الأحد، ديسمبر 10، 2006

قبل أن نفترق

ممكن أطلب منك طلب..

عارف إني مليش عندك خاطر، وإني عملت معاكي اللي ميتعملش، وإنك استحملتيني كتير..

عارف إنك فقدتي الثقة في كل حاجة بقولها، وإنك هتكملي معايا بس عشان مكسوفة تقوليلي الحقيقة وإنك مبقتيش قادرة تستحملي طلباتي..

عارف إنك مبقتيش محتجالي زي الأول، وإن ضعفك الإنثوى أنا بنفسي قضيت عليه في كل مشكلة كنا بنمر بيها وكنت بجبرك على مواجهتها بقوة.. في اللحظة نفسها اللي كنت أنا بهرب فيها..

بس رغم كل ده.. هطلب منك طلب واحد.. عارف إنك هتحاولي تعمليه عشان لما تسيبيني تبقى مرتاحة ومطمنة إنك عملتيلي كل حاجة أنا عايزها من غير ما تكوني حتى مقتنعة بيها..

والنبي..

تاني مرة..

بلاش تحطي ساندوتشات المربى في نفس الكيس بتاع ساندوتشات الجبنة الرومي عشان بيبهتوا على بعض

بحبك!
*الصورة من عند حاتم

هناك 8 تعليقات:

مصـ( الخير )ـعب يقول...

بأمسي التماسي أحسن تماسي لأحسن تقولوا إن أنا ناسي

تلام تلالالام تلام تلالالام
تارارارارا

القرع لما استوى قال للخيار يا لوبيا

تلام تلالالام تلام تلالالام
تارارارارا

غير معرف يقول...

حلللللللللللللللللللللللللو بشكل جنوني مسخرة يا بيرو والله

بنت امي الغالية يقول...

بس كده يا حبيبي ياسلام اشتري رول اكياس واخصصها لسندوتشات المربى مخصوص بس انت عليك والدتك لما تلاقي الاكياس خلصت

أحمد ندا يقول...

فعلا شيء مزعج جدا حكاية سندوتشات الجبنة الرومي مع المربى

Eno.. يقول...

حلو البوست ده..ـ
بس يفرس.. الله يكون في عونها!!ـ

توتة توتة يقول...

هههههههههههههههههههههههههههه
انا فضلت اضحك حوالي عشر دقايق متواصل

غير معرف يقول...

بجد تحفة يا بختها بيك

Alice يقول...

ana law makanha kont ha3melak sandwitchat el gebna BEL meraba leghayet mat2ool 7a2y ber2abty :) 3ashan te7aram t2ool 3ala 7aga ba3d keda