الخميس، نوفمبر 30، 2006

براء.. مع الباعة (فقرة إعلانية)!

إشارة مرور واقفة، كلوز على وش عسكري المرور وشكله مضايق ومرهق وعرقان جامد..

مشاهد متقطعة من سيارات تقف في الإشارة.. زوج وزوجة يتخانقوا.. شاب وزميله بيتكلموا في حوار مهم وملخومين في الكلام.. ناس واقفة جوه الأتوبيس مزنوقة.. راجل نايم في ميكروباص.. ركاب الميكروباص بيتخانقوا على الأجرة..

كلوز على وش راجل مبتسم قوي وهو بيقرأ الجورنال بدون أن نكشف ماذا يقرأ.. الراجل راكب في الأتوبيس الزحمة

صوت من بعيد رسالة موبايل.. كل الناس تتحرك ويحدث هرج ومرج كل واحد بيطلع موبايله وبيكتشف الجميع أن رسالة واحدة مرسلة لهم جميعا..

كلوز على الرسالة مكتوب فيها "كلمني شكرا"..

أصوات متداخلة تنطق كلمة "كلمني شكرا"..

الراجل النايم يستيقظ.. والزوج والزوج يمتنعان عن المشاجرة وينظر كل واحد لموبايله ثم يريه للآخر..

نقترب مرة أخرى من الراجل اللي كان بيقرأ الجورنال.. نجده مازال يقرأ.. نقترب أكثر.. نلاقيه بيقرأ صفحة "كلمني شكرا" في جورنال الدستور اللي بيحررها البراء أشرف..

يبص الراجل للكاميرا بابتسامة.. فيد تو بلاك.. وصوت بيقول.. كلمني شكرا.. كل أربع.. تابعوها

هناك 14 تعليقًا:

غير معرف يقول...

ههههههه

ملعوبة منك..

بأقول لك صحيح.. كلمني شكرا!

ام مليكة يقول...

جامدة قوي يابراء وبعدين بقى كده انا هاغير ...........
ربنا يقويك ويكرمك وينجحك اكثر واكثر

ام مليكة يقول...

جامدة قوي يابراء وبعدين بقى كده انا هاغير ...........
ربنا يقويك ويكرمك وينجحك اكثر واكثر

غير معرف يقول...

حلوة يا البراء حلوة بجد

ihapoof يقول...

Hi bara2

100000000 mabrouk

منبري يقول...

مين قدك يا عم براء

غير معرف يقول...

مال الناس دى يا عم متغاظة ليه كده هههههههه اه انتا مشا شاء الله دخلتلك جامدة بصفحة بحالها مش بقر ولا حاجة انا بحسد بس هههههههه

عموما ربنا يوفقك ياباشا

غير معرف يقول...

عجبااانى اوى اوى فكرة الكاميرا دى يا براء
انا قلتلك مبروك قبل كدة

غير معرف يقول...

الف مبروك ربنا معاك وعدين الصوره اللي بتاعة البنوته دي حلوه اوي
تشبهك
...
رضوي

شيمـــــاء يقول...

حلو المشهد ومبروك على الصفحة
بس مين اللى هيدقع تمن الدستور بقى
؟؟؟؟؟؟؟؟؟

Dananeer يقول...

هيييييييييييييييه
مبروك يا براء
الجرنان بجد محتاجك
و الاعلان مسخره كالعاده

SaSo يقول...

لا الصفحه جامده اوى,انا اول ماشوفت صورتك (منوره) دعيتلك يارافع راسنا
الموضوع بتاع "موبايل الريس" ده فاجر,بقالى كتير مضحكتش على حاجه ف الدستور
الى الامام

قلم جاف يقول...

مبروك يا براء.. خطوة على الطريق..

محمود محمد حسن يقول...

لعبت يا معلم ....عقبال كده ما نشوفك في صحيفة الفجر الغراء ...

:)))