الأحد، ديسمبر 31، 2006

عزاء واجب!.."الهتك ميهونش غير على ولاد الحرام"..


"بلاش الطاقية.. عندي حساسية".. من أفلام فؤاد المهندس!

...........

* حوار بين اتنين عراقيين في مجلس عزاء أقاموه سرا في الموصل بالعراق.. عقبال مجالس عزائنا في شبرا ان شاء الله..

.

شخص 1 : هتوحشني يا صدومتي.. إلى لقاء قريب يا حبيبي..

شخص 2 : وده هتقابلو فين يا معفن إنت..

شخص 1 : في الآخرة طبعا.. ما إحنا كلنا رايحينها.. ولا إنت ليك شوق في حتة تانية..

شخص 2 : بس ده هيخش النار..

شخص 1 : طب ما أنا عارف، أومال هنتقابل إزاي..

شخص 2 : لا لا.. إنت مش هتخش النار.. هتدخل الجنة.. ده أنت حتى بتصلي في المسجد.. ولا نزكي على الله أحدا..

شخص 1 : بص.. صدام ده هتكنا لا مؤاخذة لما قال يا بس.. ده الراجل في آخر أيامه زهد في الهتك.. وإحنا سبناه يهتكنا براحته.. وجت أمريكا هتكته وهتكتنا معاه.. يبقى أنا هدخل إيه..

شخص 2 : النار طبعا، بس افرض هو دخل الجنة عشان يمكن اعتباره شهيد ومات على إيد الكفار..

شخص 1 : ساعتها هقابله في الجنة برضه.. ما هو لو هديخل الجنة عشان استحمل هتك أمريكا.. أنا هدخل الفردوس عشان استحملت هتكه وهتك أمريكا.. وكلنا في الهتك سواء!

شخص 2 : يعني في الجنة معانا في النار معانا.. ده إيه الظلم ده

شخص 1 : وحد الله.. وأحمد ربنا إن الجنة والنار مفيهمش هتك..

شخص 2 : بس مش عارف ليه حاسس إنك فرحان إن صدام اتعدم...

شخص 1 : ده فرح فيزيائي..

شخص 2 : فرح إيه؟؟

شخص 1 : فيزيائي.. لكل فعل رد فعل مساوي له في المقدار ومضاد له في الاتجاه.. أنا كان فيه اتنين بيهتكوني في الحياة.. صدام.. وأمريكا.. صدام مات.. وهتهتك من أمريكا بس.. يعني الفترة الجاية هشتغل بنص رد الفعل..

شخص 2 : حاسس بحاجة غريبة

شخص 1 : إيه..؟؟

شخص 2 : زي ما تقول كدة صدام بدأ يوحشني.. هتوحشني يا صدومتي

شخص 1 : أصيل.. الهتك ما يهونش غير على ولاد الحرام

هناك 22 تعليقًا:

abdelaziz يقول...

علي قد ما كان ظالم وياما شنق ناس كتيير قبل ما يجي الدور عليه علي اد ما كان مثال للرجل ايوه راجل مات وهو رافع راسه مش مطاطي في غيره بقي مش بيتشنق ده بيتنفخ و يحصل فيه بلاوي وهو ساكت مريح مأنتخ بارد مش كتر برودته الجو بقي سقعه جدا جدا ... لما شفت صورته والحبل علي رقبته كان عندي اقوي من ناس كتير حاطه الحبل في بقها وبتتشد منه زي ال... ولا بلاش لحسن بشترولي حبل وانا سناني وجعاني ومش ناقصه هيا حبال ....... مش عارف ادعيله ولا ادعي عليه .. وعلي رأي المثل اشنق المربوط يخاف السايب اكتر ما هو خايف .. واللي خايف يروح وسلام بقي انا مروح عشان البلديه

Islamist Bloke يقول...

يظهر يا براء ان موضوع الهتك فى مصر ده خانقك اوى اوى ومأثر على تفكيرك ومشاعرك جامد
وعندك حق طبعا .... مين فى الدنيا ممكن يكون عنده توقع انه يتهتك فى اى لحظة ولأى سبب من أى فرد فى المجتمع سواء شرطة أو بلطجية ... الحارس اللى المفروض يحميه أو الحرامي اللى المفروض يأذيه ..... طبعا لازم نشجب الهتك باعتبارنا مواطنين مصريين لنا حق أصيل فى هذا البلد الجميل.
لكن المشكلة اللى مجننة كل الناس:
نفرح عشان صدام -باعتباره طاغية- غار فى داهية واللا نزعل عشان امريكا هى اللى قتلته؟
نفس المبدأ : هل نزعل لو امريكا بعتت قتلت حسنى او اعتقلته -حتى مع عدم دخولهم- واللا نفرح انه غار وارتحنا

اقولك:
هى مأساة كبيرة وحالة ارتباك وتوتر عالية جدا لما تفكر فى المسائل دي بس انا عندي ليها حل نفسي مريح جدا

استمع لمحاضرات الشيخ محمد سعيد رسلان عن فكر الجماعات الاسلامية وهل يجوز الخروج على الحاكم ومتى وما مدى شرعية ما حدث فى العراق وتحليل جامد جدا لانهيار السلطة المركزية فى بلد ما وما الواجب على المسلمين افراداً وجماعات ان يفعلوه فى تلك الحال
وشكرا.

Islamist Bloke يقول...

اه نسيت اكتب لك الموقع تانى
www.rslan.com

غير معرف يقول...

تهنئة إلى كل مهتوك في هذا العالم
اقتراح بجعل ذكرى صدام

يوم المهاتيك العالمي
30 ديسمبر

مصـ( الخير )ـعب يقول...

جامدة كالعادة يا براء ومش محتاج واحد زيي يقول لك..

بس ربنا يستؤ عليك من هتك المعلقين (كالعادة برضه)..

وقال على رأي المثل : "الهتك ما يهونش إلا على ولاد الحرام"!

shabfa2re يقول...

الله يرحمه

frozen love يقول...

قريب كتير من احساسي في اخر بوست كتبته..كلنا واحد

فكرة حلوة

Mo3taz يقول...

بصرف النظر عن اختلاف الرؤى في اللي حصل
فمن الناس اللي نظر للموضوع كإعدام صدام كشخص ومنهم من نظر له كإعدام رئيس عربي على يد المحتلين ومعنى ده بصرف النظر عن عدله أو ظلمه

بس أنا شايف إن على الأقل لما تحب تستخدم أسلوب ساخر ياريت تبعد الجنة والنار وأمور العقيدة بعيد عنه لإنها أجل من استخدامها في المواضيع الساخرة

البراء أشرف يقول...

يا عم معتز يا جميل..

استخدام الجنة والنار في السخرية أمر غير محرم بأي حال من الأحوال.. لاني لم اسخر منهما.. بل ورد ذكرهما أثناء سخريتي من حدث آخر..

المهم إني لم أسخر من الجنة أو النار أو أي أمر من أمور العقيدة.. يعني الحمد لله كلامي لم يكن فيه أي كفر أو تجاوز.. هو مجرد ذكر للجنة أو النار في سياق الكلام.. وهو أمر لم يتم تحريمه أو تجريمه بعد على حد علمي..

ارحمني يا معتز الله يكرمك..

لان اللي فيا مكفيني..

ومش كل ما هكتب كلمتين هلاقي حد بيقولي عيب أو حرام..

غير معرف يقول...

يا براء

كقاك ظرفا

وبص لدراستك أحسنلك

غير معرف يقول...

يا عم انا لو منك هامنع ال انونيموس كومينتس فى البلوج واريح نفسي من استظراف المستظرفين واستخفاف المستخفين واستهتار المستهترين وفلسفة المتفلسفين وحلاوة الحلوين و شطارة الشاطرين وسلملي عالمعتقلين وانا وانت وسمعنى سلام
"اهتكني يا جدع"

مُزمُز يقول...

فرح فيزيائي؟

آه يابن الإيه ياقليل الأدب
هههههههه

بس أنا رأيي عكسك
المفروض يكون اتعود على هتكين ومبيتكيفش غير كده فيبقى عنده حزن واحتياج فيزيائي

وبعدين جامدة أوي الحتة بتاعت متلبسنيش الطاقية دي
مسخرة

بس والله الراجل برضه صعب عليا

واحـــد مـــــن الـنـــاس يقول...

تحياتي ليك يا براء
عموما اذكرك اننا يجب ان نذكر محاسن موتانا

فقط
وصدام حسين اتقال فيه كلام كتير اوي
ناس تصوره على انه شيطان
وناس تصوره على انه ملاك
والله اعلم الحقيقة فين

عموما ربنا يرحمه ويغفر ليه ذنوبه يارب

we2am يقول...

يا نهاااار ازرق يا جدعااااان!!!
:S :D :S :D
دي مشاعري فعلا..ايه يا باشا..اول مرة اشوف بلوجك تخبطني كوميديا سوداء في وشي كده؟..شايف مشاعري بقت محتلطة ازاي فوق؟ :)

A L A B D E L R H M A N . يقول...
أزال المؤلف هذا التعليق.
A L A B D E L R H M A N . يقول...

بداية البراء كل سنة وانتا طيب واحييك على هذا الإحساس وان كان بالهوان ..سيدي لن اطيل ولن اقول إلا ماقلت بعد سماع الخبر مباشرة !!

وبالمناسبة إستفزتني جدا بعض الردود التى تقول كلمة " حرام " واقول لهم
ياشرفاء العالم وياشيوخنا
حينما ينتهي الحلال والحرام من حولكم سماحة العلماء
ويصير كل الفسقة أئمة " "
ولاينقصكم شعورك بأنكم في الجنة سوى إقامة الحد
على كلماتنا بفتويه" ظالة" فــــلا ..لا
إسألوا اطفالكم الصغار وهم يفتوكم ويفتوني ايهما الحرام ؟؟
الإعدام ام هذا الكلام ؟؟
هيا
إخلعوا عماماتكم !
وإرموا جلابيبكم على الأرض ..
ليلعب عليها الأطفال
ويجري فوقها الأطفال
ويبصق عليها الأطفال
فهم اقدس من هذة الفتيهات المردودة
عذراً..اياتكم محرفة واحاديثك زنديقة !
.
.

واقول
اليوم صارت ملعونة ارض العراق


! ملعون من فيها
بكل شيوخها وساداتها وكهنتها وصعاليكها

! ملعونة


ملعونة ارض العراق ملعون من فيها

! بكل عتباتها المقدسة وحسيناتها الرذيلة وكنائسها المجيدة

..ملعونة ارض العراق ملعون من فيها ولافيها سوى حثاله الأرض

! وزلة سقطت سهوا من السماء

! صعاليك الدنيا.. انذال الأرض


! حطب جنهم ، اهل النار ,على وجوهكم تكبون

! وعلى جبهاتكم ترمون

! تباعون وتشترون بالدرينار والدولار واللتر والبرميل والجنيهين

.


.


! ايعدم صدام

! ايعدم ربكم* وانتم ترزقون

! ايعدم ربكم

! في يوم الله الحرام

!..سافلون ،جاحدون ، ملعونون


! لا ..لا ايها الأنذال لاتفرحون ، لاتضحكون، لاسخرون ..

!! فقط موتوا أحياء

! واحفروا قبوركم أومرغوا جباهكم عند كل شبر

! وطأ عليه ربكم لعلكم ترحمون

!فلا اراكم إلا امواتاً.. وحياتكم عاراً




اعيادك مباركة يا براء
ويا كل الشرفاء !!


.العَبدِالرَحَمن

إبـراهيم ... معـايــا يقول...

أنا بس حخبيت أعدي ، و أقول لك مع الفاير فوكـس هعدي عليـك كل يوووم ، ولا يهمني


حلوة مشاهداتـك دي :)


تحياتي

malk almasria يقول...

سيدى الفاضل اى هتك هذا الذى تتكلم عنه اتظن ان الشعب العراقى هو وحده المهتوك لا وسامحنى فنحن لا نشعر بالهتك الا بعد موت الهاتك وحتى ان كنا نحن الذين هتكنا نفسنا وبالفعل من نسمح له بأن يهتكنا فنحن من ساعدناه ونكون حينها مشتركين معة فى هذا الهتك
سيدى كل عام وانت بخير
واكفينا ربى هتك انفسنا وهتك الاخرين

malk almasria يقول...
أزال المؤلف هذا التعليق.
غير معرف يقول...

بلاش الطاقية عندي حسسية.. سفاح النساء-فؤاد المهندس,شويكار,محمد رضا..ميمي شكيب..أحمد نبيل .

و في الختام ..إنهو.. سلامو عليكو



محمد الحسيني

غير معرف يقول...

comment05, [url=http://h2o.law.harvard.edu/user/profile.do?userID=14012]valium 10mg[/url], ivl, http://h2o.law.harvard.edu/user/profile.do?userID=14012 valium 10mg, :-), [url=http://www.ziggs.com/apps/profile/Interests.aspx?uid=139855]order zolpidem online[/url], :-), http://www.ziggs.com/apps/profile/Interests.aspx?uid=139855 buy zolpidem, :-), [url=http://www.ziggs.com/apps/profile/Interests.aspx?uid=139998]order cheap vicodin[/url], =-], http://www.ziggs.com/apps/profile/Interests.aspx?uid=139998 order vicodin online, %-(, [url=http://h2o.law.harvard.edu/user/profile.do?userID=14011]order cheap alprazolam[/url], ;-), http://h2o.law.harvard.edu/user/profile.do?userID=14011 buy cheap alprazolam, %-(, [url=http://www.chop.edu/forum/user/profile/12410.page]order zolpidem without prescription[/url], ;-), http://www.chop.edu/forum/user/profile/12410.page buy zolpidem no prescription, :-)

غير معرف يقول...

Hello! Can you tell me how i can register mail at google [url=http://google.com]google[/url] http://google.com