الثلاثاء، ديسمبر 05، 2006

يادي العيون اللي بتقرا في كتاب الشوق!



كأن من لم يسمع هذه الاغنية لم يسمع غنائا مصريا من قبل..

لها معي علاقة خاصة وسرية.. رغم أني لا أعرف متى بدأت هذه العلاقة ومتى انتهت.. كل ما أذكره أنها عالقة في ذهني.. ومتشبثة بلساني.. أدندن بها في كل لحظة شرود أو لا وعي..

أعترف أني لم أفهمها لمرات عديدة.. ربما أنا أصلا لا أفهم كلمات فؤاد حداد من المرة الأولى.. لا عن عيب في حداد.. لكن بالتأكيد عن عجز مني..

إليكم بها..

............

في كل حي ولد عترة وصبية حنان

وكلنا جيرة وعشرة وأهل وخلان

أميرة عاقلة في الحجلة العقل يطير..

كانت صغيرة بضفيرة كان هو صغير

ساعة ما تضحك مع أخوها تلاقيه بيغير

ولما ترفع قلتهم تلاقيه عطشان

زمانه ماشي بخطوة يضم

زمانها كبرت وبقت أم

زمان جواب جايلها بيجري على العنوان

الفجر بيلاقي المغرب وبيجي ويروح

والليل يطل على الشارع شباك مفتوح

هنا الرصيف وهنا السلم وهناك يا سطوح

متعلقة كمام النونو بديل الفستان

زمانه ماشي بخطوة يضم

زمانها كبرت وبقت أم

زمان ضناهم في المدرسة كنز الأوطان

نحضن ولادنا ولا نخلى حنيه وذوق

نكبر معاهم ونغنى لقدام ولفوق

يادى العيون اللي بتقرا فى كتاب الشوق

الدنيا خضرا ومش فاضل على بكره زمان

زمانه ماشى بخطوه يضم

زمانها كبرت وبقت أم

زمان جواب جايلها بيجرى على العنوان

فى كل حى ولد عتره وصبيّه حنان

وكلنا جيره وعشره وأهل وخلان

أصل الحكاية حكايتنا ابن الانسان

هناك 8 تعليقات:

غير معرف يقول...

يا اغانيك يا منير
عارف يا براء من اجمل اغانى منير اللى بعشقها كنت عاوز اقولك انها بتحسسك انها بتكلمك انت بس افكرت ان كل اغانى منير الواحد بيحس انها مخصوصة ليه
عارف كمان فى اغنية مش برئ متهيئلى عرفها الاغنية دى جميلة اوى ورقيقة اوى ورومانسبة اوى
من حبك مش برئ
وفحيك مش جرئ
مع انى والله بحبك حب بحق وحقيق
ان جيت اكلمك ارجع وانا كلى خوف
وان قلت اكتب رسالة تهرب منى الحروف
قالك ايه الغرام
قالك تنسى الكلام
وتسهر ماتنام
فى الليل فكرك يطوف
والنوم خطوف خطوف
تبقى عل البر لسة وتقول يا ناااس غريق

معلش نسيت نفسى ... افتكرت نفسى منير

البراء أشرف يقول...

يا عم واحد يا رايق..

يا ريت كل الناس زيك

radwa osama يقول...

ياااه منير ..فرحتني وفكرتني باجمل الاغاني اللي بحبها

غير معرف يقول...

رايق.. يسمع من بقك ربنا
وبعد الشر ان حد يبقى زى ... هى صحيح الناس بقت وحشة اوى بس مش لدرجة انك تدعى عليها انها تبقى زى

عروسة النيل يقول...

هو ده منير
و فعلاً الأغنية دي بتعيشني حالة خاصة جداً مش بعرف أوصفها بس بشوف فيها نيل مصر

Dananeer يقول...

انا باعشق الاغنيه دى

مُصْعَب إِبْرَاهِيم يقول...

أول مرة أنت سمعت الأغنية دي كانت في أحد الاعتصامات وكان بيغنيها مالك أيام صفحة مصر...
وتاني يوم أنا كنت مشغلها، و أنت فرحت أوي وساعتها حكيتلي إنك سمعتها من مالك و كنت بتدور عليها

الأغنية طبعا مالهاش حل،
ومعدية،

واللي ما سمعهاش ما يبقاش سمع منير

البراء أشرف يقول...

يا دي الإحراج..

لا يا عم مصعب.. أول مرة سمعت الأغنية كانت من أحمد نصر الدين وكانت أغنيته الخاصة جدا لأنه بيحبها بشكل خاص مش هقولك عليه

عرفت الأغنية لما كان احمد بيدخل باسمها على الماسينجر وطلبتها منه وبعدين هو إدهالي أسمعها..

ثم تاهت مع الأيام حتى تذكرتها مرة أخرى من مالك في الاعتصام وأثناء تصوير حلقة المدونون لو تفتكرها..

بس خلاص.. عموما متشكر يا باشا إنك جيبتهالي.. وللعلم يا رجالة مصعب هو موردي الموسيقي الأول.. أنا اقوله على اسم الأغنية وهو يجيبها من تحت طقاطيق الانترنت

شكرا يا عم مصاعيبو.. فين ياض الموضوع اللي اتفقنا عليه؟؟