغتصبها (تاكلها يعني) إنت والأولاد بعد الغدا وتنام بعدها لحد ميعاد المسلسل!
التيارات السياسية في مصر (كانت) عاملة زي البطيخة..
لكنها اتشقت والحمد لله وبانت على أصلها.. وطلعت أحزاب فيها قرعة.. وأحزاب تانية.. حمرة لا مؤاخذة!
طيب يا رجالة..
يبقى إحنا بنراهن على إيه..؟؟
إحنا ببساطة مش بنراهن على حاجة.. إحنا عارفين مصيرنا والحمد لله.. يا تن تن.. يا تن تن..
يعني الخيارات في مصر محسومة.. مفيش خيال علمي سياسي اجتماعي يقدر يتخيل إيه اللي ممكن يحصل ويكون مختلف.. الفيلم بقى محروق لإن الممثلين مش بيعرفوا يمثلوا أدوار تانية.. وحتى لو مثلوها.. هيبقوا شبه طارق لطفي في فيلم العشق والهوى.. ممثل محدش طايقه قاعد يعيط وعايش في دور الرومانسي..
بالمناسبة النظرية دي برضه تقدر تستوحيها وتقرأها جيدا في إعلان فودافون الجديد.. الراجل اللي طول عمره عايش في اختيارات.. الشخليلة واليويو.. لو شفت الإعلان هتفهم كويس أنا اقصد ايه..
بلدنا والحمد لله.. شخليلة ويويو في نفس الوقت.. وقرعة.. ولا مؤاخذة.. حمرة برضه..!
* من وحي أكلة بطيخة!
هناك 11 تعليقًا:
لا فى يوم من الايام حيسقط واحتمال على القرافة على طول وبعدين الاغانى حرام كنت فكراك متدين
عاش البطيخ الكبير المصري
وكل لبيب يمكن يفهم بالإشارة
انت زودتها قوي يابيرو و بصراحه بقه واضح ان اروي مش هتسكتلك.
:D
هدي اللعب شويه يعني خالصناك من هيفا تخش علي اليسا و البطيخة و ارعا و لا حمرا.
:D
انت شكلك عايز تضيع عليك الشبكة.
معلش يا دعاء مش هيعمل كده تاني. حقك عليا انا.
:D
احنا في زمن البطيييييييييييييييييييييييييييييخ!
خارج الموضوع :
الثورجي المستجد عادل إمام كاد أن يضحكني وهو يتحدث عن القضية اللبنانية!
حلو قوي يابيرو تسلم ايدك وعلى راي المثل البلدي يوكل والا البطيخ انت بتحبه قوي بكرة ترجع ان شا ءالله للبطيخ ولكل حاجة
اما الست اروى يعني اه=يه بقى كنت فاكراه متدينظ
يعني ربنا الل يبيحاسب مش حضرتك
اما محمد فهمي فاهماك انا بتحب تهدي النفوس وبعدين انا عارفه بيرو كويس صريح بس المهم مين الي في القلب ولا هيفا ولا اليسا
البطيخ يعني نخلص من هيفا تيجي تقولي بطيخ وبتاع ...
تعرف انا في حياتي ما بكرهش حاجة قد البطيخ ...لأنه بيفكرني بطفولتي القاسية .
وانا صغير ابويا كان طقوسه المفضلة كأي موظف في الصيف..يرجع بالبطيخة شايلها هي والجرنال ..وينادي ..يا حااااااااجة شوية جبنة قديمة من البلاص .الغدا جبنة قديمة وبطيخ .
أرد انا : بابا انا زهقت مش كل يوم بطيخ بقى .
طراااااخ تنزل يد ابويا على قفايا الذي تعرفه جيدا وتحفظ تضاريسه وهو يقول : حرام يا نمرود انت تقول على نعمة ربنا ما بحبهاش .
انا متأثرا أتحسس قفايا: طيب يا بابا بس انا انا عايز آكل لحمة .
طرااااخ يعالجني بقفى تاني ويقول : مش لسه واكل امبارح لحمة يا حيوان .
انا في اعتراض وتمرد ثورجي عنده سبع سنين : لاااااااا .... واكلين بطيخ .
ينزل على وجههي بصفعة محترمة : وبتكذب ابوك يا كلب كمان .
تتدخل امي : عيب عليك يا محمود حتى لو كنا واكلين بطيخ امبارح وبابا قال كلنا لحمة عيب تقول لأ كلنا بطيخ قول كلنا لحمة
انا في بكاء ممتزج ببرابير تسيل من مناخيري: حاضر يا ماما كلنا لحمة ....أنتحب وأضيف ..وفراخ كمان .
ابويا يهب من مكانه : فراخ فين الفراخ دي يا كذاب ...
ينظر لأمي موجها لها الكلام الواد شكله طالع هجاص يا حاجة .
ترد مؤمنة على كلامه : آه والله شكله كده بيفشر كتير اوي علشان احنا دلعناه من حبة يقول كلنا لحمة امبارح وبعدين فراخ .
ابويا : الظاهر فعلا كده لحمة ايه وفراخ ايه دول ...لالالالا الواد ده لازم يتربى من الأول .
يقفز علي قفزة رجل واحد ...ويكتفني ويوجه الكلام لأمي ...هاتي الخرطوم من الحمام ...أنا لازم أربيه الواد ده من جديد .
تهرع والدتي إلى الحمام وتحضر الخرطوم وتجري به نحو والدي وهي تقول له ..خد يا حاج ...فش غلك .
يمسك الخرطوم وينهال به على جسدي ....
شفت بقى البطيخة ممكن تعمل إيه ؟؟؟
بلاش تتكلم تاني عن البطيخ لو سمحت
برده البطيخ مرتبط بحاجة مش كويسة تانية في الطفولة ...لو افتريت في اكله وضربتلك شقتين تلاتة كده .... حتصحى تاني يوم الصبح تلاقي البطيخ اتحول لفطيرة كبيرة على السرير ...وتاخد علقة محترمة برده .
البطيخ ده كله مساوئ يا عم ...اتكلم عن هيفا احسن .
انا متفق معاك في كل اللي قلته إلا في حاجة واحدة.حسني مبارك هايسقط خلاص...الراجل فيص وزي ما قلت الوضع اختلف عن 3 سنين فاتوا...المفروض دلوقتي نواجه جمال حبيب المليين...المنافق ابن المنافق راح لبنان واخد معاه وفد من احزاب المعارضة اللي ماتت وبقت صورة ووزيرين ورايح يعلن تأييده للبنان طب ليه بتقمع المظاهرات بدام انت راجل قومي كده وكل ماروح مظاهرة عشان لبنان اضرب..انا بصراحة كده شايف ان حسني مبارك لو ممتش هايسيب السلطة وانه خلاص تعب وبقي طيب ومسالم بدليل ان البلد بقي فيها شوية حريات عن السنين اللي فاتت...بس ماما سوزان ومعارفها وجمال حبيب الملاليم وصحابه هم اللي بيضغتوا عليه عشان يفضل
مصر من فير مبارك متبقاش مصرالى نعرفها
البطيخه طلعت قرعه من زمااااان
و الحدق يفهم
حنظل في البطيخ طول مالشعب مشاهد
لا لاعب وتارك الاخارين يتحكموا بمصيره
Very nice site! cocaine yasmin bleeth gamewell fire alarm box 1920 - 1930 Contemporary style furniture for pets http://www.montana-pontiac-2005.info/durabrand-cd-changer.html Network fax server free cinco de mile shirts dr vida yasmin
إرسال تعليق