الثلاثاء، يناير 23، 2007

زي




1

زي ما أكون حاسس..

إنك وحشاني..

بس بجد..

في فرق كبير

بين الإحساس اللي بحسه زمان..

وإحساسي دلوقتي بإني..

زي..

ما أكون..

حاسس!

2

زي القمر إنتي

طول عمري أكره البنت اللي يقولوها كدة..

لإن مفيش بنت زي القمر..

ولإن القمر.. ملوش.. زي!

3

عايزنا نرجع زي زمان

قول للزمان.. إرجع يا زمان

4

بتحبها..؟؟

حاجة.. زي كدة!

5

صباحك زي الفل

بقيت بكرهها قوي..

صباحك فل.. أحلى

6

- عايزين فيلم زي ده..

حاضر

...

- إيه رأيكم في الفيلم.. ؟؟

حلو.. بس مش زي ما كنا عايزينه!

7

حاول توصفلي..

زي إيه كدة..

لا لا لا..

ده شيء..

ملوش زي

8

بني آدم عادي..

زينا كلنا..

بس الشيء اللي لازم نلاحظه..

إننا كلنا..

مفيناش واحد زيه..


..........................

+ لمواجهة طوفان "الغلاسة" الذي اشتم رائحته وأنا أكتب.. ما سبق لا هو شعر ولا ينبغي أن يكون.. وبالنسبة لي.. فإن ما له علاقة بكتابة الشعر داخلي قد "قتل" من زمان!

هناك 5 تعليقات:

مصـ( الخير )ـعب يقول...

زي ما أكون حاسس إنه حلو :)
بالتوفيق يا بيرو

هيثم ابوعقرب يقول...

زي م اكون حاسس
ان دي اجمل فتره ممكن

الواحد يكتب فيها
ليله الامتحاااااااااااان

الأباصيرى يقول...

اينعم مفيش شعر ولا قصة لاموضوع ولاأثارة ولاحدث ولا... بس بوست يدل انك زى ماتكون مهيس

بنت الحياه يقول...

تكتب .. ماقلناش حاجة، تكتب وتعلق!! طب سبتلنا ايه :) عجبتني، مش عشان حلوة بس عشان شدتني، ودي أحلي حاجة فيها
بس في حاجة بقي عايزة أقولك عليها، فيه بنات كتير أوي زي القمر، تشوفها جمال منور ماينفعش تقرب منه عشان ماينطفيش...
أكيد فهمتني :)

ياسمين حميد يقول...

لأ ده القمر هو اللي يمكن زيها
:-))
(مع الاعتذار للأغنية)