أنت بس انزل شارع السودان.. وأي عيل صغير يدلك
- هو الريس ليه مضايق جدا من الاعتصامات الموجودة في لبنان لاسقاط الحكومة؟
- أكيد هو فاهم إن الاعتصامات دي في ميدان لبنان بتاع المهندسين
- تصدق يمكن يكون كدة فعلا.. أصله بقاله كتير منزلش هناك
- أكيد هو فاهم إن الاعتصامات دي في ميدان لبنان بتاع المهندسين
- تصدق يمكن يكون كدة فعلا.. أصله بقاله كتير منزلش هناك
هناك 9 تعليقات:
و الله يا براء يا خويا انا مش معاك في الفكره دي لأني اعتقد ان الريس مش دريان باللي بيحصل في مصر ياخي دي الدنيا بتتشال و تنحط و مانسمعش منه اي تعليق غير اللي يفقع المراره ذي حكاية انه قاعد علي قلبنا لطلون و اهو عمال شغال شجب و يستنكر مع باقي الريسه العرب علي اللي بتعمله اسرائيل بقالها نص قرن في فلسطين و لبنان حتي بطل اليومين دول يتكلم عن العراق . بالذمه مش احنا برده اولي بنص ساعه يشجب و يستكر فيها غلو الاسعار و الناس اللي عايشه تحت خط اللي افقر من الفقر و الامراض اللي بتاكل اجسام الشعب و وقفين في طوابير يستنوا ادورهم في مستشفيات و يتعاملوا معامله مايتعاملهاش كلاب في مستشفي بيطري يا ريس نظره مداد يا ريس مدد.................
الفكرة انه خايف لنتعدى من الشعب اللبنانى وتعجبنا فكرة النزول للشارع لاسقاط الحكومة ..
او من كتر حكمه لينا و(معاشرته)لينا برضو افتكر ان كل الشعوب زينا كدة لاؤخذة..
او يمكن (حكم) السن وانه بدأ يهيس ويخرف زى البنى ادمين..
يا رب يا حسنى تتحول لبنى ادم وتحس وتتألم وتجوع وتتظلم وتاخد على (...) قد نيتك.. ماشيها على قد نيتك..
ياراجل بقى انت عايز تقول لي انك مش عارف ليهالريس خايف
طبعا خايف احسن العدوى تتنقل من لبنان لمصر خصوصا ان همه عندهم ساحة الشهداء واحنا عندنا ميدان التحرير وكفاية يعن يالظروف مواتيه لحدوث انقلاب وثورة والاسباب انت عارفها
بس على فكرة الريس الظاهر مش دايس في المهندسين كويس
لا اطمنوا وبالذات انتي يا بنت البلد اذا كان عندهم ساحة الشهداء وعندنا ميدان التحرير فاحب اعرفك ان لبنان فيها ثقافة وفيها وعي وفيها متعملين وليس مغيبين ومسيسين
تقدروا تقولوي عندنا كام شاب تحت سن التلاتين يعرف يعني ايه سياسة او اقتصاد حتي ولو كان خريج اقتصاد وعلوم سياسية طيب بلاش تحبوا نسأل مثلا عن الادراة في طلبة خرجين ادارة ولا تحبوا نشوف الكوميدا في اي مجال والنبي يا اخونا ارحمونا بقا ونفوق احنا وبعدها نشوف ال800 نفر بتوع الحاكم الي هما مجلس الشعب والشوري والريس والوزرا يعني مش حاجة في وسط 80 مليون مفتكرش ان كل حاجة منهم صلحوا نفسكم الاول بطلوا تضحكوا علي انفسكم بالكلمات وبالشعارات لا ادعي اني ملاك ولا انهم صالحون لكني لا ارمي غيري بالحجارة والذنوب تملئني
ممكن فعلا يكون خايف من العدوى
يا جماعة ده خايف علينا احنا من العدوى
خصوصا إن في سببين مهمين يخلوه يترعب مش بس يخاف
1) العدوى مالهاش علاج غير الزمن اللي مش في صالحه، حسب قوانين البشر الطبيعيين وحاشا لله يكون هو أحد طرفي المعادلة دي، البشر والطبيعيين، بس نقول مش في صالحه
2)إن الشوارع هنا غير مؤهلة لده، وخايف علينا من الحيرة.. يا ترى هننزل ميدان لبنان، وللا رمسيس؟ وللا التحرير؟
وللا هنتجمع فين؟
مفيش مكان يلمنا كلنا (اللهم إلا الكراكونات بعد ما المعتقلات اتملت) .. فكل الفكرة إنه خايف عليكم من الزحمة!
لأ يا براء ده مش مضايق .. ده مرعوب أحسن العدوى تنتشر وما يقدروش يقفوا قصادها زي أنفلونزا الطيور .. ربنا يخليلنا السيد حسن نصر الله وكل الحلوين اللي معاه وبإذن الله المصريين وراه .. ياه أنا باقول سجع أهو .. والله يا براء مش عارف أقولك إيه بس موضوع حلو
تحياتي
مراسلكم من ميدان لبنان يطمئنكم على الاحوال هناك كل الامور تحت السيطرة شارع الجامعة الدول العربية حبة تحرشات بالعرب شهاب والسودان حوداث وخناقات ميت عقبة حرايق وعمليات سطو وكله تمام ياباشا.
كله برعايةو الحكومة
كان معاكم من وسط الميدان
كازانوفا
ما يحدث في لبنان فتنة بجميع المقاييس أشعلها حسن نصر الله ، مش لازم عشان تبقى معارض تبص لأي فوضى و تتمناها
إرسال تعليق