الأحد، يونيو 03، 2007

باربي للتجميل.. أوعى الإيميل

ارحموا من في النت يرحمكم من في السماء..

الصورة دي بتجيلي يومياً على إيميلي.. بعنوان " For Ladies only"، بعتلهم أستلحفهم بالله كفاية، برضه بيبعتوا، بحولها على الـ"spam"، بتجيلي من إيميل تاني..

يمكن يكون الحل إني أروج لهم فيشوفوا المدونة ويعرفوا إني راجل وإني اقتنعت بفكرة جل الأظافر الطويل الأمد وهبقى أقول لمراتي عليها وأسفرها الدوحة مخصوص تروح تضرب ضوافرها وترجع..


هناك 5 تعليقات:

محمود علي يقول...

الايميل ده قعد يجيلي فتره كبيره
بس بعد كده نفضوا
ممكن يا براء يكونوا بيختبروا قوة تحملك
خليك اسد واوع ترضخ

الحلم العربي يقول...

الزن على الودان أمر من السحر

بس الزن جاب معاك نتيجة ...ده انت حتى بقيت بتسوقلهم أهو ....هههه

تحياتي

مصـ( الخير )ـعب يقول...

جيت ع الجرح يا بيرو..

الـspam ده بيجيب لي شلل أطفال وسل مزمن

KING TOOOT يقول...

يمكن الموضوع يبان بسيط أو حتى تافه و المشكلة تظهر كأنها بس مجرد رسائل ممله بتوصل على الميل و خلاص و حلها اننا نمسحها كل ما نشوفها
لكن إسمح لي أنا شايف أن الموضوع اكبر من كده ، أنا شايف ان بحث رأس المال عن الربح طول الوقت و بدون مراعاة لأي شيء غير المصلحة كان هو السبب في سقوط العالم حوالينا في مستنقع من الأنانية و الإنتهازية و ثقافة المصالح و لغة المادة و نفس رأس المال القذر ده بيحاول يسيطر على العالم الإفتراضي على النت كمان و يلوثة بنفس الأفكار المتقيحة و الهدّامة لأي إنسانية
آسف على الإطالة بس البوست على عكس كل الناس
وجعني
تحياتي
KING TOOOT

Ezz يقول...

براء باشا بما إنك في الدوحة
.. و بما أنني مقيم في الدوحة.. فأنا ادعوك على عزومة غدا معتبر فرصة أعرفك على مجموعة ظريفة من الشباب في قطر من ذوي الميول الإعلامية و البلوجرية.. أبعتلي أيميل و خلينا نشوف نتقابل إزاي.. عز
arabi332003@yahoo.com