الثلاثاء، ديسمبر 12، 2006

"عاكف" للإنتاج الفني يقدم.. اسكتش "صامدون"!



- متى تخاف من مرشد الإخوان؟؟

- حين يخرج عن صمته!

في اللحظة التي يعلن فيها مرشد الإخوان أنه سيخرج عن صمته، وتجد "الخروج عن الصمت" هو أهم ما يميز مانشيتات الصحف التي تتبادل أقواله بالنقل والسرد والحكي والتعقيب..

في اللحظة ذاتها يبدأ الجميع في القلق، وتنتابني هستريا من الضحك والبكاء في وقت واحد، ضحك على ما يقوله المرشد، وبكاء على أحوال الشارع السياسي المصري التي وصلت لدرجة من السوء لم تصل له من قبل!

أن ينزل طلاب الإخوان لطرقات جامعة الأزهر ومدينتها الجامعية، يرتدون أقنعة سوداء مكتوب عليها "صامدون"، وأن يستعرضوا مهاراتهم في الكاراتيه والكنغو فو أمام جميع الطلاب من التيارات الأخرى، وأن تكون كاميرات الصحافة والتليفزيون موجودة ترصد كل هذا وتنقله لنا..

أن يحدث كل هذا فهو أمر (رغم أنه جديد) إلا أنه غير مستغرب على جماعة أعلن مرشدها من قبل أنه جاهز لإرسال 10 آلاف جندي إلى لبنان للدفاع عنها أمام عدوان إسرائيل وهو التصريح الذي أثار انتقادات وتساؤلات عن الطريقة التي يعد بها الإخوان كوادرهم المقاتلة الجاهزة للدخول في "الحرب الآن".. (ده اسم صفحة على عشرينات)!

لكن المستغرب هو تعقيب المرشد على الحادث، فالمرشد الذي آثر السلامة مرات عديدة في وقائع مختلفة سابقة وفضل الصمت عن أن يدلي بدلوه في حوار قد يجلب عليه مشكلات جديدة، الآن قرر الخروج عن صمته والكشف عن (ما يقول عنه أنه) الحقيقة.. (ده اسم برنامج يقدمه وائل الإبراشي على دريم)!

خمن ماذا قال المرشد في 50 إخوانيا يستعرضون قوتهم القتالية أمام مكتب رئيس جامعة الأزهر؟؟..

هل قال المرشد أنها ليست المرة الأولى التي يفعلها شباب الإخوان (هذه حقيقة) وأن المشكلة هذه المرة أن الصحافة والتليفزيون ألقوا الضوء عليها "أكثر مما ينبغي" (!!)

هل قال المرشد أن ما حدث خطأ غير مقصود وأنه سيحقق مع المسئول عن هذه الواقعة، لو قال هذا لتعاطفنا معه كما نتعاطف حتى هذه اللحظة مع المرشد الأول للجماعة ومؤسسها الإمام حسن البنا الذي قال "ليسوا إخوانا وليسوا مسلمين".. في مجموعة من شباب الإخوان نفذوا عملية اغتيال النقراشي باشا..

حتى هذه اللحظة مازال أعداء الإخوان يحترمون تصريح البنا، ومازال أحباب الإخوان يترحمون على أيام كان مرشد الجماعة فيها لا يخجل من الاعتراف بالخطأ بل يعتذر عنه!

مرشد الإخوان خيب كل التوقعات وقال أن ما فعله شباب الإخوان لم يكن سوى "اسكتش فكاهي" هدفه التسلية والتسرية عن المعتصمين من الطلبة.. وأن المشكلة هي أن الصحافة أعطت الموضوع أكثر مما يستحق..

"اسكتش فكاهي" يا سيادة المرشد؟؟، وتكمل تصريحك بأنك لا تريد العبث مع العابثين، وأنك ترفض أن يتم استدراجك لمعركة كهذه..

يا فضيلة المرشد أنت بتصريحك تعبث بعقولنا، لأن لا أحد يصدق أن ما حدث اسكتش، فضلا عن أنه لا يحمل أي ذرة فكاهة لتصفه سيادتك بالفكاهي، ثم أننا شاهدنا اسكتشات إخوانية عديدة في الجامعة، لماذا تم اختيار هذا الاسكتش الآن لعرضه في لحظة مواجهة مع الأمن واعتصام طلبة يطالبوا بحقوقهم.. (التي ضيعوها عن آخرها باسكتشهم)..

يا أستاذ عاكف، لو كان ما فعله أبنائك من الإخوان اسكتش فإن ما تفعله قوات الأمن بهم (وبنا جميعا) هو اسكتش بالمثل، لكن اسكتشك يفوز من حيث الخيال والإثارة والتأثير في المشاهد وتوصيل الرسالة له كاملة لا ينقصها شيء!

لو كان ما حدث اسكتش، فإن أزمة الحجاب ووزير الثقافة هي "فيلم روائي قصير"، وأزمة "طز في مصر" هي مسرحية عبثية من فصل واحد، وتصريح مثل "ها نضربهم بالجزم" ليس أكثر من مسلسل إذاعي على نجوم إف أم!

المرشد لم يقل لنا هل الاسكتش المذكور من جزء واحد أم أن له أجزاء أخرى لم نشاهدها، وإن كان الجزء الأول اسمه "صامدون"، فهل سنشاهد اسكتشات أخرى من نوعية "القتلة" و"تمن دستة إخوان" و"وش إخوان" أو "واحد من الإخوان"..

أتصور أن الإخوان خلال 2007 سيتعاقدون مع روسيا لشراء مدرعات عسكرية تسير بشكل عادي في شوارع القاهرة على أن يتم كتابة يافطة صغيرة عليها مكتوب فيها "تصوير خارجي".. للاسكتشات بالطبع!

من الإخوان من يضحك حتى لحظة الآن على تصريح المرشد، ومنهم من قال لي "هو فاكرنا داقين عصافير" وهو تعبير مصري دارج ينطق به الواحد عندما يشعر أن هناك من يستهزأ به!

تصريح المرشد الأخير هو الأول بعد أن نال حكما بالبراءة في قضية اتهامه بإهانة المصريين.. وإن كان المرشد قد وجد قاضي عادل يبرئه من تهمة كهذه، فإنه سيواجه يوما ما تهمة أخرى هي إهانة الإخوان المسلمين نفسهم الذي هو مرشدهم رقم 7.. إلا أنه أول من استخف بهم (وبنا) ليسطح الأزمة الحالية بهذا الشكل..

عن نفسي سأنتظر مع تصريح جديد للمرشد، وسأرفع السماعة وأطلب رقمه وأسأله.. بالنسبة للتصريح الأخير يا مولانا.. اسكتش ده ولا بحق وحقيق؟؟

هناك 43 تعليقًا:

محمد العرب يقول...

معاك حث يا براء
كان من المفروض لرجل ذو وزن معروف في البلد أن يكون متزنا في تصريحاته وأن وألا يكون لقمة سائغة لدى بعض الصحفيين, فبحكمة وتريث كان بامكانه تهدئة الموقف ولملمة الموضوع
على فكرة أنا عرفت القصة من مدونتك بس

غير معرف يقول...

أخي الحبيب ( البابور ) وفي قراءة ( الوابور ) كاتب المقال ( السبرتاية ) .. اللي فوق الكابتن براء.. اتفق معاك إن فيه حاجة غلط وإن تصرف شباب جامعة الأزهر _ الساذج _ من وجهة نظري بمثابة تغريد خارج السرب بالنسبة لمارسة الإخوان المسلمين في كل جامعات مصر وفي كل محافظاتها وقراها.. لكن أنا شايف إن الحدث ده ليه دلاله هامة ,,
- وهي إن حركة شباب الإخوان في الجامعة حركة مستقلة عن توجيه ( الريموت كنترول ) .. ده اسم برنامج علي قناة سخن يا بابور) اللي صدعونا بيه عمال علي بطال .. فلو إن قيادات الجماعة بيحركوا الطلبة بالريموت وكل كبيرة وصغيرة بإذنهم وعلمهم اعتقد مكانوش وافقوا علي هذا الفعل الشبابي المتحمس الساذج ..
- ثانياً .. حتي متي ستستمر سياسة التسخين ضد الإخوان والتعامل معهم بمنطق إن الإخواني مدان حتي تثبت براءته .. لماذ تحميل الأمور أكثر مما تحتمل .. وما الغريب في أن يكون التصرف مجرد اسكتش جاااااااااااد يا عم براء .. ثم إن العالم خرجوا ببيان وقالوا فيه إحنا بنعتذر عن تصرفنا غير الموفق وسامحونا ..
ثالثاً .. تابعت كتابتك واشعر أن لك أسلوب وشاهدت فكرتك الجميلة في الدستور لكني أحب يا جميل أقولك - وللأسف - مقالك بايخ .. ويضعك باقتدار علي بداية الطريق إلي مدرسة ( روزا اليوسف .. لخدمة الأخ جمال وشركاه ) برئاسة الباشمهندس كرم جبر ومدرسة ( البوابير المتحدين ) برئاسة عم المخبر الصحفي حمدي رزق والتي تقوم علي سياسة الحول الصحفي ( بفح الحاء ) في التناول ،، والتهليل الذي يفتقد الموضوعية ,,
وهي مدرسة ممكن تكسبك عيش كويس كصحفي فاتكل علي الله واشتغل بابور ... مع إني مستخسرك !!
أما إذا كنت غاوي شهرة علي حساب مرشد الإخوان فأقولك إيه !! يالا ياعم عيش مجتش عليك .. أكبر منك وبيعملوها ..
وأخيراَ .. روح لصحاب الشأن .. الطلاب واتكلم معاهم وافهم الحكاية وانقلها بصدق وموضوعية زي ما هي وبحسب ضميرك المهني .. وخلي التسخين لأهله .. لأنه والله مش لايق عليك ..

ahmed hafez يقول...

علي فكرة المشاركة اللي فوق دي بتاعتي
احمد عبد الحافظ
a7med7afez@gmail.com

محمود سعيد يقول...

مش لايقة عليك يا براء مع إنى بحب أقرأ لك من زمان ، انت عاوز تشتغل فى روز اليوسف وتسيب الدستور ولا إيه المهم طلاب الإخوان بجامعة الأزهر أصدروا بيان وإعتذار فعلاً .
وإتفضل إقرأ ولا ده اسكتش برضه :-)

Abdou Basha يقول...

عزيزي
تقريبا كل حاجة بقت اسكتشات واستعراضات فارغة، زي المواكب اللي بتحصل في فلسطين وفي الجامعات المصرية، الفساد بياكل البلد وناس شاغلة بالها بحاجات لايمكن حيقدروا يعملوا فيها حاجة .

Sherif يقول...

- أنا مش فاهم ؟!!
هو اللي بينتقد المرشد مرّة يبقى خلاص على سكة روزا اليوسف ويوضع في نفس الكفة مع كرم جبر و عبد الله كمال ؟! مالهاش حل ثالث ؟

- مش يمكن التدوينة مكتوبة قبل اعتذار الطلبة ؟ هل تأكدتم من هذا الأمر ؟

- و بعدين حتى لو الطلبة اعتذروا أين إعتذار المرشد عن الاستخفاف بالناس في كلمة اسكتش ؟.. إنتوا بأمانة و صدق كده مش شايفين إن زلات لسانه كثرت شوية؟

- و بعدين هو خلاص يا عالم !! انتقاد الرجل أصبح حرام ؟!!

- ثم هي الدستور إخوان مثلاً ؟ غفرتم لابراهيم عيسى انتقاده (الهجومي و الغير دقيق و المتجني أحياناً) في الصحابة أنفسهم و في كبار المشايخ و العلماء و لم تغفروا للكاتب انتقاده لمرشد الإخوان المسلمين بشكل لم أراه يتخطى حدود الأدب !! (براء بامكانك مسح هذا السطر لو سيتسبب لك في مشاكل ).

- أنا لا أعرف كاتب المدونة بشكل شخصي كي ادافع عنه، و لكن أرى أنكم ظلمتموه كثيراً بلهجتكم القاسية و أخرجتم له كروت الإرهاب من عينة عودي يا هاميس إلى رشدك بشكل غريب .

ربنا يهدي الجميع إلى مافيه الخير.

شريف نجيب يقول...

أنا شريف نجيب اللي كاتب التعليق اللي فوق.. مش عارف ليه بلوجر بيخرف ساعات و يكتب نص الاسم !!

محمود سعيد يقول...

لم أهاجم البراء ولا حاجة لا سمح الله ، ولسه بحبه وبحب أقرأه له ، أنا قصدى أنه استعجل واستخدم اسلوب ساخر زعلنى منه وزعل منه أكيد ناس كتير

وفعلاً هذا الحدث يحسب للإخوان أنهم مش بيشتغلوا بالريموت من بره الجامعة وأنهم بيغلطوا وبيعتذروا مش ملايكة ولا حاجة

http://www.yallatalaba.com/article.php?sid=98

سامح البرقي يقول...

ازيك يا براء
زي مانا مش مع المعلقين في استخدام هذه اللهجة القاسية معك ايضا انا لست معك في استخدام هذه اللهجة الساخرة في حق رجل سنه اكبر من جدك
من حقك ان تنقد اداءه وتصريحاته خصوصا وان بعضها يستحق النقد ولكن اختلف معك في الاسلوب
ربنا يوفقك

غير معرف يقول...

بلا افترا يا عم البراء على الراجل ...لإن الراجل من الاساس مقلش الكلام بالتحابيش إلي معاليك عمال تضفها للتصريح..
مفيش مشكلة إن طلاب في جامعة يلعبو كاراتيه...يعني معاليك متحرقتش ليه لما امن الدولة أطلق البلطجية على الطلبة من كام يوم...

يا براء خليك عدل في احكامك..مش عشان تكتب كلمتين ...تجرح ناس محدش قدم التضحيات إلي قدموها لبلادهم وامتهم...يعني صديقك محمد شرقاوي لما مخبر لعب بالورقة في "لامؤخزة" قامت الدنيا وعملت هوليلة ..في حين قبلها بكام يوم مات شاب من الاخوان اظن اسمه طارق ..محدش اتكلم عنه سطرين...وبعده بكام يوم مات مهندس من الاخوان في المعتقل ده غير الدكتور محمد الحيوان وكتير غيره ..قدمو للبلد بجد مش تهليل وكلام لمجرد الكلام...
والله احسن حاجة يعملها الاخوان طالما مش عاجبين ..إنهم يسيبو البلد تولع لأنها بجد بلد متستهلش...وأهلها اجدع ناس تتكلم ويتصدروا في الهايفة...

بصراصحة مفيش فايدة..بلد متستهلش !!!

غير معرف يقول...

الموضوع أخد حجم اكبر من حجمه وهيسخن يومين والامور ترجع زي ما كانت على النهج المحفوظ إلي ماشية عليه البلد وهو تيارات سياسية متناحرة وصحافة فارغة مش لاقية حاجة تكتبها وتلهي بيها الناس.
بس في حاجة مهمة عجبتني وهي اعتذار الطلاب الاخوان المسلمين لأن مفيش حد في مصر بيعتذر فكون إن حد يعتذر حاجة كويسة

BlueRose يقول...

مش فاهمة الناس ليه معتبرة التدوينة متحيزة ضد المرشد و لم أجد في أي رد ممن يون هذا التحيز نقاشا , كله كلام عن الناس الهايلين الغير قابلين للنقد و عن سبب الانتقاد الذي لابد أن يكون مصلحة شخصية

ما حدث في الجامعة مهزلة بكل المقاييس , لا تقل بالمناسبة عن مهزلة دخول البلطجية لضرب الطلاب , فلو كان القصد ان البلطجة من الطلبة مقبولة للسبب دا فعفوا , الكلام دا مش منطقي

الطلبة اعتذروا بالفعل لكن الاعتذار ينقصه شجاعة القول بتقبل نتائج ما فعلوا , أتساءل ماذا سيفعل من اعتذروا اذا تم تحويلهم لمجالس تأديب بسبب ما فعلوه الذي اعتفوا أنه كان خطأ؟؟

المنظر كان كأنه مشهد في بداية الحرب الأهلية اللبنانية

عبدالرحمن يقول...

تمام يا ولد والله

ايوا كده نكون حياديين واصحاب راي يحكمه العقل احسن من شغل التبريرات الدائمة

خليك دايما كده وسيبك من الهجوم والشتائم، الشتائم لا تنم إلاعن إنسان لا يفهم في فقه الحوار والهجوم تدل علي شخص لا يقدر قيمة الرأي الآخر..ا

بصراحه ومع إني موش متحيز للإخوان دايما إلا إني بقول فينك يا حسن يا بنا تشوف إخوانك علملوا ايه؟؟

عايزين بنا حسن جديد وبنا جديد

a7med7afez يقول...

القضية يا ست بلو روز مش في النقد لكلام الاستاذ عاكف ,, فهو في النهاية بشر وليس لدي الإخوان في ضوء علمي شخص فوق النقد ,, ولكن ما أرفضه في كلام براء هو التهكم الزائد ,, ونبرة استعداء الجميع ,, حتي الإخوان هو يستعدي الإخوان علي مرشدهم بكلام من عينة واحد قالي .. داقين عصافير والتاني لسة بيضحك علي الكلام حتي الآن وإن عاكف اول من استخف بالإخوان.
ودي حقيقي نبرة منتشرة بين كتاب كلنا عارفينهم وعارفين اتجاهاتهم كويس ..

فلينقد براء كما يشاء و ليطلب بالفعل رقم هاتف عاكف ليتحدث إليه ويواجهه بتصريحاته التي لا تعجبه ,, لا أن يكتفي بالفرجة علي شاشة العربية ثم تكون هلي مرجعه الاول والأخير في تناول قضية بهذه الحساسية ..

Fady Mirhom يقول...

3akef " TOZ fiko we fy masn ....Ana much (wech egram) dih el hekoma heya el (ga3aletny mograman) dah kan bas esketch men (tomn dastet ashrar), laheya (3awdet el nadla) wala haga. yalla kabar we (matigy nor2os)...." Ta2lif, entag wa ekhrag 3AKEF EL TAIB...EL TAIB awy el chahir b T.O.Z

Egyptos يقول...

الإخوان بيدوروا على أى فرصة عشان يثبتوا قوتهم؛ و انا ملاحظ كمان المبلوجين بقى منهم إخوانجية كتيير حتى النت بيستخدموه الإخوان رغم إن من أعمال الغرب الكافر

fady Mirhom يقول...

"toz fy 3akef wel gab 3akef" ah ya3ny howa ne ha2oh ye2oul el howa 3aizoh we mahadech ye2dar yerod 3aleh? leh howa ebn min fy masr?
el hasal lahowa esketch wala tasarof taich walla haga men el kalam dah, dih much haga gedida 3al ekhwan ya3ny, dih gama3a osolia takfiria tool 3omraha el esketch el ha2i2y howa nabz el 3onf we el kalam el echta3alona bih. dih gama3a monazama geddan, ye3meloh el homa 3aizinoh we ye2oulo tach. wekamal 3aizin yakhdoh no2ta en homa much chaghalin bel remot control. dah habal fy ra2ee. we elekhwan maba2ouch motahim hata tesbat bara2ethom, dol ba2o ebria2 for ever, tab3an much marabeen de2onhom, lol
3amliin 3'aseel mokh lekteer.
ba3deen eh ya3ny mate3'latch fih 3achan ad gedak, how stupid, law asdak enoh keber we kharaf, yeb2a yo3od fy bethom ahsan, be balach kalam ahbal, we mobarak ye3mel el howa 3aizoh bardo mahom nafs el sen. sah?

غير معرف يقول...

معلش يا عم براء جلت منك المره دي بصراحة انا شايف انك متحامل قوي على الجماعه وعلى الراجل نفسه معلش طلبة الاخوان دول ما راحوش طاحوا في الطلبه زمايلهم وقالوا ده اسكتش ، وبعدين ليه ياعم ماعلقتش على بلطجية الامن اللي طاحوا في البشر في الانمتخابات الطلابيه الاخيره
وبعدين دي مش اول مرة طلبة الاخوان يعملوا حاجه زي دي وبعدين وسعت منك قوي لما قولت ان واحد من الاخوان بيقول انه فاكرنا داقين عصافير لان على حد علمي الاخوان بيحترموا قيادتهم حتى وان اختلفوا معاهم وبعدين بلاش نعمل زي بلطجية الصحافه اللي مهمتهم تصيد الفاظ الحاج محمد مهدي عاكف وتحويرها وكل ده علشان خدمة مصالح شيخ المنصر جمال مبارك والعائله الحاكمه والمالكه برضه في مصر
بلاش تيجي منك وخليك منصف
بس على فكره العنوان عاجبني بس مش معنى كده اني راضي عنه
سلام يا صاحبي

غير معرف يقول...

التعليق اللي فات ده بتاعي
وده ايميلي
ياريت نتراسل
journal442@yahoo.com
محمد

غير معرف يقول...

انا راجعت ردود افعال الاخوان على الغلطة إلي عملها طلاب الاخوان في الازهر ...لقيت غن ردودهم متزنة وحضارية ...وقدمو اعتذار وقياداتهم ادانو الموضوع بصور مختلفة
وبالنسبة لتصريح الشيخ عاكف مكنش
فيه الكلام إلي انت قلته في مقالك
وفي نقطة بالتحديد نسفت مقالك وهي إنك استقرأت ردود فعل بعض الاخوان على التصريحات إلي نسبتها للشيخ عاكف وقالك إنه مش داقق عصافير وانا بصراحة مصدقش إن حد من الاخوان ممكن يقول كده على الزعيم بتاعهم

بصراحة انت خيالك واسع قوي

قلم جاف يقول...

ما حدث هو غباء سياسي إخواني ليس إلا..

وعوامل فشل الاتجاهات الدينية في السياسة كثيرة ، ولي فيها بإذن الله كلام حيتسبب لي في خناقة جامدة .. لكن ما بدهاش..

وإذا كانت خيبة تيارات الإسلام السياسي بالويبة .. فإن خيبة التيارات المذهبية الدينية إن مارست السياسة خيبة مربعة (خصوصاً إنهم بيمارسوا السياسة في الدين ودة أمر شديد الخطورة)..

أنا مع كل حرف قالته بلو روز ، لكن لماذا في المقابل لم نركز في كل تظاهرة داخل الجامعة أو خارجها تحمل شعارات لحماس أو حزب الله؟ .. مش برضه كان فيها "اسكتشات" من اللون دة؟ ولا احنا من أنصار "لما تشوف المصيبة صغيرة يا حبيبي استناها لحد لما تبقى قد الفيل وساعتها اتكلم فيها"؟

هل مسموح "بالاستكتشات" بإذن إدارة الجامعة؟ (العبوا هناك بس ما تعدوش الشارع اللي عند عم عبده جزرة البقال)..

لماذا لم نسمع حساً في مواجهة تسييس الجامعات حكومياً؟ هل التسييس بقى "وان واي"؟

Mohamed يقول...

براء انا مش هقرا كل اللي علقوا عليك لاكن عايز اقولك انك مسكت القضية من الشقلوب و عملت زي اللي قالوله اللانجليز دخلوا البلد قال امال الشمس مغيمه ليه النهارده

بالمناسبة علشان انت مستعمل البيتا بلوج انا هكتب اسمي تحت
BackBone

غير معرف يقول...

طب ليه ياعم بتاع انت لا اتكلمت ولا نطقت عن الامن والبلطجيه بتوع عين شمس اللى شالو السنج والمطاوى وطاحو فى الجامعه كلها
على فكره انا كنت فاكرك صاحب فكر ودماغ عليا
طلعت بضان كبيره ولسه عيل

غير معرف يقول...

على فكره يابنى ادم انت بتعرف تكتب فى السكس وكمان بتعرف تتصيد الاخطاء وتشتم فى الاخوان
ابشر يابرنس هتوصل وهتعدي
الحكومه عندها فرص عمل كتير لامثالك

tazart يقول...

حين يخرج عن صمته، ماذا حين يخرجون عن كلامهم؟؟

nour يقول...

عندك الف حق..مش معنى اننا مش عاحبنا الحزب الوطنى يبقى اى حد غيره يكون احسن..الاخوان و كل المعارضة لينا كل الحق اننا نعارضها لما تعمل حاجة غلط مش معنى اننا نعارض المعارضه اننا موالسين و مش كل اعداء اعدائى اصدقائى
البراء
اهنيييك

غير معرف يقول...

انا مش مستغربة خالص كلامك يا براء لإني عارفه دماغك كويس من كتابتك رغم إننا لم نلتقي أبدا قبل كدة

اللي أنا مستغرباه فعلا هو صبرك الفظيع على الهجوم الذي تتعرض له هنا في مدنتك أو حتى في المكان الأصلي لكتابة هذه التدوينة موقع عشرينات

يا ترى عدم ردك هو عدم اهتمام ام عجز أصلا.. انا عارفة ان لسانك أطول منك وان قلمك اطول من لسانك

مستني ايه ما ترد عليهم

غير معرف يقول...

على الرغم من غضبي لهذا الموقف الغريب والغير مفهوم من طلاب جامعة الأزهر .

إلا انني حاسس إنك لا تكتب هذا المقال لوجه الله ولوجه الوطن ..وإنما شفاء لعقدة لن اعيش في جلباب ابي الأخواني ..

يعني العيلة لها توجهات اخوانية معروفة وانت عايز تتمرد ..لا اكثر ولا اقل

غير معرف يقول...

يا من اعترضتم علي موقف شباب الاخوان
ماذا فعل امثالكو لهذا الوطن
؟؟؟؟؟؟؟؟؟؟؟

mohamed يقول...

انا لي وجهه نظر يا اخي
الاخوان صعدوا الي ما هم فيه الان بطريقه ليس حبا في معاويه ولكن كرها في علي
واعتقد الكثيرون وانا منهم ان ما يحدثه الاخوان داخل المجلس ممكن يكون بدايه الاصلاح ولكن سرعان ما تحول هذا الي افكار من ضرب الترهات
وانشغلوا بالاعلام والميديا وتركوا العمل السياسي وانغمسوا في تلميع الذات والمعارضه من اجل كلمه لا وليس من اجل التغيير
وكل فتره تجد لهم فيلم اشبه بالافلام الهزليه
واخيرا حكايه الاستعراض دي رغم خطورتها الا انها تدل علي فكر ما غامض
ولكنه له دلاله هامه وهي مدي الاحتقان ليس علي مستوي طلبه الاخوان فقط ولكن القاعده ككل

اسف للاطاله
في حفظ الله

mohamed يقول...

انا محمد مفيد صاحب التعليق السابق
ماشي يا عم براء

يا مراكبي يقول...

تعليق خارج الموضوع: بما إنك الوحيد اللي نعرفه صحفي وواصل .. ياريت تنصحنا بحل للموضوع ده http://yamarakby.blogspot.com/2006/12/blog-post_16.html

sharkawoo يقول...

كنت قد قررت أن لا أرد علي تلك الكتابات التي لا تستحق الرد ولكني وجدت نفسي لا استطيع ذلك....فقررت الرد...

طيعاً كابتن براء يأخذ مأخذ الصحافة الصفراء في فلم الدعارة الصحفية التي تمارسها حالياً الصحف المستقلة والقومية علي حد سواء

في البداية لا ينكر أحد ان الطلاب قد أخطؤا في توقيت العرض تماماً ولكن يجب ان نأخذ مجرد طلاب عمرهم من 18 - 23 عام، وأن الجيمع من في الاخوان أعترض علي هذه العرض الرياضي بشدة.....

كمان أن ذلك الاعتصام الذي أمدت لاكثر من 6 ساعات كانت تلك الفرقة لا تزيد عن 15 دقيقة فقط.. ولمن ماذا تقول في الصحافة.....


ولا أعلم لماذا لا نأخذ منظر عربيات الامن المركزي وهي تحاوط الجامعات المصرية 24 ساعة.....

أم أننا نري ما نريد ونغض النظر النظر عما نريد أيضاً


ولا أعلم لمذا هناك أناس بتنكرون لماضيهم...كأنهم لم يكونوا كذلك بالامس....


ربنا يهدي

غير معرف يقول...

اجدع تعليق هو الي قاله الشمحطجي في عشرينيات انهارده على موضوع "طلاب الأزهر يشكون أمن الدولة!"..وبصراحة طرقع للبراء مش عارف ليه والتعليق على الرابط ده
http://masr.20at.com/showcomment.php?cid=101210

أروى الطويل يقول...

انا اسفه اوى يا براء بس خدت بالك من اللى الاخوان بيعملوه وما نطقتش بكلمه عن السنج والمطاوى بتاعت عين شمس وبعدين عيب اوى تتكلم عن واحد قد جدك بالطريقه دى

Ahmoss يقول...

يا أستاذ براء أنت بنقدك للأستاذ المرشد بتنتقد الصنم الجديد الذي يعبده الكثيرون.
أيوا الطلبة غلطوا ومحدش مصدق إنهم عملوا إستعراض رياضي ,ولو هو إستعراض فين بدلة الكرتيه و ليه مغطيين وشهم.
ما إحنا كنا في الجامعة و عمرنا ما شفنا كدة.
وبعدين كل المبجلين المحموقين للمرشد ما حدش فتح بقه لما شتم مصر و ناس مصر ليه و لاإنتم موافقين هو يدوس عليكم بالجزمة
إحنا بقى مش موافقين و لنا حق إنتقاده وبعدين أنا عندي سؤال مهم
لما الإخان لحد دلوقتي جماعة محظورة و المرشد بتاعها شتم مصر و شبابها إرهابيين و جمهورها رافض أي نقد بأي صورة أمال لو حكمت مصر حاتعمل فينا إيه؟
بلاش تحسوا إن أي هجوم على الإخوان هو هجوم على الإسلام و إلا تبقوا بتصنعوا أصنام جديدية و هاتودوا البلد كلها في داهية

مسلمة يقول...

السلام عليكم ورحمة الله وبركاته
الاخوان يحبون وطنهم ولا يعادون اى شخص فيه ولكن يحاربون الظلم والفساد السائد الذى يشعر به معظم الشعب المصرى ولاتنسوا ان الاخوان المسلمين هنا هم مصريون مثلك تماما يجرى فى عروقهم الدم المصرى

مسلمه يقول...

حسبى الله ونعم الوكيل
أخى أتق الله وإذا أردت أن تنقدفأنقد بموضوعية وأحترم من هو أعلم منك وأسن منك
وأقول كلمه يحاسبنى الله عليها يوم القيامة مارأيت فى حياتى قوم هم أخوف على دين الله وعلى بلادنافى يومنا هذا أكثر من اﻷخوان وإن أحيانا أخطأوا فى تقديرهم لبعض الأمور فهذا أمرا طبيعيا فكل أبن آدم خطاء.

الحمد لله على نعمة الإسلام ونعمة الفهم.

غير معرف يقول...

بصوا يا جماعة من الاخر انتوا كلكم بتقولوا ان الاخوان عاوزين الحكم عشان مصالح سياسية بقى معقول فيه جماعة تصمدكل السنين دى على الاعتقال والتعذيب والتجريح فى الصحف كل شوية ويصبروا كل السنين دى الا اذا كانت فعلا جماعة صادقة صلبة هدفها عالى وسامى بصوا كل واحد يصلى اليوم صلاة الاستخارة ويقول يارب لو فعلا دى جماعة صادقة صابرة اللهم حببنى فيهم واجعلنى منهم وان لم يكونوا كذلك فلا تمكن لهم وشوف لو انت صادق فعلا ومش منحاز للاخوان ولا حتى ضدهم شوف ربنا حيوفقك لاى اختيار لان ربنا اعلم بجنوده الصادقين فى الارض بس على شرط اذا بعد الاستخارة حسيت انك بتحب الاخوان من كل قلبك اوعى تعاديهم تانى واعلموا ان من يحارب فئة مثل الاخوان دون ان يدخل فيهم اولا ويعلم عنهم كل شىء قبل الانحياز لهم او معاداتهم فان ذلك ليس بسليملا يكن الواحد منا امعة اى يردد كلام الاخرين وخلاص لابد ان نحسن الاختيار بس بستحلفكم بالله ايه اللى يخلى شباب الاخوان العاديين فى الشارع بعيد عن المرشد او غيره ايه اللى يخليهم يستحملوا ضربة عصا من رجال الامن ناهيك عما يحدث لهم فى الاعتقالات غير لانهم قوم احبوا الله بصدق واحبوا مصر بكل صدق ايمانا منهم بان حب الاوطان من الايمان قفوا امام انفسكم يامن تهاجمون الاخوان الاحبة المتحابون فى الله بحق قفوا قبل ان يسالكم الله سؤالا وهو كيف علمتم ان الاخوان اعداء الوطن او اذا تحكموا فى مصر حيخربوها كما تقولون هل اندمجتم مع الاخوان واطلعتم على تربيتهم لمن فى صفوفهم تربية الرسول لصحابته اتقوا الله فى هذه الجماعة.

غير معرف يقول...

بصوا يا جماعة من الاخر انتوا كلكم بتقولوا ان الاخوان عاوزين الحكم عشان مصالح سياسية بقى معقول فيه جماعة تصمدكل السنين دى على الاعتقال والتعذيب والتجريح فى الصحف كل شوية ويصبروا كل السنين دى الا اذا كانت فعلا جماعة صادقة صلبة هدفها عالى وسامى بصوا كل واحد يصلى اليوم صلاة الاستخارة ويقول يارب لو فعلا دى جماعة صادقة صابرة اللهم حببنى فيهم واجعلنى منهم وان لم يكونوا كذلك فلا تمكن لهم وشوف لو انت صادق فعلا ومش منحاز للاخوان ولا حتى ضدهم شوف ربنا حيوفقك لاى اختيار لان ربنا اعلم بجنوده الصادقين فى الارض بس على شرط اذا بعد الاستخارة حسيت انك بتحب الاخوان من كل قلبك اوعى تعاديهم تانى واعلموا ان من يحارب فئة مثل الاخوان دون ان يدخل فيهم اولا ويعلم عنهم كل شىء قبل الانحياز لهم او معاداتهم فان ذلك ليس بسليملا يكن الواحد منا امعة اى يردد كلام الاخرين وخلاص لابد ان نحسن الاختيار بس بستحلفكم بالله ايه اللى يخلى شباب الاخوان العاديين فى الشارع بعيد عن المرشد او غيره ايه اللى يخليهم يستحملوا ضربة عصا من رجال الامن ناهيك عما يحدث لهم فى الاعتقالات غير لانهم قوم احبوا الله بصدق واحبوا مصر بكل صدق ايمانا منهم بان حب الاوطان من الايمان قفوا امام انفسكم يامن تهاجمون الاخوان الاحبة المتحابون فى الله بحق قفوا قبل ان يسالكم الله سؤالا وهو كيف علمتم ان الاخوان اعداء الوطن او اذا تحكموا فى مصر حيخربوها كما تقولون هل اندمجتم مع الاخوان واطلعتم على تربيتهم لمن فى صفوفهم تربية الرسول لصحابته اتقوا الله فى هذه الجماعة.

غير معرف يقول...

بصوا يا جماعة من الاخر انتوا كلكم بتقولوا ان الاخوان عاوزين الحكم عشان مصالح سياسية بقى معقول فيه جماعة تصمدكل السنين دى على الاعتقال والتعذيب والتجريح فى الصحف كل شوية ويصبروا كل السنين دى الا اذا كانت فعلا جماعة صادقة صلبة هدفها عالى وسامى بصوا كل واحد يصلى اليوم صلاة الاستخارة ويقول يارب لو فعلا دى جماعة صادقة صابرة اللهم حببنى فيهم واجعلنى منهم وان لم يكونوا كذلك فلا تمكن لهم وشوف لو انت صادق فعلا ومش منحاز للاخوان ولا حتى ضدهم شوف ربنا حيوفقك لاى اختيار لان ربنا اعلم بجنوده الصادقين فى الارض بس على شرط اذا بعد الاستخارة حسيت انك بتحب الاخوان من كل قلبك اوعى تعاديهم تانى واعلموا ان من يحارب فئة مثل الاخوان دون ان يدخل فيهم اولا ويعلم عنهم كل شىء قبل الانحياز لهم او معاداتهم فان ذلك ليس بسليملا يكن الواحد منا امعة اى يردد كلام الاخرين وخلاص لابد ان نحسن الاختيار بس بستحلفكم بالله ايه اللى يخلى شباب الاخوان العاديين فى الشارع بعيد عن المرشد او غيره ايه اللى يخليهم يستحملوا ضربة عصا من رجال الامن ناهيك عما يحدث لهم فى الاعتقالات غير لانهم قوم احبوا الله بصدق واحبوا مصر بكل صدق ايمانا منهم بان حب الاوطان من الايمان قفوا امام انفسكم يامن تهاجمون الاخوان الاحبة المتحابون فى الله بحق قفوا قبل ان يسالكم الله سؤالا وهو كيف علمتم ان الاخوان اعداء الوطن او اذا تحكموا فى مصر حيخربوها كما تقولون هل اندمجتم مع الاخوان واطلعتم على تربيتهم لمن فى صفوفهم تربية الرسول لصحابته اتقوا الله فى هذه الجماعة.

غير معرف يقول...

на вышеприведенном веб-ресурсе подобран большой ассортимент последних новостей про [url=http://www.rk-37.ru/]уход за кожей 25 лет[/url].

غير معرف يقول...

در این وب سایت شما قادر خواهید بود برای دیدن یک انتخاب عظیمی از مقالات جالب در مورد [url=http://apple-televizor.ru/]http://apple-televizor.ru/[/url]