الجمعة، ديسمبر 29، 2006

حرج عليا بابا... مشتمش المرشد!


"إن كان في الخلد خسر.. فالخير أن تخسروني".. من أناشيد الإخوان!

اعتبروها المرة الأخيرة "مؤقتا".. لظروف أحتفظ بها لنفسي، ولأسباب تتعلق برغبتي في بقاء علاقتي بوالدي على ما هي عليه..

لما يزيد عن المائة تعليق ومثلها إيميلات، ولآلاف الكلمات التي كتبت على الماسينجر وعشرات كروت الشحن التي استخدمت في الموبايل.. لكل هذا أرى أنه من المناسب أن تكف هذه الأشياء عن الحدوث.. وتعود الأمور لـ "طبيعتها"..

فليستريح الإخوة المكفرون، فقد أسلمت من جديد، وليصفح عني الأصدقاء الذين جعلوني أشاهد وجوههم الحقيقية للمرة الأولى.. سأنسى ما رأيت.. وأظل مخدوعا!

لتمضي حملات المقاطعة في طريقها، وليبارك الله حملة الاعتذار، وليكف أيدي جنود الأمن المركزي عن متظاهري الإخوان الذين سيخرجون في القريب العاجل يدافعون عن معتقليهم ويطلبون "الحرية" لهم.. ويستمرون في منعها عن هؤلاء الذين "كفروا" بهم ووجدوا في عقولهم رأياً آخراً عنهم!

لأن الكلاب تعوي والقافلة تسير، وعواء الكلاب بالنسبة لي صوت مزعج بما فيه الكفاية، لا أحتمله.. فضلا عن أني لا أريد أن يشبه أحدهم كتاباتي بصوت لا أحبه.. كما أن تهمة مثل الكتابة في "روزاليوسف" لا تروق لشخص مثلي يعتبر قراءة "روزاليوسف" في حد ذاتها تهمة فضلا عن الكتابة فيها..

للأسباب السابقة أعلن أن المعركة انتهت لصالح الذين بدأوها منذ البداية.. وأقول أنها المرة الأخيرة التي أكتب فيها عن الإخوان ومرشدهم.. (لأنه لا يرشد الجميع) وسأكتفي كما قال لي أبي في نصيحته الأخيرة : "انقد المجتمع.. ولو عايز تنقد الإخوان.. بلاش والنبي المرشد"..

طالبت أبي أكثر من مرة أن يذكر في كلامه أن المرشد هذا اسمه "مرشد الإخوان"، وأن لفظة "المرشد" فيها خطأ لغوي، لأنها تنفي عن غيره أن يكون مرشدا لأي جماعة أخرى، وتعمم إرشاده علينا جميعا.. وبالنسبة لكم لا أرفض أن يكون السيد عاكف مرشدا لكم جميعا.. أما أنا.. فوجدت "مرشدي" أخيرا.. تجدونه في الصورة بأعلى..

* هذا المقال ليس اعتذارا عما حدث فأنا لم أخطئ، لكنه إعلان عن اكتفائي بالكتابة في هذا المجال على الأقل حتى يتغير الوضع، مع إعلاني الاحترام الكامل لكل الأشخاص الوارد ذكرهم في المقال (أبي – المرشد – روزاليوسف – الإخوان – أصدقائي - .. مرشدي)..

هناك 18 تعليقًا:

عبدالرحمن يقول...

ويستمرون في منعها عن هؤلاء الذين "كفروا" بهم ووجدوا في عقولهم رأياً آخراً عنهم!

لا تعليق

Islamist Bloke يقول...

يا براء ........انا معاك تماما فى وجهة نظرك ورأيك...انا مش ليبرالى ولا علمانى ولا اى حاجة لا انا والحمد لله مسلم بقول لا اله الا الله محمد رسول الله وملتحى كمان عشان محدش من الاخوة الاخوان يشكك ويقول كافر وخلافه....لكن مفيش حد فوق الانتقاد الا الصادق المعصوم صلى الله عليه وسلم...وبعدين حتى لو مرشد الاخوان غلط غلطة واحنا انتقدناه ده مش معناه اننا بنكرهه أو بنحقر من شأنه أو أو... لا بالعكس انا شايف ان نقدك كان بناء جدا فى القضية وكان فى مجمله نصيحة للمرشد بتاعهم او للجماعة ذاتها انهم يعينوا متحدث رسمي باسم الجماعة يخلصهم من المشاكل والاعتقالات اللى بتحصل لهم كل ما مرشد الاخوان يتكلم عن حاجة-زي مانت نصحت قبل كدة.
الشيخ مهدي انا بحبه على فكرة وبقدره لما شفت له مؤتمر حول عملية الانتكاس السياسى فى مصر من حوالي 5 شهور لكن فعلا الرجل كبير ومش معنى اننا بنحبه او ان شباب الاخوان عليهم السمع والطاعة للمرشد مش معنى كدة اننا نأول غلطاته ونقول انه كدة صح واننا اكيد احنا اللى غلط فى تفكيرنا وان اكيد هو بيرمى لحاجة ابعد من تفكيرنا...لا يا اخواننا ده سيدنا عمر بن الخطاب نفسه كان عامة (وركز اوى اوى اوى على كلمة عامة الناس دي) كان عامة الناس بتنتقده ومش بس الرجالة لا ده كمان امرأة انتقدته وصلحت له غلطة وهو قال أصابت المرأة وأخطأ عمر.... وبعدين بصراحة بأة هى دي أهم خصائص الشعب المصرى -مع احترامي للشعب وللحاكم- التقديس والتأليه للحاكم أيا كان - والناس اللى فى جماعة الاخوان المسلمين ورثوا الجينات دي عن أجدادنا واجدادهم فتلاقيهم بيألهوا مرشد الاخوان وبينفوا عنه كل نقيصة زي ما باقى الشعب -اللى مقضيها ومش دارى بأى حاجة- بيأله حسني وبيقدسه.

يا ناس احنا لازم نتعلم النقد والنقد المضاد مع الحفاظ طبعا على عدم التجريح وبعدين كلمة صغيرة لشباب الاخوان.... تسمعوا عن الشيخ محمد سعيد رسلان؟ سمعتوا له اى خطبة؟
عامل ملف كامل اسمه ملف الاخوان المسلمين فيه 7 حلقات ارجو منكم تدخلوا على موقعه على النت وتشوفوه وبعدين تحددوا هتكملوا اخوان واللا هتتوبوا؟
www.rslan.com
وربنا يهدينا أجمعين
و كلمة أخيرة لبراء
انظر فى أسلوب نقد شباب الاخوان للشيخ العلامة محمد سعيد رسلان واعرف من أسلوبهم انت كنت صح فى نقدك لمرشدهم واللا لا
وشوف انت كمان يا براء الحلقات دي لانها مهمة جدا ولازم انت بالذات تشوفها.
ولو سمحت يا براء انا عايز ابعت لك رسالة خاصة فياريت تسيب لى ايميلك فى المدونة بتاعتى او تبعت لى ايميل على macdoff@msn.com
عشان فيه حاجة مهمة جدا لازم تقراها
والسلام على من اتبع الهدى

مصـ( الخير )ـعب يقول...

ربنا يعينك يا ابني على ما بليت به

أنا مش شايف أي حاجة غلط في مقالك اللي فجر الأزمة المفتعلة بشدة دي من ناس ربنا يهديها!

ويهدينا

وكنت هأزعل منك أوي لو اعتذرت، لأني مش شايفك غلطت...

غير معرف يقول...

السلام عليكم كلنا يسمع عن مايتعرض له اخوانا في العراق من قتل وابادة لانستطيع ان نفعل لهم شئ غير ان تدمي قلوبنا لهم وعليهم وليس اقل من محاولة اظهار ولو قدر ضئيل من معانتهم لذلك لقد قام احد الاشخاص بمحاولة تدوين جزء مما يحدث لهم فرجاء نطلب نشر عنوان هذه المدونة لعلها تكون محاولة بسيطة للتعريف بما يحدث و جزاكم الله خيرhttp://iraqsawt.blogspot.com/

BackBone يقول...

يا اسلام باشا انا معاك ان حريت النقد مطروحه و ان اي حد من حقه ان ينتقد الاخرين حتي و ان كانوا أعلي منه مكانه و علم و ذلك لإتاحت الفرصه للنقاش واتساع دوائر المعرفة

و "لاكن" في فرق كبير بين النقد و التجريح و الاستخفاف. و اكيد محدش يقبل الاستخفاف.

بص يا براء انت فاكر كويس اول مرة علقت فيها عندك كنت بتتكلم علي "هيفاء و ما بعد هيفاء" وانا حاولت افهم المضمون من المقاله و حاولت اشرحه معاك للناس اللي هجموك. لاكن في بعض الاحيان بتكون طريقت التهكم و السخريه غير مقبوله في الكلام و ده اللي انا برفضه لما تتكلم عن عالم ديني -و إن كنت لا تأخذ بفتواه في شئونك- بطريقه فيها سخريت و حتي ان كنت عايز منها النقد اعتقد ان ده غلط و يستوجب الأعتزار عن الطريقه و ليس المضمون.

ياريت يابراء تكون فاهمني
لما تكبر خبرتك و تبقي كاتب كبير هتتعلم اكتر ان عمر التجريح و الخناق و الشتيمه ما بتكسب حد. لا اللي بيقولها و لا للي بتتقال عليه

ـ"كبر دماغك بس لما تغلط متكابرش"ـ


بحاول احبك في الله

Anas يقول...

البراء اشرف سيظل نموذج مشرف للجيل كله هو و العديد من الشبابالناجحين
لكن اريد ان اقول لك كلمات علي السريع
*ارجوك تغير العنوان : لانك فعلا ما شتمتش الاخوان ..
* انا اخوان و نقدك للمرشد عادي جداا وانت لم تنتقد المرشد كشخص بل ما قاله ...و انت حر في هذا ..
* سامح اللح كل من كفرك .. واقول له شوهت صورة المسلمين .. ديه مش اخلاق مسلمين بيختلفوا مع بعض
*سامح الله كل من دخل فيك شمال ونقدك من اخوان وشباب الاخوان لانه كده شوه صورة الاخوان علي الفاضي ....
* بردك المحترم عليهم
جزاك الله خيرا.. أنا أقدر رأيك لكن لا أقتنع به
كان يدل علي نبالة الاصل و شهامة الخلق و التزام بآداب الاسلام في الحوار
*احترامنا لك زاد بعد احترامنا لوالدك و سمع كلامه ( وعدم احراجه واحراج موقفه امام اخوانه )
* بخصوص موضوع الازهر ... ارجوك لا تعمم ماحدث فلا يوجد ميليشيات ولا كلام فاضي ..لوكان فعلا فيه .. كان زمان ابوك اول واحد هناك فيها ... كل ابائنا نفسهم يموتوا شهداء في فلسطين ...
* اكتب ما تريد ولا تخف من احد الا الله
استمر
و استمر
* ثانيا انت فين من مقالات الفساد و التعذيب في مصر ...؟؟
ولا وائل عباس بس اللي بيكتب عن التعذيب فيييك يا مصر يا مدونيين ؟؟
ولا انت فين من تعذيب طلبة الازهر اللي سجنوا ؟؟
عاوزوين تحقيقات صحفية عنا و في عشرينات ... ؟
* مش معني ان الطلبة دولل غلطه انهم ما بمتحنوش او يتعذبوا .. ؟؟
مهما عملوا كلنا ضد التعذيب .. وضد المنع من الدراسة ..؟
او حتي المنع من زيارة الاهل ؟؟
عاوزين مقالات عن اي حاجة ايجابية او كويسه تفرح .. عن جيلنا المظلوم
قدام الاعلام شوية فشلة بيكتبوا مذاكراتهم علي النت ؟؟
عاوزين نبين لهم ان احنا لينا صوت وراي و اعمال نفتخربها ....
استمر
استمر
فانت هكذا تصنح حياتك
بل حياة الجيل بأكمله
استمر
نريد نقد بناء لكل الحياة من حولنا

Ahmoss يقول...

حسبي الله و نعم الوكيل
أنا مقدر حجم الضغط لكن أحب أقولك إن تراجعك ده خطاء كبير فالسهم قد نفذ فعلاً وأنت قلت ما شعرت به
تراجعك الأن نصر كبير للمرشد و أتباعه فهم كما إستطاعوا كسر أقلام كبيرة و قديمة في الملعب فقد نال بطشهم قلمك الرصاص اللي لسة بيتبري
أرجع أقول إذا كان المرشد و جماعته بيباتوا يوم في القسم و يوم في البيت و مش قادرين يحموا نفسهم و رغم ذلك بيعملوا في اللي يعارضهم كده , أمال لو مسكوا البلد هايعملوا فينا إيه - مش عارف ليه يحضرني هنا تصريح الجزمة!!!!

بالمناسبة بس الأخ Islamist bloke
يعني إيه
"انا مش ليبرالى ولا علمانى ولا اى حاجة لا انا والحمد لله مسلم بقول لا اله الا الله محمد رسول الله وملتحى كمان "
هما الإخوان و ذيولهم ليه بيكرروا
الجملة دي دايماً ... علشان يوهموا البسطاء إن الليبرالي ده كافر يعني ولا إنت أصلاً ماتعرفش إيه هي الليبرالية أو العلمانية ودي تبقى مصيبة أعظمَ!!!!

الصامت يقول...

أنا بجد نفسي أفهم إيه موضة الطعن فى الدين اللي ماشية اليومين دول؟يا بني إنت أبوك سماك البراء عارف مين البراء ده؟ده شخص كبير قوي حرام ما تقتفيش أثره و تخيب خيبة التايهين اللي مش عارفين طريق العز الحقيقى, طبعا جنابك حاتقول "واحد تاني من المتطرفين,المتشددين أهو"و تقلب وشك قرفا من أمثالى اللى بيدوروا على الوهم و تذهب قرير العين لتكمل "نضالك"العظيم فى مكافحة الظلام و الظلاميين و شتم المتخلفين اللى جايبنا "قدام" يا بني إقرا و إقرا وإقرا بس ياريت تقرا لناس ولائها لأرضها و ناسها و لدينها و بلاش البايعين دمغاتهم للتحرر الغربي السافل و السافر فى عداوته لينا و ساعتها حاتعرف أبوك سماك البراء ليه

غير معرف يقول...

لو حد قالك انكبتعرف تكتب يبقى غلط في حقك انت يا ابني بتعرف تسخر بس



في ناس كتير بتعرف تكتب

بس قليلين قوي اللي بيعرفوا يسخروا

وانت واحد من القليلين دول

فكرة صورة مرشدي وهمية

برافو عليك

واحد من الناس يقول...

عارف يا براء اكر حاجة مخليانى مش عاوز انضم لاى تنظيم او جماعة او حزب يكون ليها اب رووحى زى الاخوان هو موضوع النقد دة .. ازاى يبقى فى واحد فوق المسألة والنقد والمراجعة .. ماهو دة اللى بنعانى منه مع مبارك دلوقتى..انا كنت عارف من الردود على البوست اللى فات انك احبط شوية ..ويا رب دة مايكنش سبب انك مكتبتش فى الدستور العدد الاخير...
بالمناسبة الف شكر يا باشا على انك كتبت عن فكرتى فى الدستور
ابو براء... انت صح ومغلطش ..ماحنا ماسبناش الدنيا واترمينا فى حضن الانرنت عشان نخاف ولا يبقى فى محظور على كلامنا غير حدودنا احنا .
مستنى واحدة كلمنى شكرا الاسبوع الجاى.

غير معرف يقول...

كل سنة وانتم طيبين...
بس للعلم وللحقيقة مش أكتر ...الاستاذ اشرف جابر هو من الاساس مش من الاخوان ..هو الراجل لحاله من أكتر من عشر سنيين ...لظروف شخصية واجتماعية ونفسية..
بس الاخوان مش عايزين يقطعوا معاه كل احبال الود وكمان إكراماً لوالده الاستاذ جابر رزق ..والاستاذ جابر رزق نفسه علاقته بالاخوان مكنتش العلاقة إلي متصورها كتير من الاخوان ..الموضوع كان ابسط مما متصور حالياً
وكويس إنك قفلت الموضوع ....

shabfa2re يقول...

انت جاى ع المرشد والاخوان
فى ناس اكيد اولى انك تنتقدهم

غير معرف يقول...

والاستاذ جابر رزق نفسه علاقته بالاخوان مكنتش العلاقة إلي متصورها كتير من الاخوان..

فعلا جابر رزق مكنش من الاخوان اصلا

ده مجرد مستشار اعلامي للمرشد ورئيس تحرير مجلة الدعوة وعضو لمكتب الارشاد

مكنش فيه بينه وبين الاخوان اي علاقة

يا أخي أحه

غير معرف يقول...

الاستاذ أحه
كمال حبيب ..مستشار إعلامي للمرشد مهدي عاكف
وطبعاً إنت عارف كمال حبيب..مسيحي
وبالفعل الاستاذ جابر رزق..علاقته بالإخوان مكنتش العلاقة إلي في دماغ كتير
من الاخوان
وبصراحة ومن غير زعل...إلي يتعامل مع العيلة دي يلاحظ ن في حاجة غلط ..متعرفش عقد على كلاكيع نفسية على خلافات بينهم وبين بعضهم على مشاكل كده متعرفلهاش أول من آخر

المهم الموضوع اتقفل ..ولو سمحت حسن غسلوبك في التعامل..لإني شاكك وبنسبة كبير إنك البراء أشرف نفسه..المهم الموضوع اتقفل

البراء أشرف يقول...

الحمد لله

خلصنا من شتيمة البراء أشرف لنبدأ في شتيمة جابر رزق الذي لم يفعل شرا ربما سوى أنه كان جدي.. رحمة الله عليه

يا اخواننا والنبي.. استحملت تجريحكم وشتيمتكم كتير.. بلاش كمان نشتم ناس ملهاش علاقة بالمشكلة

واعتقد ان اعلاني اني لن اكتب في هذا الموضوع مرة أخرى كافي لأصحاب العقول التي لم تحتمل عقلي.. كفى أنها تحتمل ما تحمله من قدرة على سب وقذف بني آدم كل ما فعله هو انه انتقد المرشد

جابر رزق فعلا كان مستشار اعلامي للمرشد لكنه للاسف لم يكن عضو لمكتب الارشاد كما ان علاقته بالاخوان يحكون هم أنفسهم عنها أفضل مني

بالنسبة للعائلة الكريمة (لان كل العائلات كريمة ليس إلا) فأعتقد ان خلافاتهم او امورهم هو شيء يخصهم وحدهم.. واذا كان المعلق الكريم قد عرف شيئا عنها فهو بالتأكيد واحد قريب منها.. والقريب الذي يفضح السر ليس أكثر من منافق يبحث عن الفتنة التي هي أشد من القتل.. عموما ربنا يسامحك..هو وحده العالم كم جرحتني وآلمتني رغم اني لا اعرفك وا اتشرف بمعرفة شخص مثلك.. كما أن "أحه" ليست هي الكلمة المفضلة لي في الرد لتخمن أني صاحب التعليق السابق..

عموما هقول لبابا عليك.. وتقريبا هو هيعرفك.. ده لو مكنتش انت الشخص اللي في بالي..


باي باي..

لهواة المراسلة..

baraa_ashraf1@yahoo.com

غير معرف يقول...

علي راي المثل
العيل الواطي يجيب لاهله الشتيمة

مصـ( الخير )ـعب يقول...

هو في ايه؟!!

يعني الراجل بيعاملكم باحترام في مدونته تقوموا تسوقوا فيها؟!!

ايه العقول والنفوس المريضة دي؟!!

معلش يا براء.. ما حدش فاهمك.. أو على الأقل فاهم نفسه من الناس اللي بتشتم دي..

غير معرف يقول...

عرفته هادئا...وساخرا وثائرا
لم تكن صدفة تلك الايام التى جمعتنى ببراء في غرفة واحدة،وقد اقتربت منه كثيرا في تلك الأيام ووجدت فيه الكثير من الصفات التي أعجبتنى وكذلك الكثير من الصفات التي لم تعجبنى وحقييقه فقد أعجبنى فيك يا براء تلك الخصال الثلاث :
هادئا :
جمعتنا أنا وهو وغيرنا موائد كثيرة في قطر كانت محلا للنقاش والإختلاف وتداول وجهات النظر وبالرغم من اختلافنا معه في كثير من الأحيان إلا انه لم يفقد يوما هدوئة المعتاد وابتسامته الكبيرة، وهذا ما لمسته فيه طوال 20 يوما قضيناها معاولم يعكر اختلافنا الفكري معا يوما ما من تعايشنا معا كاصدقاء.
أما ثاني هذه الخصال فقد عرفته كذلك
ساخرا:
فالقلم الذي يكتب به براء ما هو إلا اداة للتعبير عن تلك الشخصية الساخرة من كل شئ حولها، فتجد الرجل دائما يحمل معه ابتسامته الساخرة تعليقا علي كل الأوضاع التي تعجبه والتي لاتعجبه وكم تشاركنا الضحك علي كثير من أوضاعنا الشخصية والقومية حتى عندما علمنا ذلك الأمريكي من أصل فلسطينى من اللغة العربية ( الهبل في الجبل ) سخرنا وضحكنا وحتى عندما تحدثنا عن (ضرب هيفا وما بعد هيفا) ضحكنا حتى الدموع من واقعنا العربي الذي يسخر منا أكثر مما نسخر منه،ولم أجد يوما تلك السخرية التي يحملها صديقي في جعبته اينما ذهب عيبا بل لعلها فريضة الوقت الغائبة وردا طبيعيا علي كل ما يحيط بنا
وعرفته
ثائرا:
لم تكن تلك السخرية التي يحملها إلا نذر ثورة تهب في عقل ذلك الصحفي الشاب الذي ولد للواقع الأليم الذي نعيش فيه وجد نفسه وهو يكتب أولي مقالاته محاطا بكم من السلبيات والمصائب لا يحسد عليه أحد، واقع أليم علي من يعيسشه فما بالكم بمن يطلب منه نقده وتفسبرة!!
ثورة ورغبه في التغيير وعقل يستوعب بسرعة طباع الناس واختلاف مشاربهم، غير أنه أحاط نفسه بجدار منيع قليل هم الذين استطاعوا أن يتسلقوه وصولا إليه.
وبالرغم من اختلافنا معه في الكثير من الأمور فلم يكن الرجل شيوعيا ولا يساريا ولا علمانيا كما يظن البعض ولا "كافرا"!!!!!! كما نعته أحدهم وهو لا يدري اي إساءة أسائها إلي نفسه بهذا الإتهام الجائر، وقد كنت أنا وهو نسعي للمحافظة علي الصلاة في غربتنا قدر المستطاع ورأيت الرجل يؤدي فروضة بين يدي ربه مثله مثل أيا منا لا يميزة افراط ولا تفريط.
إلي الأمام يا صديقي فإرضاء الناس غاية لا تدرك